​រឿ​ម វណ្ណៈ មិន​ខ្លាច កូ​ឡាប ដាំ ឯ វេន សុភ័ក្ត្រ សងសឹក​ជាមួយ លូ​ម លេង​

ដោយ​៖ រ៉ូ​ហ្សា
​ភ្នំពេញ​៖
អ្នក​ប្រដាល់​កម្ពុជា ២ រូប នឹង​ជួប​តស៊ូ​ជាមួយ អ្នក​ប្រដាល់​ជើង​ខ្លាំង​ថៃ នៅលើ​សង្វៀន​ខា​រ៉ា​បាវ របស់​អាស៊ីអាគ្នេយ៍ នា​រសៀល ថ្ងៃទី​១ កុម្ភៈ ខាងមុខនេះ ។​

​រឿ​ម វណ្ណៈ ក្លិប​អប់រំ​កាយ​ស្រុក​អន្លង់វែង ខេត្ត​ឩ​ត្ត​រ​មានជ័យ ត្រូវ​តស៊ូ​ជាមួយ​អ្នក​ប្រដាល់​ថៃ កូ​ឡាប ដាំ (Kolap Dam) ដោយ​ពួកគេ​ប្រកួត​គ្នា ក្នុង​ប្រភេទ​ទម្ងន់ ៦៣,៥០ គីឡូក្រាម​។ វណ្ណៈ ជា​អ្នក​ប្រដាល់​ចិត្ត​ស្លុយ​មួយរូប ដែល​ចូលចិត្ត​លេង​កែង តែ​ពេលខ្លះ កែង​របស់គេ វ៉ៃ​ចេញ​របៀប​ផ្សងព្រេង​ប៉ុណ្ណោះ ។​

រឿ​ម វណ្ណៈ និង កូ​ឡាប ដាំ​

​ចំពោះ កូ​ឡាប ដាំ ជា​ជើង​ខ្លាំង​មួយរូប ដែល​ធ្លាប់ធ្វើ​ឲ្យ​អ្នក​ប្រដាល់​កម្ពុជា មិនតិច​នាក់​ទេ ត្រូវ​បរាជ័យ ដោយសារ​គេ ។ គេ​ជា​អ្នក្រ​ដាល់​ចិត្តធំ និង​មាន​ផ្លែ​វ៉ៃ​ល្អ​ទាំងអស់ ពិសេស​អ្នក​ប្រដាល់​រូបនេះ គេ​វ៉ៃ​ដោយ​អារម្មណ៍​ស្ងប់ មិន​ឆេវឆាវ​ឡើយ ។ មាន​អ្នក​ប្រដាល់​កម្ពុជា ដែល​ពូកែ​កែង និង ជង្គង់ មិនតិច​នាក់​ទេ ដែល​ចាញ់​អ្នក​ប្រដាល់​ថៃ រូបនេះ ។​

​កូ​ឡាប ដាំ មាន​ប្រវត្តិ​ប្រកួត ចំនួន​៧១​ដង ឈ្នះ​៦០​ដង ចាញ់​១០​ដង និង​ស្មើ​ពិន្ទុ​១ ដង ។ ចំពោះ​អ្នក​ប្រដាល់​កម្ពុជា រឿ​ម វណ្ណៈ វិញ គេ​មាន​ប្រវត្តិ​ប្រកួត ចំនួន​៧៣​ដង ឈ្នះ​៥៦​ដង ចាញ់​១៦​ដង និង​ស្មើ​ពិន្ទុ​១​ដង ។ នេះ​ជា​លើកដំបូង​ហើយ ដែល​ពួកគេ​ជួប​ប្រកួត​គ្នា មិនដឹងថា នរណា​ឈ្នះ នរណា​ចាញ់​នោះទេ​។​

