Home ព័ត៌មានអន្តរជាតិ ភ័យខ្លាច​ពេក ...

ភ័យខ្លាច​ពេក ពួក​អ្នកស្រុក​ចិន បិទ​ផ្លូវ​ចេញ​ចូល​ដោយ​ខ្លួនឯង​

​ពួក​អ្នក​ភូមិ​និង​ពួក​អ្នករស់នៅ​ក្នុង​ប្លុក​អគារ​ផ្ទះល្វែង​នៅ​ក្នលែង​ខ្លះ​នៃ​ប្រទេស​ចិន កំពុង​ប្រយុទ្ធប្រឆាំង​នឹង​ការឆ្លង​រាលដាល​នៃ​វីរុស​ផ្លូវដង្ហើម​ដ៏​ប្រល័យ ដោយ​ខ្លួនឯង​ដោយ​ដាក់​រនាំង​ឬរ​បាំង​ផ្លូវ​ដើម្បី​រារាំង​អ្នកស្រុក​ក្រៅ​ឬ​អ្នក​មក​ពី​ក្រៅ​ដែល​បាន​ឆ្លង​វីរុស​ថ្មី​នេះ​ចូល​។​នេះ​បើ​យោង​តាម​វេបសាយ​ដេល​លី​ម៉េល​។​

​រដ្ឋាភិបាល​ចិន​បាន​ចាត់វិធានការ​ម៉ឺងម៉ាត់​ដើម្បី​ទប់ស្កាត់​ការឆ្លង​រាលដាល​វីរុស​2019-nCoV នេះ​ចាប់​តាំងពី​វា​បាន​កើតឡើង​កាលពី​ចុង​ខែ​ធ្នូ​នៅក្នុង​ទី​​ផ្សារ​មួយ​ដែល​មាន​លក់​សត្វព្រៃ​និង​គ្រឿង​សមុទ្រ​។​

​ប្រជាជន​ជាង ៥០​លាន​នាក់​នៅក្នុង​និង​ជុំវិញ​ទីក្រុង​វូ​ហាន​ដែលជា​ប្រភពដើម​នៃ​ការផ្ទុះ​វីរុស​នេះ​ត្រូវបាន​បង្ខាំង​ឱ្យ​នៅ​តែ​ក្នុង​ទីក្រុង​របស់​ពួកគេ ខណៈ​ដែល​​ការធ្វើដំណើរ​នៅ​ទូទាំង​ប្រទេស​នេះ ត្រូវបាន​កាត់បន្ថយ​។​

​ដោយ​មាន​ការភ្ញាក់ផ្អើល​និង​ការព្រួយបារម្ភ​អំពី​របាយការណ៍​ប្រចាំថ្ងៃ​នៃ​ករណី​ឆ្លង​វីរុស​ថ្មីៗ​ជា​បន្តបន្ទាប់​នៅ​ទូទាំង​ប្រទេស​ចិន​នេះ ពួក​អ្នកស្រុក​និង​មន្ត្រី​មូល​​ដ្ឋា​ន​បាន​ខំ​ប្រឹងប្រែង​ទប់ស្កាត់​ការឆ្លង​រាលដាល​នេះ ដោយ​ដាក់រ​បាំងបិទ​ផ្លូវចេញចូល​ដោយ​ខ្លួន​ពួកគេ​ផ្ទាល់ ដោយសារ​តែ​ភ័យខ្លាច​ថា ពួក​អ្នក​ដំណើរ​មក​​ពី​ខេត្ត​ហ៊ូ​ប៉ី​នឹង​ចម្លង​វីរុស​នេះ ចូល​សហគមន៍​របស់​ពួកគេ​។​

​នៅ​បរិវេណ​មួយ​នៃ​ប្លុក​អគារ​មួយ​នៅ​ទីក្រុង​ប៉េកាំង គេ​ឃើញ​ពួក​អ្នក​រស់នៅ​ប្លុក​អាគារ​នោះ​បាន​យក​កង់​និង​ជណ្តើរ​ឈរ​ទៅ​បិទ​ច្រក​ផ្លូវ​ចេញ​ចូល​នៃ​ប្លុក​​អាគារ​នេះ ហើយ​អ្នកដំណើ​រណា​ចង់​ចូល​ត្រូវ​ចូល​តាម​ផ្លូវ​ចូល​ធំ​ដោយ​មាន​អ្នកយាម​នៅ​ទីនោះ​។​

​រូបភាព​នៃ​ការដាក់រ​បាំង​បិទផ្លូវ​ដោយ​ខ្លួន​ឯក​បែបនេះ​នៅ​កន្លែង​ផ្សេងៗ​នៅ​ប្រទេស​ចិន​ត្រូវ​បាន​គេ​ឃើញ​ផងដែរ​នៅលើ​ទំនាក់ទំនង​សង្គម​Weibo​។

​ដោយសារខ្លាចវីរុសនិងការរឹតត្បិតពីអាជ្ញាធរ វិថីនៅក្រុងវូហានស្ងាត់ឈឹង

ក្នុង​ការទប់ស្កាត់​ស្រដៀង​នេះដែរ សណ្ឋាគារ​នៅ​ទូទាំង​ប្រទេស​ចិន​បាន​បដិសេធ​មិន​ឱ្យ​ពួក​អ្នក​ដំណើរ​មក​ពី​ខេត្ត​ហ៊ូ​ប៉ី ចូល​ស្នាក់នៅ​។​ខណៈ​ដែល​ប្រជាជន​​មកពី​ទីក្រុង​វូ​ហាន នៅក្នុង​តំបន់​ផ្សេង​ទៀត​នៃ​ប្រទេស​នេះ​បាន​ក្លាយជា​អ្នករងគ្រោះ ដោយសារ​ការយាយី​និង​ការរើសអើង​បែបនេះ​។ នេះ​បើ​យោងតាម​​អង្គការ​ឃ្លាំមើល​សិទ្ធិមនុស្ស​Human Rights Watch៕​ដោយ​៖​សុខា​/sn

ដោយ​ការភ័យខ្លាច​ការឆ្លង​រាលដាល​វីរុស​ថ្មី ពួក​អ្នកស្រុក​នៅ​តំបន់​មួយចំនួន​នៅ​ចិន បិទ​ផ្លូវ​ចេញ​ចូល​ដោយ​ខ្លួនឯង​ដោយ​មិន​ឱ្យ​ពួក​អ្នក​ក្រៅ​ចូល​

ទីតាំងផ្សាយពាណិជ្ជកម្ម

- Advertisment -

Most Popular

ប៉ូលិស​ថៃ​ចោទប្រកាន់​មេដឹ...

ប្រែ​សម្រួលៈ​វាសនា​/​បាងក...

ស្ថានទូត​កម្ពុជាៈ មន្ទីរព...

ដោយៈ រ៉ា​ម៉ន / ភ្នំពេញៈ ក...

ឃាត់ខ្លួន​ជនសង្ស័យ​ម្នាក់...

​ដោយៈ ស​រិ​ទ្ធ / ភ្នំពេញៈ...

ក្មេងស្រី​អាយុ​មួយឆ្នាំ ប...

​ដោយៈ ស​រិ​ទ្ធ / កណ្ដាលៈ ...