​អគ្គិភ័យ​កំពុង​ឆេះ​ព្រៃភ្នំ​ដោះ​ក្រមុំ​យ៉ាង​សន្ធោ​ស​ន្ទៅ​មិន​អាចជួយ​សង្គ្រោះបាន​

407
ចែករម្លែក

ដោយៈ​គ្រញូង​/​បាត់ដំបងៈ​ប្រភពព័ត៌មាន​គួរឱ្យ​ជឿទុកចិត្ត​បាន​បាន​ប្រាប់ថា​ចាប់ពី​ម៉ោង​៧​យប់​ថ្ងៃ ទី ២៨​ខែមករា​ឆ្នាំ​២០២០​នៅ​ចំណុច​ទីតាំង​ព្រៃ​ថែ​ល​មាន​ឈ្មោះថា​ភ្នំ​ដោះ​ក្រមុំ​ស្ថិតនៅក្នុង​ឃុំ​តា​សាញ​ស្រុក​សំឡូត​នៅ​ចំ​ពី​ខាងក្រោយ​របង​សាលាស្រុក​នេះ​តែម្ដង​។​ដោយ​អណ្តាតភ្លើង​ឆេះ​យ៉ាង​ស​ន្ទោ​ស​ន្ទៅ​មិនអាច​ជួយ​អន្តរាគមន៍​ពី​អាជ្ញាធរ​ឬ​សមត្ថកិច្ច​បានឡើយ​។​ភ្លើងព្រៃ​នេះ​គេ​មិនទាន់​អាចធ្វើ​ការសន្និដ្ឋាន​ថា​ឆេះ​ដោយសារ​មូលហេតុ​អ្វី​ច្បាស់លាស់​នៅឡើយ​ទេ​។​

លោក​វរសេនីយ៍ឯក​កោ​ស៊ុន​កាំ​ង​អធិការនគរបាល​ស្រុក​សំឡូត​បាន​ប្រាប់​រស្មី​កម្ពុជា​ថា​ពិត​ជាមាន​ភ្លើង​ឆេះ​ព្រៃ​ដោះ​ក្រមុំ​មែន​ដោយ​រៀងរាល់ឆ្នាំ​ឱ្យតែ​ដល់​ខែ​រាំង​ក្តៅ​ហួតហែង​ភ្លើង​តែងតែ​ឆេះ​ព្រៃ​នេះ​មិនដែល​ខាន​។​ប៉ុន្តែ​ដល់​រដូវវស្សា​មាន​ភ្លៀង​ធ្លាក់​ជោគជាំ​ព្រៃឈើ​ក៍​ដុះ​ឡើងវិញ​។​

លោក​អធិការ​ស្រុក​បាន​បញ្ជាក់ថា​ចំពោះ​ករណី​ភ្លើង​ឆេះ​ព្រៃ​ដោះ​ក្រមុំ​នេះ​ត្រូវបាន​អាជ្ញាធរ​ឃុំ​ស្រុក​ព្រមទាំង​សមត្ថកិច្ច​ទាំងបី​ប្រភេទ​ចុះជួយ​អន្តរាគមន៍​បាញ់​ពន្លត់​ដោយ​ប្រើប្រាស់​រថយន្ត​ពន្លត់​អគ្គិភ័យ​របស់​អធិការដ្ឋាន​ស្រុក​សំឡូត​១​គ្រឿង​អស់​ទឹក​ចំនួន​២​រថយន្ត​ទើប​រលត់ទៅវិញ​។​

​លោក​អធិការ​បន្តថា​ការឆេះ​ព្រៃ​នេះ​គ្មាន​បង្ក​ពី​អ្នកណា​លួច​ដុត​ឬក៏​បោះ​កន្ទុយបារី​ចោល​ឬ​មកពី​ដាំបាយ​ភ្លេច​ពន្លត់ភ្លើង​ទេ​គឺ​ដោយសារ​តែព្រៃ​ម្តុំ​នេះ​មាន​ឈើ​សំបក​ក្រាស់​ហើយ​ពេល​ក្តៅ​ខ្លាំង​ក៏​ឆេះ​សឹង​រាល់​ឆ្នាំ​។​ចំពោះ​ការខូចខាត​ព្រៃ​អស់​ប៉​ន្មា​ន​ហិកតា​គឺ​មិនទាន់​ដឹង​ទេ​។​ដោយឡែក​លោក​ឆាយ​ណា​រ៉េត​នាយផ្នែក​រដ្ឋបាល​ព្រៃឈើ​សំឡូត​មិនអាច​ទាក់ទង​សុំ​ការបំភ្លឺ​ជុំវិញ​ករណី​ភ្លើង​ឆេះ​ព្រៃ​នេះដែរ​៕S/

​ ​ ​រូប​ថ​តៈ​ភ្លើង​ឆេះ​ព្រៃ​នៅ​ភ្នំ​ដោះ​ក្រមុំ​យ៉ាង​ស​ន្ទោ​ស​ន្ទៅ​

ទីតាំងផ្សាយពាណិជ្ជកម្ម