វេន សុភ័ក្ត្រ និង លូ​ម លេង​

​វេន សុភ័ក្ត្រ ក្លិប​ទ័ព​ឆ័​ត្រ​យោង ៩១១ ប្រកាសឡើង ប្រកួត​សងសឹក ជាមួយ​អ្នក​ប្រដាល់ រន្ទះ​ជើង​ព្យុះសង្ឃរា​ថៃ លូ​ម លេង (Loom Leng) ដោយ​ប្រកួត​គ្នា ក្នុង​ប្រភេទ​ទម្ងន់ ៦៣,៥០ គីឡូក្រាម​ដែរ ។​

​សុភ័ក្ត្រ ធ្លាប់​ចាញ់​ក្រោម​ថ្វី​ជើង​របស់ លូ​ម លេង ពេលនេះ គេ​ត្រូវ​ប្រកួត​សងសឹក ដើម្បី​បញ្ជាក់ថា សុភ័ក្ត្រ ពេលនេះ មិនមែន​សុភ័ក្ត្រ ពីមុន​ទេ គេ​ត្រូវការ​ឈ្នះ លើ​គូប្រកួត​ឆ្លងដែន ឲ្យ​ខាងតែបាន ។ តាមពិត សុភ័ក្ត្រ មាន​របៀប​វ៉ៃ​ល្អ តែ​ពេល​ប្រកួត​ជាមួយ អ្នក​ប្រដាល់​បរទេស គេ​ហាក់ដូចជា​ចាញ់ចិត្ត គូប្រកួត​ទៅវិញ​។​

​ចំពោះ លូ​ម លេង វិញ ជា​អ្នក​ប្រដាល់ ដែល​ទម្ងន់​ជើង​របស់គេ ធ្ងន់​ណាស់ មាន​អ្នក​ប្រដាល់​កម្ពុជា មិនតិច​នាក់​ទេ ដែល​សន្លប់​ក្រោម​ទម្ងន់​ជើង​គេ ។ លូ​ម លេង មាន​ប្រវត្តិ​ប្រកួត ចំនួន​៨៧​ដង ឈ្នះ​៧១​ដង ចាញ់​៥​ដង និង​ស្មើ​ពិន្ទុ​១​ដង ។ ចំពោះ​អ្នក​ប្រដាល់​កម្ពុជា វេន សុភ័ក្ត្រ វិញ គេ​មាន​ប្រវត្តិ​ប្រកួត ចំនួន​៩១​ដង ឈ្នះ​៧៨​ដង ចាញ់​១៤​ដង និង​ស្មើ​ពិន្ទុ​១​ដង ។ ជំនួប​សងសឹក​នេះ មិនដឹងថា វេន សុភ័ក្ត្រ ធ្វើបាន​សម្រេច ឬ​យ៉ាងណា​នោះឡើយ ។​

អ្នកខ្លាំង​ដែល​ត្រូវ​ប្រកួត​គ្នា

​ចំពោះ​ការប្រកួត រវាង​អ្នក​ប្រដាល់ រួម​ជាតិ​វិញ​នោះ ផាន់ ឡៃ​ហ៊ាង ក្លិប​ចលនា​យុវជន ១៥៧ គុន​ខ្មែរ​ប្រកួត​ជាមួយ លីន សុ​ផែន ក្លិប​បូរី​រាជសីហ៍​មាន​រិ​ទ្ធ ក្នុង​ប្រភេទ​ទម្ងន់ ៥១ គីឡូក្រាម ។ វៀត ប៊ុន​ឌឿ​ន ក្លិប​គុហារ​ព្រហ្ម​ជ័យ ប្រកួត​ជាមួយ សោម វិឆ័យ ក្លិប​ពន្លឺ​វិបុល ដោយ​ប្រកួត ក្នុង​ប្រភេទ​ទម្ងន់ ៦០ គីឡូក្រាម​។​

​ពេជ្រ ប៊ុនហេង ក្លិប​រា​ហ៊ូ​កីឡា ខេត្តបាត់ដំបង ប្រកួត​ជាមួយ នូវ ស៊ី​ណាត ក្លិប​ទ័ព​ឆ័​ត្រ​យោង ៩១១ ដោយ​ប្រកួត​គ្នា ក្នុង​ប្រភេទ​ទម្ងន់ ៦០ គីឡូក្រាម ៕v

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...