​រដ្ឋមន្ត្រី​សុខាភិបាលៈ កម្ពុជា​ពុំមាន​តំបន់​ណាមួយ​ស្ថិតក្នុង​ការប្រកាសអាសន្ន​ពី​ការឆ្លង​វីរុស​កូ​រ៉ូ​ណា​

លោក ម៉ម ប៊ុនហេង ​
​រដ្ឋមន្ត្រី​សុខាភិបាល​ចុះ​ផ្សព្វផ្សាយ​ចែក​និង​បិទ​ខិតប័ណ្ណ​ស្ដីពី​វិធានការ​បង្ការ​ការចម្លង​វីរុស​កូ​រ៉ូ​ណា​

ដោយៈ មុនី​រ័ត្ន​/​ភ្នំពេញៈ រដ្ឋមន្ត្រី​ក្រសួងសុខាភិបាល​លោក ម៉ម ប៊ុនហេង បាន​បញ្ជាក់ថា មកដល់ពេលនេះ រាជរដ្ឋាភិបាល​កម្ពុជា​ពុំបាន​ហាមឃាត់​ទេសចរ​បរទេស​ចេញចូល​ក្នុងប្រទេស​កម្ពុ​ជា​ទេ​។ កម្ពុជា ក៏​ពុំទាន់​ឃើញ​មាន​តំបន់​ណាមួយ​ស្ថិតនៅក្នុង​ភាព​ប្រកាសអាសន្ន​ពី​ការឆ្លង​វីរុស​កូ​រ៉ូ​ណា​ប្រភេទ ថ្មី​នៅឡើយ​ដែរ​។ តែ​ទោះបីជា​យ៉ាងណា​វិធាន​ការអប់រំ​ផ្សព្វផ្សាយ​ត្រូវបាន​ស្ថាប័ន​ពាក់ព័ន្ធ​ទាំងអស់ ទាំង​វិស័យ​ឯកជន និង​រដ្ឋ រួមទាំង​ក្រសួងសុខាភិបាល​បាន​ចូលរួម​ធ្វើ​សកម្មភាព​អប់រំ​ផ្សព្វផ្សាយ​ទប់ស្កាត់​បង្ការ​ការចម្លង​វីរុស​កូ​រ៉ូ​ណា​ប្រភេទ​ថ្មី​នេះ​ទាំង​បណ្ដា​ខេត្ត និង​រាជធានី​ភ្នំពេញ​និង​នៅតាម គ្រឹះស្ថានសិក្សា​តាម​ទីប្រជុំជន​ចំណត​ឡាន​-​ផ្សារ​, សាលារៀន និង​តំបន់​ទេសចរណ៍​។​

លោក ម៉ម ប៊ុនហេង
​រដ្ឋមន្ត្រី​សុខាភិបាល​ចុះ​ផ្សព្វផ្សាយ​ចែក​និង​បិទ​ខិតប័ណ្ណ​ស្ដីពី​វិធានការ​បង្ការ​ការចម្លង​វីរុស​កូ​រ៉ូ​ណា​


​ការបញ្ជាក់​របស់​រដ្ឋ​មន្ត្រី​ក្រសួងសុខាភិបាល​បានធ្វើ​ឡើង​ពេល​អញ្ជើញ​ចុះ​ផ្សព្វផ្សាយ​ចែក​និង​បិទ​ខិតប័ណ្ណ​លើ​ឡានក្រុង​និង​ចែក​ដល់​អ្នកដំណើរ​ជិះឡាន​ក្រុង​របស់​សាលា​រាជធានី​ភ្នំពេញ​និង​ម៉ូតូ​កង់​បី​ស្ដីពី​វិធានការ​បង្ការ​ការចម្លង​វីរុស​កូ​រ៉ូ​ណា​ប្រភេទ​ថ្មី​ដល់​ប្រជាពលរដ្ឋ និង​អ្នក ដំណើរ ក្នុង​រាជធានី​ភ្នំពេញ​កាលពី​ព្រឹក​ថ្ងៃទី​២៩ ខែមករា ឆ្នាំ​២០២០​។​
​រដ្ឋមន្ត្រី​ក្រសួងសុខាភិបាល​បាន​បញ្ជាក់ថា ការចែក​ខិតប័ណ្ណ​ស្ដីពី​ការបង្ការ​ការចម្លង​វីរុស កូ​រូ​ណា​ប្រភេទ​ថ្មី​នៅពេលនេះ​គឺជា​សារ​មួយ​ប្រាប់​ដល់​ប្រជាពលរដ្ឋ​ទាំងអស់​ឲ្យ​មានការ​ប្រុងប្រយ័ត្ន​ពី​សុខភាព​។​ក្រសួងសុខាភិបាល​បាន​ណែនាំ​ទៅដល់​គ្រប់​មន្ទីរពេទ្យ​ធំៗ​ទាំង​នៅ​រាជធានី​ភ្នំពេញ​និង​តាម​បណ្ដា​ខេត្ត រៀបចំ​បន្ទប់​សម្រាប់​ស​ង្គ្រោះ​បន្ទាន់​នៅពេល​ដែលមាន​ប្រជាពលរដ្ឋ​ណា​ម្នាក់​ឆ្លង​វីរុស​កូ​រ៉ូ​ណា​ប្រភេទ​ថ្មី​និង​បាន​បង្កើត​លេខ ទូរស័ព្ទ​ពិសេស​សម្រាប់​ប្រជាពលរដ្ឋ តេ​មកសុំ​អន្តរាគមន៍ គឺ​លេខ​១១៥​។​
​ទាក់ទង​ទៅនឹង​ការរកឃើញ​អ្នកទេសចរ​ចិន​ម្នាក់​ដែលមាន​ផ្ទុក​វីរុស​កូ​រ៉ូ​ណា​ប្រភេទ​ថ្មី​នៅ​ខេត្ត​ព្រះសីហនុ កាលពីពេល​ថ្មី​នេះ​លោក​ម៉ម​ប៊ុនហេង​បាន​បញ្ជាក់ថា​ស្ថានភាព​សុខភាព​ជនជាតិ​ចិន​ម្នាក់​ដែលមាន​ផ្ទុក​វីរុស​កូ​រ៉ូ​ណា​ប្រភេទ​ថ្មី​នោះ​មាន​សុខ ភាពល្អប្រសើរ​ជាង​មុន ហើយ​និង​កំពុងស្ថិត​នៅក្រោម​ការព្យាបាល​ដោយ​យកចិត្តទុកដាក់​បំផុត​ពី​សំណាក់​ក្រុមគ្រូពេទ្យ​ជំនាញ​ដែល​ត្រូវ​ការតាមដាន​ត្រួតពិនិត្យ​សុខភាព​គាត់​រយៈពេល ១៤​ថ្ងៃ​ទៀត​មុននឹង​អនុញ្ញាត​ឲ្យ​គាត់​វិលត្រឡប់​ទៅ​ប្រទេស​ចិន​វិញ​៕សរន

លោក ម៉ម ប៊ុនហេង ផ្តល់​សម្ភាសន៍​ដល់​អ្នក​កាសែត​
​រដ្ឋមន្ត្រី​សុខាភិបាល​ចុះ​ផ្សព្វផ្សាយ​ចែក​និង​បិទ​ខិតប័ណ្ណ​ស្ដីពី​វិធានការ​បង្ការ​ការចម្លង​វីរុស​កូ​រ៉ូ​ណា​

ទីតាំងផ្សាយពាណិជ្ជកម្ម

- Advertisment -



Most Popular