Home ព័ត៌មានជាតិ សន្តិសុខ ​មនុស្ស​២​នាក...

​មនុស្ស​២​នាក់​ដែល​បំពុល​សភាពការណ៍​រឿង​ជនជាតិ​ចិន​៤​នាក់​កើត​ជំងឺ​កូ​រ៉ូ​ណា​នៅ​ខេត្តសៀមរាប បាន​ហៅ​មក​បំភ្លឺ​

​ដោយ​បាយ័ន​/​ខេត្តសៀមរាប​៖​មនុស្ស​ប្រុស​ម្នាក់​និង​ស្រី​ម្នាក់​ជាប់​ពាក់ព័ន្ធ​នឹង​កើត​ចែកចាយ​ព័ត៌មាន​ដែលថា​ជន ជាតិចិន​ចំនួន​៤​នាក់​កើត​ជំងឺ​កូ​រ៉ូ​ណា ស្នាក់នៅ​សណ្ឋាគារ​ប៉ាស៊ីហ្វិក ក្នុង​ក្រុង​សៀមរាប ខេត្តសៀមរាប​ត្រូវបាន​នគរបាល​ផែន​សន្តិសុខ​ផ្ទៃ​ក្នុងនៃ​ស្នងការដ្ឋាន​នគរបាល​ខេត្តសៀមរាប​កោះហៅ​មក​បំភ្លឺ​ជុំវិញ​ករណីនេះ​។​

​ការកោះហៅ​នេះ​ធ្វើឡើង​កាលពី​ថ្ងៃទី​២៨ ខែមករា ឆ្នាំ​២០២០ ដោយមាន​លោក​ឧ​ត្ត​ម​សេនីយ៍​ត្រី ហួត សុធី​ស្នងការរង​ទទួល​ផែន​សន្តិសុខ​ផ្ទៃក្នុង​នៃ​ស្នងការដ្ឋាន​ខេត្តសៀមរាប​។​ការកោះហៅ​នេះ​ជន​ទាំង​២​ត្រូវបាន​សារភាព​និង​ទទួលកំហុស​ហើយ​ព្រមធ្វើ​កិច្ច​សន្យាថា​ខ្លួន​បាន​ប្រព្រឹត្ត​បង្ហោះ​ព័ត៌មាន​ក្នុង​គ្រុប​ឡាញ ហើយ​បាន​ចែកចាយ​ព័ត៌មាន​មក​ខាងក្រៅ​ធ្វើឱ្យមាន​ភាព​ភ្ញាក់ផ្អើល​ពិតប្រាកដ​មែន​។​

​ជន​ទាំង​២​ត្រូវបាន​គេ​ស្គាល់​ថា​ទី​១​មានឈ្មោះ ម៉ែន ចាន់​នឿន ភេទ​ប្រុស អាយុ​៣៤​ឆ្នាំ សញ្ជាតិ​ខ្មែរ មុខរបរ​អ្នកគ្រប់គ្រង​ទូទៅ​នៃ​ក្រុមហ៊ុន​ទេសចរណ៍​មួយ​ក្នុង​ខេត្តសៀមរាប​មាន​អាស័យដ្ឋាន​ស្នាក់នៅ​សង្កាត់​ស្វាយដង្គំ​ខេត្តសៀមរាប​។​ទី​២​ឈ្មោះ​អ៊ឹង​ជិ​ង​សេរី​រតនៈ​ភេទ​ស្រី​អាយុ​២០​ឆ្នាំ​សញ្ជាតិ​ខ្មែរ​មុខរបរ​បុគ្គលិក​ក្រុមហ៊ុន​ទេសចរណ៍​មួយ​ក្នុង​ខេត្តសៀមរាប​មាន​អាសយដ្ឋាន​នៅ​ក្រុមទី​៧​ភូមិ​ពោធិ៍​បន្ទាយ​ជ័យ សង្កាត់​សៀមរាប​ខេត្តសៀមរាប​។
លោក​ឧ​ត្ត​ម​សេនីយ៍​ត្រី​ហួត​សុធី​បាន​និយាយថា​កាលពី​ថ្ងៃទី​២៧​និង​ទី​២៨​ខែមករា​មានការ​ចែក​ចាយ​ពត៌មាន​តាម​បណ្តាញ​សង្គម​ហ្វេ​ក​ប៊ុ​ក​ដែលថា​មាន​ជនជាតិ​ចិន​ចំនួន​៤​នាក់​ស្នាក់នៅ​សណ្ឋាគារ​ប៉ាស៊ីហ្វិក បាន​ផ្ទុក​ជំងឺ​កូ​រ៉ូ​ណា ហើយ​បង្កឱ្យមាន​ភាព​ភ្ញាក់ផ្អើល​យ៉ាងខ្លាំង​។​

