អ្នកនាំពាក្យ​ក្រសួងការបរទេសៈ និស្សិត​ខ្មែរ​២៣​នាក់​ស្នាក់នៅ​ក្រុង​វូ​ហាន​មាន​សុខ​ភាពល្អ​ធម្មតា​

អ្នកនាំពាក្យ​ក្រសួងការបរទេសៈ និស្សិត​ខ្មែរ​២៣​នាក់​ស្នាក់នៅ​ក្រុង​វូ​ហាន​មាន​សុខ​ភាពល្អ​ធម្មតា​(រូបឯកសារ)

ដោយៈ មុនី​រ័ត្ន​/​ភ្នំពេញៈ អ្នកនាំពាក្យ​ក្រសួងការបរទេស​កម្ពុ​ជា លោក​កុយ គួ​ង បាន​ឲ្យ​ដឹង​នៅ​ព្រឹក​ថ្ងៃទី​២៩ ខែមករា ថា ស្ថាន​អគ្គ​កុងស៊ុល​ខ្មែរ​ប្រចាំខេត្ត​ឆុង​ឈី​ង ប្រទេស​ចិន​បាន​បញ្ជាក់ថា ស្ថានភាព​និស្សិត​ខ្មែរ​ចំនួន ២៣​នាក់ ដែល​កំពុងស្នាក់នៅ​ក្រុង​វូ​ហាន ខេត្ត​ហឺ​ប៉េ គឺ​បច្ចុប្បន្ន​ទាំង ២៣​រូប (​មាន​បី​រូប​ជា​និស្សិត​ផ្នែក​យោធា​) មាន​សុខ​ភាពល្អ​ធម្មតា​។​
​លោក​បន្តថា និស្សិត​ទាំង ២៣​រូប កំពុងស្នាក់នៅ​ក្នុង​សាលា Wuhan University, Huazhongkeji University, Hubei University, Wuhan Ligong University, Huazhong Normal University និង Naval University of Engineering​។ Wuhan University បានផ្តល់​អាហារ​បី​ពេល​ដល់​និស្សិត​បរទេស​ទាំងអស់​ដោយ​មិន​គិតថ្លៃ ។​ដោយឡែក​ចំពោះ​សាលាដ​ទៃទៀត​បាន​បើក​ដំណើរការ​អាហា​រដ្ឋា​ន​ជាធម្មតា ចំណែក​ម៉ា​ត​នៅ​ជិត​សាលា​ក៏​បើក​ដំណើរការ​ធម្មតា​។​
​អ្នកនាំពាក្យ​ដដែល​បាន​បញ្ជាក់ថា ស្ថាន​អគ្គ​កុងស៊ុល​បាន​ទំនាក់ទំនង​ជាប្រចាំ​ជាមួយ​មន្ទីរ​ការបរទេស​ខេត្ត​ហឺ​ប៉េ​និង​សាលា ស្នើសុំ​ជួយ​សហការ​ថែទាំ និង​ផ្គត់ផ្គង់​ចំណីអាហារ ដល់​និស្សិត​កម្ពុជា​។ អាជ្ញាធរខេត្ត​ហឺ​ប៉េ​បាន​ឆ្លើយតប​នឹង​បន្ត​ជួយ​ឲ្យ​អស់ពី​លទ្ធភាព​ដែល​អាច​ធ្វើបាន​។​
​ចំណែក​និស្សិត​ខ្មែរ​ទៅ​សិក្សា​នៅ​ប្រទេស​ចិន​ចំនួន ២៩​នាក់​ផ្សេងទៀត ត្រូវបាន​វិលត្រឡប់​មក​ប្រទេស​កម្ពុជា​វិញ ស្របពេល​ដែលមាន​ហេតុការណ៍​ផ្ទុះឡើង​នូវ​កូ​រ៉ូ​ណាវី​រុស ដែល​បានសម្លាប់ ពលរដ្ឋ​ចិន ជាង ១០០​នាក់​និង​ជាង បួន​ពាន់​នាក់​ទៀត រង​នឹង​ការឆ្លង​។ ការវិល​ត្រឡប់មកវិញ​របស់​និស្សិត​ខ្មែរ​ចំនួន ២៩​នាក់​នេះ គឺជា​ដំណើរ​វិស្សមកាល​របស់​ក្រុមនិស្សិត ដែល​ស្របពេល​នឹងមាន​ការផ្ទុះ​ឡើង​នៃ​វីរុស​ថ្មី​កូ​រ៉ូ​ណា​នោះ​។​
​យោងតាម​របាយការណ៍​របស់​អគ្គនាយកដ្ឋាន អន្តោប្រវេសន៍​បានបង្ហាញ​ថា ក្រុមនិស្សិត​ទាំង ២៩​នាក់ ក្នុងនោះ​រួមមាន​ស្រី ៥​នាក់ បាន​វិលត្រឡប់​ពី​សកល​វិទ្យាល័យ​ហឺ​ហ្វី នៃ ខេត្ត​អាន​ហួយ មក​កម្ពុជា​វិញ​តាម​ច្រកទ្វារព្រំដែន​អន្តរជាតិ​ប៉ោយប៉ែត កាលពី​ព្រឹក​ថ្ងៃទី ២៨ មករា​។​
​និស្សិត​ខ្មែរ​ទាំង ២៩​នាក់ ត្រូវ​បានទទួល ស្វាគមន៍​ដោយ​អភិបាលខេត្ត លោក អ៊ុំ រាត្រី និង​មន្ត្រីខេត្ត​មួយចំនួនទៀត​។ មន្ត្រី​ប្រចាំការ​មាត់​ច្រកទ្វារព្រំដែន បាន​ឲ្យ​ដឹងថា ក្រុមនិស្សិត​ទាំងនេះ​ត្រូវ បាន​ពិនិត្យ និង​ស្កែ​ន​យ៉ាង​ហ្មត់ចត់​ខ្លាចក្រែង​មាន​ឆ្លង​វីរុស​ថ្មី​កូ​រ៉ូ​ណា ហើយ​អាជ្ញាធរ​បានរៀបចំ​រថ​យន្ត​ក្រុង​ដើម្បី ជូនទៅ​កាន់​ផ្ទះ​ស្រុកកំណើត និង​ស្ថិតនៅក្នុង​ការតាមដាន ក្នុង​រយៈពេល ១៤​ថ្ងៃ​៕​សរន​

