Home ព័ត៌មានអន្តរជាតិ ថៃ​រក​ឃើញ​អ្ន...

ថៃ​រក​ឃើញ​អ្នក​ផ្ទុក​កូរ៉ូណា​វីរុស​៦​ករណី​ទៀត​នៅពេល​ចិន​កើន​ជាង​៤.៥០០​នាក់​

​ថៃ​កាលពី​ថ្ងៃ​អង្គារ​ទី​២៨​មករា​បាន​បញ្ជាក់​អះអាង​ការរកឃើញ​អ្នក​ផ្ទុក​កូរ៉ូណា​វីរុស​៦​ករណី​ទៀត ក្នុងចំណោម​ភ្ញៀវ​មកពី​ប្រទេស​ចិន​ជា​ហេតុ​ធ្វើអោយ​អ្នក​ផ្ទុក​​វីរុស​នេះ​ដែល​ត្រូវបាន​គេ​រកឃើញ​នៅ​ថៃ​កើនឡើង​ដល់​១៤​នាក់​។​

​អគ្គនាយករង​នៃ​នាយកដ្ឋាន​គ្រប់គ្រង​ជម្ងឺ លោក​ថា​ណារ៉ាក់ ភ្លី​ប៉ាត បាន​ប្រាប់​អ្នកយកព័ត៌មាន​ថា ៥​ករណី​ថ្មី អាយុ​ពី​៦​ទៅ​៧០​ឆ្នាំ មកពី​ខេត្ត​ហ៊ូ​ប៉ី​ជា​ផ្នែក​នៃ​​គ្រួសារ​មួយ​។​អ្នក​ជម្ងឺ​ម្នាក់ទៀត មក​ពី​ក្រុង​ឆុង​ឈី​ញ​។​

​វីរុស ដែល​គេ​ជឿ​ថា​មាន​ប្រភព​ចេញពី​ផ្សារ​លក់​គ្រឿង​សមុទ្រ​និង​សត្វព្រៃ​មួយ​នៅ​ក្រុង​វូ​ហាន បាន​រាលដាល​ទៅ​កាន់​ទីក្រុង​ផ្សេងៗ​របស់​ចិន និង​ប្រទេស​មួយចំនួន​​រួម​មាន​អាម៉េរិក អូស្ត្រាលី កាណាដា បារាំង អាឡឺម៉ង់ ជប៉ុន កូរ៉េខាងត្បូង ម៉ាឡេស៊ី វៀតណាម នេ​ប៉ាល់ ស្រីលង្ការ សិង្ហ​បុរី​និង​កម្ពុជា​។​

​សិង្ហ​បុរី​កាលពី​ថ្ងៃ​អង្គារ បាន​អះអាង​អំពី​ការរកឃើញ​អ្នក​ផ្ទុក​កូរ៉ូណា​វីរុស​ករណី​ទី​៥​លើ​ខ្លួន​ស្ត្រី​វ័យ​៥៦​ឆ្នាំ​មក​ពី​ក្រុង​វូ​ហាន​។​

​វីរុស​នេះ​ឥឡូវ​ចម្លង​ទៅ​មនុស្ស​ជាង​៤.៥០០​នាក់​នៅ​ចិន ក្នុងនោះ​១០៦​នាក់​បាន​ស្លាប់​។​

​ប្រឈម​នឹង​សភាពការណ៍​ធ្ងន់ធ្ងរ​នេះ ចិន​បាន​កេណ្ឌ​បុគ្គលិក​ពេទ្យ​ជិត​៦.០០០​នាក់​មក​ពី​ទូទាំងប្រទេស​និង​បញ្ជូន​ទៅ​កាន់​ទីក្រុង​វូ​ហាន ក្នុង​ខេត្ត​ហ៊ូ​ប៉ី ដើម្បី​ប្រយុទ្ធ​​ទល់​នឹង​កូរ៉ូណា​វីរុស​។​

​មន្ត្រី​សុខាភិបាល​ម្នាក់​បាន​និយាយ​កាលពី​ថ្ងៃ​អង្គារ​ថា បុគ្គលិក​ពេទ្យ​៤.១៣០​នាក់ ចែកជា​៣០​ក្រុម​បាន​ទៅ​ដល់​និង​ចាប់ផ្តើម​ធ្វើការ​។​បុគ្គលិក​ពេទ្យ​១.៨០០​នាក់​​ទៀត​ត្រូវ​ទៅ​ដល់​នៅ​យប់​ថ្ងៃ​អង្គារ​៕​ប្រែ​សម្រួល​៖​វាសនា​

ថៃ​ឥឡូវ​ស្គែ​នរក​រោគសញ្ញា​លើ​គ្រប់​ភ្ញៀវ​មកពី​ចិន​។​ចិន​ជា​ប្រភព​ធំ​បំផុត​ទេសចរណ៍​ថៃ ដោយ​កាលពី​ឆ្នាំមុន​ភ្ញៀវ​ចិន​ជិត​១១​លាន​នាក់​បាន​ទៅលេង​ប្រទេស​ថៃ​

ទីតាំងផ្សាយពាណិជ្ជកម្ម

- Advertisment -

Most Popular

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...

សរុប​រឿង​ពុល​ស្រាស​នៅ​កំព...

ដោយៈមុនីរ័ត្ន/ភ្នំពេញៈ​ករ...

សម្តេចនាយក​រដ្ឋមន្ត្រី​នឹ...

សម្តេចនាយក​រដ្ឋមន្ត្រី​នឹ...