លោក​ឧ​ត្ត​ម​សេនីយ៍​ត្រី​បាន​បន្តថា​ផ្តើមចេញពី​ខាងលើ​គឺ​នៅ​ថ្ងៃកើតហេតុ​មាន​គ្រុប​ឡាញ​ដែលមាន​សមាជិក​៤​នាក់​របស់​ជនសង្ស័យ​បាន​បង្ហោះ​នៅក្នុង​គ្រុប​ដោយ​បញ្ជាក់ថា​មាន​ជនជាតិ​ចិន​ចំនួន​៤​នាក់ ដែល​កើត​ជំងឺ​កូ​រ៉ូ​ណា​ស្នាក់នៅ​សណ្ឋាគារ​ប៉ាស៊ីហ្វិក​ក្នុង​ក្រុង​សៀមរាប​។​ក្រោយពី​បង្ហោះ​សារ​ក្នុង​គ្រុប​ឡាញ​នោះ​ស្រាប់តែ​ជនសង្ស័យ​ដែលមាន​ឈ្មោះ​អ៊ឹង​ជិ​ង​សេរី​រតនៈ​បាន​បញ្ចេញ​សារ​ខាងលើ​មក​ខាងក្រៅ​ទើប​ធ្វើ​ឲ្យ​ពត៌មាន​នោះ​បែកធ្លាយ​ផ្អើល​ពេញ​បណ្តាញ​សង្គម​ហ្វេ​ស​ប៊ុ​ក​។​

​ជាមួយនឹង​ស្ថានភាព​ភ្ញាក់ផ្អើល​អាជ្ញាធរ​ខេត្តសៀមរាប​ក៏បាន​ធ្វើការ​ចាត់វិធានកា​រ​ដោយមាន​ការកោះហៅ​ជន​ទាំង​២​មក​បំភ្លឺ​ជុំវិញ​រឿងរ៉ាវ​នេះ​នៅ​ថ្ងៃទី​២៨​ខែមករា​ឆ្នាំ​២០២០​។​ជាមួយនឹង​ការកោះហៅ​មក​បំភ្លឺ​ជន​ទាំង​២​បានទទួល​ស្គាល់​កំហុស​របស់ខ្លួន​និង​បានទទួល​ស្គាល់​នូវ​ការបញ្ចេញ​រូបភាព​របស់​ជនជាតិ​ចិន​ទាំង​៤​នាក់​នោះ​ថែម​ទៀតផង​។​
​ក្នុង​កិច្ចសន្យា​អ្នក​ទាំង​២​ក៏បាន​សន្យា​ឈប់​ផ្សាយ​ព័ត៌មាន​មិន​ពិត​ដែល​បណ្តាលឱ្យមាន​ចលាចល​ដល់​ប្រជាជន​ក្នុង​ខេត្តសៀមរាប​និង​ទូទាំងប្រទេស​កម្ពុជា​។​ពួកគេ​ទាំង​២​ក៏បាន​សន្យា​គោរព​តាម​ការណែនាំ​របស់​អាជ្ញា​ធរ​និង​បើសិនជា​ប្រព្រឹត្ត​ខុស​អំពី​កិច្ចសន្យា​ខាងលើ​ពួកគេ​នឹង​ទទួលខុសត្រូវ​ចំពោះមុខ​ច្បាប់​៕S/


​រូបភាព​៖​មនុស្ស​២​នាក់​ដែល​បំពុល​សភាពការណ៍​រឿង​ជនជាតិ​ចិន​៤​នាក់​កើត​ជម្ងឺ​កូ​រ៉ូ​ណា​នៅ​ខេត្តសៀមរាប ត្រូវបាន​កោះហៅ​មក​បំភ្លឺ​៕​បាយ័ន​

ទីតាំងផ្សាយពាណិជ្ជកម្ម

- Advertisment -

Most Popular

ហោរាសាស្ត្រ​

ប្រចាំថ្ងៃសៅរ៍ ទី៥ ខែធ្នូ...

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...