ក្រុមនិស្សិត​ទាំង ២៩​នាក់ ក្នុងនោះ​រួមមាន​ស្រី ៥​នាក់ បាន​វិលត្រឡប់​ពី​សកល​វិទ្យាល័យ​ហឺ​ហ្វី នៃ ខេត្ត​អាន​ហួយ មក​កម្ពុជា​វិញ​តាម​ច្រកទ្វារព្រំដែន​អន្តរជាតិ​ប៉ោយប៉ែត កាលពី​ព្រឹក​ថ្ងៃទី ២៨ មករា​។
ក្រុមនិស្សិត​ទាំង ២៩​នាក់ ក្នុងនោះ​រួមមាន​ស្រី ៥​នាក់ បាន​វិលត្រឡប់​ពី​សកល​វិទ្យាល័យ​ហឺ​ហ្វី នៃ ខេត្ត​អាន​ហួយ មក​កម្ពុជា​វិញ​តាម​ច្រកទ្វារព្រំដែន​អន្តរជាតិ​ប៉ោយប៉ែត កាលពី​ព្រឹក​ថ្ងៃទី ២៨ មករា​

ទីតាំងផ្សាយពាណិជ្ជកម្ម

- Advertisment -

Most Popular

អភិបាល​រាជធានី​ថ្លែងអំណរគ...

​ដោយ​៖ រ៉ា​ម៉ន / ភ្នំពេញ​...

អាកុល​និង​ម៉ាស់​ជា​អំណោយ​...

ដោយ​: គូលែន / ភ្នំពេញ​: ថ...

ពលរដ្ឋ​ជាង ២០០​គ្រួសារ​នៅ...

ដោយៈ មុនី​រ័ត្ន​/​ភ្នំពេញ...

លោកនាយករដ្ឋមន្ត្រីទី​ម័​រ...

ដោយៈ​មុនី​រ័ត្ន​/​ភ្ន...