Home ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រី​ថៃ​ធ្លាក់ខ្លួន​ឈឺ​ភ្លាមៗ​និង​ផ្អើល​ថា​លោក​ឆ្លង​កូរ៉ូណា​វីរុស តែ​គ្រូពេទ្យ​ថា​..

​រដ្ឋ​មន្ត្រី​សុខាភិបាល​ថៃ បាន​បញ្ជាក់​កាលពី​ថ្ងៃ​ព្រហស្បតិ៍​ទី​៣០​មករា​ថា ​ពួក​វេជ្ជបណ្ឌិត​បាន​បញ្ជាក់​ថា នាយករដ្ឋមន្ត្រី ប្រា​យុទ្ធ ចាន់ អូ​ចា មិន​ឆ្លង​កូរ៉ូណា​វីរុ​សទេ​ ក្រោយពី​លោក​បាន​ធ្វើដំណើរ​ទៅ​ពិនិត្យ​មើល​ការងារ​ពិនិត្យ​សុខភាព​អ្នកដំណើរ​នៅ​អាកាសយានដ្ឋាន​អន្តរជាតិ​មួយ​ក្នុង​ក្រុង​បាងកក​។​

​ទោះជា​យ៉ាងណា ​លោក​រដ្ឋមន្ត្រី អា​នូ​ទីន បាន​ទទួលស្គាល់ថា​ សុខភាព​របស់​ប្រា​យុទ្ធ មាន​បញ្ហា​ដោយសារ​ការងារ​ច្រើន និង​បន្ទាប់​ពី​មាន​ការណែនាំ​ពី​គ្រូពេទ្យ លោក​​នាយករដ្ឋមន្ត្រី​បាន​លុបចោល​ដំណើរ​ទៅពិនិត្យ​ការងារ​នៅ​វិទ្យាស្ថាន​ជំងឺឆ្លង​មួយ​។​

​មាន​ពាក្យ​ចចាមអារ៉ាម​ថា ឧត្តមសេនីយ៍ប្រា​យុទ្ធ អាច​ឆ្លង​កូរ៉ូណា​វីរុស បន្ទាប់ពី​លោក​ឈប់សម្រាក​ដោយសារ​មាន​ជំងឺ​កាលពី​ថ្ងៃ​ព្រហស្បតិ៍ នៅ​មួយ​ថ្ងៃ​ក្រោយពី​​លោក​បាន​ទៅ​ពិនិត្យមើល​ការងារ​ពិនិត្យ​សុខភាព​អ្នកដំណើរ​ចូល​ថៃ​នៅ​អាកាសយានដ្ឋាន​សុវណ្ណ​ភូមិ​។​លោក​បាន​ប្រគល់​ភារកិច្ច​ខ្លះ​ទៅ​មន្ត្រី​របស់​លោក​ធ្វើ​ជំនួស​។​

​មន្ត្រី​ក្រសួង​សុខាភិបាល​ម្នាក់ បាន​និយាយថា ស្ថានភាព​ជំងឺរបស់​ប្រា​យុទ្ធ​មិន​ពាក់ព័ន្ធ​នឹង​កូរ៉ូណា​វីរុ​សទេ ពីព្រោះ​កូរ៉ូណា​វីរុស​ចំណាយ​ពេល​ប្រមាណ​៤​ថ្ងៃ​ទើប​បង្ហាញ​​រោគសញ្ញា​៕​ប្រែ​សម្រួល​៖​វាសនា​/Ha

នាយករដ្ឋមន្ត្រី ប្រា​យុទ្ធ ចាន់ អូ​ចា ពិនិត្យ​ការងារ​ពិនិត្យ​សុខភាព​អ្នកដំណើរ​របស់​មន្ត្រី​នៅ​អាកាសយានដ្ឋាន​អន្តរជាតិ​ក្រុង​បាងកក​កាលពី​ថ្ងៃ​ពុធ

ទីតាំងផ្សាយពាណិជ្ជកម្ម

- Advertisment -

Most Popular