​ស្តូប​មិត្តភាព​កម្ពុជា​-​វៀតណាម​ខេត្តកំពង់ចាម​ជា​ស្តូប​ទី​១៦​នៃ​បាន​សម្ភោ​ធ​ហើយ​ទូទាំងប្រទេស​

ដោយ​:​គង់​ហេង​/​កំពង់ចាម​៖​ស្តូប​មិត្តភាព​កម្ពុជា​-​វៀតណាម​ដែល​បាន​សាងសង់​នៅក្នុង​បរិវេណ​សួនច្បារ​ជាប់​ឆ្នេរទន្លេ​មេគង្គ​ក្នុង​ក្រុង​កំពង់ចាម​និង​បានដាក់​សម្ភោ​ធ​ជា​ផ្លូវការ​ក្រោម​អធិបតីភាព​លោកស្រី​កិត្តិ​ហ​បណ្ឌិត​ម៉ែន​សំអន​ឧបនាយករដ្ឋមន្ត្រី និង​ជា​តំណាង​ដ៏​ខ្ពង់ខ្ពស់​សម្តេច​អគ្គ​មហា​ចក្រី ហេង សំរិន ប្រធានរដ្ឋសភា​នា​ព្រឹក​ថ្ងៃទី​២៨​ខែមករា​ឆ្នាំ​២០២០​នេះ​គឺជា​ស្តូប​ទី​១៦​នៃ​ស្តូប​មិត្តភាព​សរុប​ដែល​បាន​សម្ភោ​ធ​ហើយ​ទូទាំងប្រទេស​។​


​លោក​អ៊ុន​ចាន់​ដា​អភិបាលខេត្ត​កំពង់ចាម​បាន​មានប្រសាសន៍ថា​សំណង់​ស្តូប​មិត្តភាព​កម្ពុជា​-​វៀតណាម​ខេត្តកំពង់ចាម​កំពុង​និង​អមដោយ​សំណង់​ជា​សួនច្បារ​ដ៏​ស្រស់​ឆើតឆាយ​បានដាក់​សម្ភោ​ធ​ជា​ផ្លូវការ​នា​ថ្ងៃនេះ​បាន​ស្ថាបនា​តាំងពី​ឆ្នាំ​២០១៦​។​ក្រោម​ការឧបត្ថម្ភ​ថវិកា​សាងសង់​ទាំងស្រុង​របស់​ប្រទេស​វៀតណាម តាមរយ​:​ក្រុមប្រឹក្សា​ជាតិ​រណសិរ្ស​អភិ​វ​ឌ្ឈ​ន៍​មាតុភូមិ​កម្ពុជា​។​

​លោក​អភិបាលខេត្ត​បាន​មានប្រសាសន៍​ទៀតថា​«​ស្តូប​»​នេះ​គឺជា​និមិត្តរូប​នៃ​ការ​រំលឹក​គុណ​ការធ្វើ​ពលី​កម្ម​អាយុជីវិត​របស់​វីរ​យុទ្ធជន​កម្ពុជា​និង​វីរ​យុទ្ធជន​ស្ម័គ្រចិត្ត​វៀតណាម​។​ជាពិសេស​ដើម្បី​រំលឹក​គុ​ណូ​ប​ការ​:​ដ៏​ថ្លៃថ្លា​របស់​វីរ​យុទ្ធជន​ស្ម័គ្រចិត្ត​វៀតណាម ដែល​បាន​បូជា​សាច់​ស្រស់​ឈាម​ស្រស់​ក្នុង​បុព្វហេតុ​រំដោះ ប្រទេស​កម្ពុជា​ឲ្យ​រួចផុត​ពីរ​បប​ប្រល័យពូជសាសន៍ ប៉ុល ពត​។​

​លោក​ញ៉ែម​វ៉ា​លី​អនុប្រធាន​អចិន្ត្រៃយ៍​និង​ជា​អគ្គលេខាធិការ​នៃ​ក្រុមប្រឹក្សា​ជាតិ​រណសិរ្ស​សាមគ្គី​អភិវឌ្ឍន៍​មាតុភូមិ​កម្ពុជា​បាន​មានប្រសាសន៍ថា​«​ស្តូប​មិត្តភាព​កម្ពុជា​-​វៀតណាម​ខេត្តកំពង់ចាម​»​ដែល​បាន​សម្ភោ​ធ​នៅ​ថ្ងៃទី ២៨ ខែមករា ឆ្នាំ​២០២០​នេះ គឺ​ស្តូប​មិត្តភាព​ទី​១៦ ដែល​បានដាក់​សម្ពោធ​រួចហើយ​។​

លោក​អនុប្រធាន​អចិន្ត្រៃយ៍​បាន​មានប្រសាសន៍​ឳ្យ​ដឹង​ទៀតថា​ក្នុងនោះ​«​ស្តូប​មិត្តភាព​កម្ពុជា​-​វៀតណាម​»​ដែល​បាន​សម្ភោ​ធ​ហើយ​មាន​: រាជធានី​ភ្នំពេញ ខេត្តកំពត ខេត្ត​ព្រះសីហនុ​ខេត្តកំពង់ឆ្នាំង​ខេត្តតាកែវ ខេត្តកំពង់ធំ ខេត្តបាត់ដំបង ខេត្តព្រះវិហារ ខេត្តស្ទឹងត្រែង ខេត្ត​កែប ខេត្តរតនគិរី ខេត្តមណ្ឌលគិរី ខេត្តបន្ទាយមានជ័យ ខេត្តក្រចេះ ខេត្តកោះកុង និង​ខេត្តកំពង់ចាម​សម្ភោ​ធ​នៅ​ថ្ងៃទី​២៨ មករា​នេះ​។​

លោក​វ៉ា​លី​បាន​មានប្រសាសន៍​បន្តថា​ជាមួយនេះ​ក៏​សូម​ស្នើ​ឳ្យ​ខាង​អាជ្ញាធរខេត្ត​កំពង់ចាម​រៀបចំ​ការសាងសង់​សួនច្បារ​ជាប់​សួនច្បារ​របស់​ស្តូប​នេះ​បង្ហើយ​។​ដោយ​សំណើ​ដែល​យើង​បាន​ស្នើសុំ​ទៅកាន់​ភាគី​វៀតណាម​ដំណាក់កាល​ចុងក្រោយ​នោះ​គឺ​ខាង​វៀតណាម​បានផ្តល់​ថវិកា​សម្រាប់​សាងសង់​សួនច្បារ​នេះហើយ​៕S/​

ទីតាំងផ្សាយពាណិជ្ជកម្ម

- Advertisment -

Most Popular

​ ​ហោរាសាស្ត្រ​

​ប្រចាំថ្ងៃ​ពុធ ទី២ ខែធ្ន...

អន្តេវាសិក​,​អន្តេវាសិន​,...

ដោយៈ​ដកស្រង់​ពី​វចនានុក្រ...

រដ្ឋាភិបាល​កម្ពុជា​ជួយ​ម៉...

​ដោយៈ​បាយ័ន​/​ភ្នំពេញ...

ជួសជុល​លុប​ជង្ហុក សំបុកមា...

​ដោយ​:​រ៉ា​ម៉ន​/​ភ្នំពេញ​...