Home ព័ត៌មានអន្តរជាតិ ប្រេង​ធ្លាក់​...

ប្រេង​ធ្លាក់​ថ្លៃ​៥​ថ្ងៃ​ជាប់​គ្នា ដោយសារ​កូរ៉ូណា​វីរុស​

​ប្រេង​ឆៅ​កាលពី​ថ្ងៃ​អង្គារ​ទី​២៨​មករា បាន​បន្ត​ធ្លាក់​ថ្លៃ​៦​លើ​ក​ជាប់ៗ​គ្នា នៅពេល​ការឆ្លង​រាលដាល​នៃ​វីរុស​ថ្មី​នៅ​ចិន រួម​ទាំង​ប្រទេស​មួយចំនួន​បាន​បង្ក​ការ​ព្រួយ​​បារម្ភ​ថា​វា​នឹង​ប៉ះពាល់​កំណើន​សេដ្ឋកិច្ច​និង​កាត់បន្ថយ​សេចក្តីត្រូវការ​ប្រេង​។​

​ប្រេង​ឆៅ​Brent​នៅ​ផ្សារ​អាស៊ី​ចុះ​១៥​សេន​មក​នៅត្រឹម​៥៩,១៧​ដុល្លារ​ក្នុង​មួយ​បារ៉ែល ក្រោយ​ពី​វា​បាន​ធ្លាក់​ដល់​កំរិត​ទាប​បំផុត​ក្នុង​រយៈពេល​៣​ខែ​មក​នេះ​គឺ​៥៨,៥០​ដុល្លារ​ក្នុង​មួយ​បារ៉ែល​។​

​ចំណែក​ប្រេង​West Texas Intermediate​នៅ​អាម៉េរិក ចុះ​១២​សេន​មក​នៅ​៥៣,០២​ដុល្លារ​ក្នុង​មួយ​បារ៉ែល ក្រោយពី​បាន​ចុះ​ដល់​៥២,១៣​ដុល្លារ ដែល​ជា​កំរិត​ទាប​​បំផុត​ចាប់តាំងពី​ខែតុលា​ឆ្នាំ​មុន​មក​។​

​អាម៉េរិក​បាន​ព្រមាន​អំពី​ការ​ធ្វើ​ដំណើរ​ទៅ​ចិន​និង​ប្រទេស​ដទៃ​ទៀត​បាន​ចេញ​ការណែនាំ​អំពី​ការធ្វើដំណើរ នៅពេល​ចំនួន​មនុស្ស​ស្លាប់​ដោយ​កូរ៉ូណា​វីរុស​នៅ​ចិន​​ឡើង​ហួស​១០០​នាក់​និង​ឆ្លង​មនុស្ស​ជិត​៥​ពាន់​នាក់​។​

​ពួក​អ្នកវិនិយោគ​ខាង​ប្រេង​បាន​ការព្រួយបារម្ភ​អំពី​ការព្រមាន​អំពី​ការធ្វើដំណើរ ការ​រឹតត្បិត​ការ​ធ្វើ​ដំណើរ​និង​ផលប៉ះពាល់​លើ​កំណើន​សេដ្ឋកិច្ច​នៅក្នុង​ប្រទេស​​មាន​សេដ្ឋកិច្ច​ធំ​បំផុត​ទី​២ ដែល​វា​នឹង​កំហិត​តំរូវការ​ប្រេង ជាពិសេស​ប្រេងសាំង​យន្តហោះ ចំ​ពេល​មាន​ការផ្គត់ផ្គង់​គ្រប់គ្រាន់​។​

​បណ្តា​ភាគហ៊ុន​អាស៊ី​ក៏​ចុះ​កាលពី​ថ្ងៃ​អង្គារ ដោយសារតែ​ការផ្ទុះ​វីរុស​នៅ​ចិន​។​

​ផ្សារ​នៅ​ហុងកុង តៃវ៉ាន់ និង​ចិនដីគោក បាន​បិទ​កាលពី​ថ្ងៃ​អង្គារ ដោយសារ​វា​ជា​ពេល​ឈប់សម្រាក​ចូល​ឆ្នាំ​ថ្មី​របស់​ប្រជាជន​ចិន តែ​ភាគហ៊ុន​ផ្សារ​កូរ៉េខាងត្បូង​​ធ្លាក់ចុះ​៣,១​ភាគរយ ភាគហ៊ុន​Nikkei 225​របស់​ជប៉ុន​ចុះ​០,៦​ភាគរយ S&P ASX/200​នៅ​អូស្ត្រាលី​ចុះ​១,៤​ភាគរយ និង​ភាគហ៊ុន​សិង្ហ​បុរី​ចុះ​២,២​ភាគរយ​។​តែ​ភាគ​​ហ៊ុន​ថៃ​និង​ឥណ្ឌា​បែរ​ជា​ឡើង​។​

​នៅ​អាម៉េរិក ស​ន្ទ​ស្សន៍​ភាគហ៊ុន Dow Jones Industrial Average ចុះ​១,៦​ភាគរយ S&P 500 ចុះ​១,៦​ភាគរយ ខណៈ​Nasdaq​ចុះ​១,៩​ភាគរយ ហើយ​Russell 2000​ខុះ​១,១​ភាគរយ​។​

​វីរុស​កំពុង​វាយលុក​ចិន​នៅ​ចម្ងាយ​រាប់ពាន់​គីឡូម៉ែត្រ​ពី​អាម៉េរិក តែ​ត្រូវ​ដឹងថា​សេដ្ឋកិច្ច​សកលលោក​ដែល​មាន​ភាព​ប្រឡាក់​ក្រឡា​គ្នា និង​ក្រុមហ៊ុន​អាម៉េរិក​ជា​​ច្រើន​មាន​អតិថិជន​និង​អ្នកផ្គត់ផ្គង់​ច្រើនណាស់​នៅ​ចិន​៕​ប្រែ​សម្រួល​៖​វាសនា​

បុគ្គលិក​នៅ​កន្លែង​ដូរ​ប្រាក់​នៅ​ធនាគារ​មួយ​នៅ​ក្រុង​សេ​អ៊ូ​ល ប្រទេស​កូរ៉េខាងត្បូង ពាក់​ម៉ាស​មើល​ប្រក្រតិទិន កាលពី​ថ្ងៃ​២៨​មករា​

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...