Home ព័ត៌មានអន្តរជាតិ សិង្ហ​បុរី​នា...

សិង្ហ​បុរី​នាំ​ជនជាតិ​ខ្លួន​៩២​នាក់​មក​ស្រុក​និង​ចែក​ម៉ាស​មុខ​មួយ​គ្រួសារ​៤​ម៉ាស​ចំពេល​ព្រួយបារម្ភ​អំពី​ការឆ្លង​វីរុស​ថ្មី​

​រដ្ឋមន្ត្រី​ក្រសួង​អភិវឌ្ឍន៍​សិង្ហ​បុរី លោក​ឡ​រេ​ន វ៉ុង បាន​និយាយ​នៅ​ថ្ងៃ​ព្រហស្បតិ៍​ទី​៣០​ខែ​មករា​នេះ​ថា​គ្រួសារ​សិង្ហ​បុរី​ក្នុង​មួយ​គ្រួសារ​នឹង​ទទួលបាន​ម៉ាស​មុខ​ដែល​​មាន​កំរិត​ការពារ​ខ្ពស់​ចំនួន​៤ ម៉ាស ចំ​ពេល​មាន​ការព្រួយបារម្ភ​អំពី​វីរុស​នៃ​ជំងឺ​ផ្លូវដង្ហើម​ដែល​បាន​ផ្ទុះឡើង​នៅ​ទីក្រុង​វូ​ហាន​ប្រទេស​ចិន និង​ដោយសារ​ប្រជាជន​​សិង្ហ​បុរី ត្រូវ​ឈរ​ជា​ជួរ​យូរៗ​ក្នុង​ការទិញ​ម៉ាស​ពី​ហាង​លក់​នានា នៅ​ទូទាំង​ប្រទេស​នេះ​។​

​ម៉ាស​ដែល​មួយ​កញ្ចប់​មាន​៤​ម៉ាស​នេះ នឹង​អាច​ទទួលបាន​នៅតាម​មណ្ឌល​សុខភាព​សហគមន៍​ចំនួន​៨៩ ហើយ​ការចែក​ម៉ាស​នឹង​ចាប់ផ្តើម​ពី​ថ្ងៃទី​១​ខែ​កុម្ភៈ​ ដល់​ថ្ងៃទី​៩​ខែ​កុម្ភៈ​។​

​លោក​ឡ​រេ​ន វ៉ុង បាន​និយាយថា ការ​ចែកចាយ​នេះ​មាន​គោលបំណង​ធានា​ដល់​ប្រជាជន​សិង្ហ​បុរី​ថា​គ្រប់​គ្រួសារ​ទាំងអស់​នឹង​មាន​ម៉ាស​ប្រសិនបើ​មនុស្ស​ក្នុង​​គ្រួសារ​របស់​អ្នក​ពិតជា​ត្រូវការ​វា​។​

​អំពី​កូរ៉ូណា​វីរុស​នេះ​ដែរ ក្រសួង​សុខាភិបាល​សិង្ហ​បុរី​បាន​និយាយ​កាលពី​ថ្ងៃ​២៩​មករា​ថា អាជ្ញាធរ​បាន​រកឃល​ញ​អ្នក​ឆ្លង​វីរុស​នេះ​៣​ករណី​ទៀត​នៅ​សិង្ហ​បុរី ជាហេតុ​​នាំ​អោយ​ចំនួន​អ្នក​ឆ្លង​វីរុស​នេះ​ឡើង​ដល់​១០​នាក់​នៅ​សិង្ហ​បុរី​។​អ្នក​ឆ្លង​បី​នាក់​ចុង ក្រោយ​ក៏​ដូច​៧​នាក់​មុន​ដែល ពួកគេ​សុទ្ធតែ​មកពី​ក្រុង​វូ​ហាន​។​

ជនជាតិសិង្ហបុរី តម្រៀបជួរដើម្បីការពិនិត្យឯកសារចេញពីក្រុងវូហានកាលពីថ្ងៃ៣០មករា

កាលពី​ថ្ងៃ​ព្រហស្បតិ៍​ទី​៣០​មករា សិង្ហ​បុរី​បាន​នាំ​ជនជាតិ​របស់​ខ្លួន​ចំនួន​៩២​នាក់​ពី​ក្រុង​វូ​ហាន​មក​ស្រុក​វិញ​។​រដ្ឋមន្ត្រី​ក្រសួង​អភិវឌ្ឍន៍​សិង្ហ​បុរី លោក​ឡ​រេ​ន វ៉ុង បាន​​អោយដឹងថា មាន​ជនជាតិ​សិង្ហ​បុរី​មួយចំនួន​តូច​នៅ​ក្រុង​វូ​ហាន​នៅឡើយ ដោយសារ​ពួកគេ​បង្ហាញ​រោគសញ្ញា និង​មិន​អាច​ជិះ​ក្នុង​យន្តហោះ​ជាមួយ​ជនជាតិ​សិង្ហ​​បុរី​ផ្សេងទៀត​។​

​ចំពោះ​អ្នក​ដែល​បង្ហាញ​រោគសញ្ញា នឹង​ត្រូវ​នាំ​ទៅកាន់​មន្ទីរពេទ្យ ខណៈ​អ្នក​នៅ​សល់​រួម​ទាំង​បុគ្គលិក​ស្ថាន​កុងស៊ុល​នឹង​ត្រូវ​ដាក់​នៅ​ដាច់​ពី​គេ​១៤​ថ្ងៃ មុន​ត្រូវ​អនុ​​ញ្ញាត​អោយទៅ​ផ្ទះ​៕​ប្រែ​សម្រួល​៖​វាសនា​/​សុខា​

ប្រជាជន​ឈរ​ជា​ជួរ​នៅ​កន្លែង​លក់​សម្ភារៈ​ពេទ្យ​មួយ​នៅ​សិង្ហ​បុរី​ដើម្បី​ទិញ​ម៉ាស កាលពី​ថ្ងៃទី​២៩​ខែ​មករា​នេះ

ទីតាំងផ្សាយពាណិជ្ជកម្ម

- Advertisment -

Most Popular

អ្នកជំងឺ​កូវី​ដ​១៩​សញ្ជាត...

​ប្រែ​សម្រួល : កញ្ញា​ដា​ល...

ឃុំខ្លួន​ជនសង្ស័យ​២​នាក់​...

​ដោយៈ​គ្រញូង​/​ប៉ៃលិនៈ ...

ក្រសួងសុខាភិបាល​ប្រកាស​ពី...

ដោយៈ​មុនី​រ័ត្ន​/​ភ្នំពេញ...

រថយន្ត​វ៉ា​ជែង​ទាំង​កម្រោ...

ដោយ​៖ ប​.​ជ័យ / បន្ទាយមាន...