អ្នកស្រុក​ចំណុះជើងវត្ត​អា​ធ្វា​ប្រារព្ធ​ពិធី​ឡើងអ្នកតា​បួងសួង​សុំ​សេចក្តីសុខ​តាម​ទំនៀម​ពី​បុរាណ​

ដោយ​គូលែន​/​សៀមរាប​: ប្រជាជន​ចំណុះជើងវត្ត​អា​ធ្វា​រួមមាន​ភូមិ​ទ្រាក​ភូមិក​ក្រាញ់​ភូមិ​ក្រសាំង​រលើង និង​ភូមិ​ស្ពាន​ជ្រាវ​បាន​មូល​មីរ​ជួបជុំគ្នា​នៅ​ប្រាសាទ​អា​ធ្វា​ប្រារព្ធ​ពិធី​ឡើង​មាឃ​ឬ​ឡើងអ្នកតា​រៀងរាល់ថ្ងៃ​៣​កើត ខែមាឃ តាម​ទម្លាប់​ត​ពី​បុរាណ​។​នេះ​គឺជា​ការបញ្ជាក់​ឱ្យដឹងពី​អាជ្ញាធរ​អប្សរា​កាលពី​ថ្ងៃទី​២៨ ខែមករា​ឆ្នាំ​២០២០​។​

មន្ត្រី​អាជ្ញាធរ​អប្សរា​បាន​និយាយថា​ពិធី​នេះ​មាន​រៀបចំ​បាយ​សម្ល​បង្អែម​ច​ង្អា​ប​ក្បាលជ្រូក​គ្រឿង​រណ្តាប់​ស្លាធម៌ បាយសី វង់ភ្លេង អ្នក​ស្នង​រូប ដើម្បី​រាំ​ថ្វាយ និង​សែន​ថ្វាយ​ម្ចាស់​ទឹក ម្ចាស់​ដី អារក្ស អ្នកតា មាន​លោកតា​មហារាជ ហាជ​ម្ពួ ស្តេច​នាគ​ខៀវ​នាគ​សនា​គ​ខ្មៅ​នាគ​ក្រហម​ស្តេច​អណ្តើក​ស្តេច​ហនុមាន តា​ឥសី ម្រេញគង្វាល ស្តេចយមរាជ​។​ល​។ ដែល​ថែរក្សា​ប្រាសាទ​អា​ធ្វា​។

​មន្ត្រី​ដដែល​បាន​បន្តថា​ចំណុច​សំខាន់​នៃ​ពិធី​នៅ​ប្រាសាទ​អា​ធ្វា​គឺ​ការចូល​រូប​ដើម្បី​បង្កើត​ទំនាក់ទំនង​រវាង​មនុស្ស​និង​ទេព​ដើម្បីឱ្យ​ទេព​បាន​រាំរែក​សប្បាយ​ហូបចុក​ឆ្អែតឆ្អន់​មុននឹង​ចាកចេញ​ទៅ​ស្រុក​លំនៅ​ខ្លួន​វិញ​។​អ្នកស្រុក​ជឿថា​ការរៀបចំ​ពិធី​ឡើង​មាឃ​ឬ​ឡើងអ្នកតា​នេះ​គឺ​ដើម្បី​សុំ​សេចក្តីសុខ​ចម្រើន​ចៀស​ផុតពី​រោគាព្យាធិ​គ្រោះកាច​ឧបទ្រពចង្រៃ​ដល់​មនុស្ស​សត្វ​។​ម្យ៉ាងទៀត​ក៏​ដើម្បី​អរគុណ​ដល់​អ្នកតា​ម្ចាស់​ទឹក​ម្ចាស់​ដី ដែល​ផ្តល់​ទឹកភ្លៀង ដី​មាន​ជីជាតិ ធ្វើឱ្យ​កសិកម្ម​ទទួលបាន​ផល​ល្អ​។​

​លោកតា​កែវ​អាយុ​៧០​ឆ្នាំ​ជា​ចាស់ទុំ​នៅក្នុង​ភូមិ​ទ្រាក​បានឱ្យដឹងថា​ឱ្យតែ​ដល់​ហេមន្តរដូវ​អ្នកស្រុក​អ្នកភូមិ​បាន​មូលមតិ​គ្នា​រៀបចំ​ពិធី​ឡើង​មាឃ​ឬ​ឡើងអ្នកតា​នៅ​ប្រាសាទ​វត្ត​អា​ធ្វា​ជាប្រចាំ​។ លោកតា​បន្តថា កម្មវិធី​នេះ​មាន​ជា​យូរយារ​មកហើយ​លើកលែងតែ​អំឡុងពេល​ប្រទេស​មាន​សង្គ្រាម​ទេ​ដែល​មិនអាច​រៀបចំ​បាន​។

លោកយាយ​ហុង​អាយុ​៦១​ឆ្នាំមាន​ប្រសាសន៍ថា​លោកយាយ​តែងតែ​មក​ចូលរួម​ពិធី​ឡើងអ្នកតា​ជា​រៀងរាល់ឆ្នាំ​មិនដែល​ខាន​ឡើយ​ទោះបី​រវល់​យ៉ាងណា​ក៏ត្រូវ​មក​ចូលរួម​ដែរ​។​លោកយាយ​ជឿថា​លោកតា​មហារាជ​និង​លោកតា​មហា​ជ​ម្ពួ​តែង​ជួយ​ថែរក្សា​ភូមិ​ស្រុក​និង​គ្រួសារ​លោកយាយ​បាន​សុខ​សប្បាយ​។​

​ម្យ៉ាង​ការធ្វើ​ដូច្នេះ​ក៏​ជា​គំរូ​មួយ​នៃ​ការបង្រៀន​កូនចៅ​ជំនាន់​ក្រោយ​ឱ្យ​ចេះ​ធ្វើតាម​កុំឱ្យ​ទំនៀម​នេះ​បាត់បង់​ទៅតាម​ចាស់ៗ​ដែល​ស្លាប់ទៅ​។​បន្ទាប់ពី​បញ្ចប់​កិច្ច​ពិធី​ឡើង​មាឃ ឬ​ឡើងអ្នកតា​នៅ​ប្រាសាទ​វត្ត​អា​ធ្វា ក៏មាន​ការរៀបចំ​សែនព្រេន​ឡើង​មាឃ​ឬ​ឡើងអ្នកតា​ដូចគ្នានេះដែរ​នៅ​ទីតាំង​ទួល​តា​មឿង​និង​ទួល​យាយ​ប៉ុក​ផងដែរ​៕S/

​រូបភាព​:​អ្នកស្រុក​ចំណុះជើងវត្ត​អា​ធ្វា​នាំគ្នា​ប្រារព្ធ​ពិធី​ឡើងអ្នកតា​បួងសួង​សុំ​សេចក្តីសុខ​តាម​ទំនៀម​ពី​បុរាណ​៕​អប្សរា​

ទីតាំងផ្សាយពាណិជ្ជកម្ម

- Advertisment -

Most Popular

ឃាត់ខ្លួន​បុរស​ម្នាក់ រំល...

ដោយៈ ស​រិ​ទ្ធ/រតនគីរីៈ បុ...

អភិរក្ស​និង​ជួសជុល​ជណ្ដើរ...

​ដោយ​: គូលែន / ព្រះវិហារ​...

សឿ សុធា​រ៉ា បង្ហាញ​វត្តមា...

ដោយ៖បញ្ញាសាស្រ្ត/ភ្នំពេញ​...

រថយន្ត​ថយក្រោយ​កិន​ម៉ូតូ​...

ដោយ​: សុខ​សុ​ភ័​ណ្ឌ / កំព...