​ឃីម បូរ៉ា បង្ហាញមុខ​ជាថ្មី នៅ​អាស៊ីអាគ្នេយ៍​

ដោយ​៖ រ៉ូ​ហ្សា
​ភ្នំពេញ​៖
អ្នក​ប្រដាល់ ឃីម បូរ៉ា ក្លិប​រស្មី​ភូមិ​គាប ខេត្តបន្ទាយមានជ័យ បានបង្ហាញ​មុខជា​ថ្មី លើស​ង្វៀន Boostrong Fighter on Fire ជាមួយ​អ្នក​ប្រដាល់ ជើង​ខ្លាំង​ថៃ ផេ​ត ណា​រ៉ុង (Phat Narong) នា​ព្រឹក​ថ្ងៃទី​២ កុម្ភៈ ខាងមុខនេះ ។​

​អ្នក​ប្រដាល់​ទាំង ២ រូបនេះ ប្រកួត​គ្នា ក្នុង​ប្រភេទ​ទម្ងន់ ៦០ គីឡូក្រាម ។ បូរ៉ា បាត់​មុខ​យូរ​គ្រាន់បើ ពីស​ង្វៀន​អាស៊ីអាគ្នេយ៍ តែ​គេ​មានការ​ប្រកួត​ច្រើន នៅ​សង្វៀន​ផ្សេង ។ បូរ៉ា ជា​អ្នក​ប្រដាល់ ជាយដែន​ជើង​ខ្លាំង​មួយរូប ដែល​ឩ​ស្សា​ហ៍​ចេញ ចូល ទៅ​ប្រកួត​នៅ​ប្រទេស​ថៃ ។ គេ​ជា​អ្នក​ប្រដាល់ ដែលមាន​កណ្ដាប់ដៃ វ៉ៃ​ឆក់​ល្អ ធ្ងន់ ព្រមទាំង​ប្រើ​ជង្គង់ និង​កែង​បាន​លឿន ។ អ្នក​ប្រដាល់​រូបនេះ មាន​ចិត្តហ៊ាន​គ្រាន់បើ តែ​ភាព​អំណត់​របស់គេ មិនសូវ​ខ្លាំង​នោះទេ ។ បើ​គូប្រកួត​ជ្រុល​វាយ​បន្ថែម គេ​ច្រើនតែ​ដេក​តែម្ដង ។​

ឃីម បូរ៉ា និង ផេ​ត ណា​រ៉ុង​

​ចំពោះ អ្នក​ប្រដាល់​ថៃ ផេ​ត ណា​រ៉ុង វិញ លោក​ថៃ អ៊ូ ដែលជា​អ្នកដឹកនាំ អ្នក​ប្រដាល់​ថៃ មក​ប្រកួត​នៅ​សង្វៀន អាស៊ីអាគ្នេយ៍ អះអាងថា គេ​មានឈ្មោះ បោះ​សម្លេង​គ្រាន់បើ​ដែរ នៅឯ​ប្រទេស​ថៃ ។ អ្នក​ប្រដាល់​ថៃ រូបនេះ មាន​ប្រវត្តិ​ប្រកួត ចំនួន​៧១​ដង ឈ្នះ​៦១​ដង ចាញ់​១០​ដង និង​ស្មើ​ពិន្ទុ​១ ដង ។ ចំពោះ​អ្នក​ប្រ​
​ដាល់​កម្ពុជា ឃីម បូរ៉ា វិញ គេ​មាន​ប្រវត្តិ​ប្រកួត ចំនួន​១០៥​ដង ឈ្នះ​៧៩​ដង ចាញ់​២៥​ដង និង​ស្មើ​ពិន្ទុ ២​ដង ។ បន្ទាប់ពី​បាត់​មុខ​មួយរយៈ ឃីម បូរ៉ា អាចបង្កើត​ជ័យជំនះ បាន​ទៀត​ឬទេ ?​។​

​ចំពោះ​ការប្រកួត រវាង​អ្នក​ប្រដាល់​រួម​ជាតិ​វិញ​នោះ ឡុង ហាក់ សមាគម​ប្រដាល់ ក្រសួងការពារជាតិ ជួប​ជាមួយ​អ្នក​ប្រដាល់ ខាំ កូន​ខ្លា ក្លិប​រ៉ា​ហាប់​ស្វាយប៉ាក ដោយ​ប្រកួត​គ្នា ក្នុង​ប្រភេទ​ទម្ងន់ ៤៨ គីឡូក្រាម ។ អ្នក​ប្រដាល់​ទាំង ២ រូបនេះ ជា​អ្នក​ប្រដាល់​ជើង​ថ្មី​ទេ ។​

​លោក ធន សុភា ដែលជា​គ្រូ​របស់ ឡុង ហាក់ និយាយថា សិស្ស​របស់លោក នៅ​ខ្ចី​បន្តិច​មែនហើយ ។ ចំពោះ​លោក បឺត សំខាន់ ដែលជា​គ្រូ​របស់​កីឡាករ ខាំ កូន​ខ្លា និយាយថា សិស្ស​របស់លោក ខ្ចី​ដែរ លោក​ជឿថា ពួកគេ នឹង​វ៉ៃ​គ្នា​បាន​ល្អមើល ។​

អ្នកខ្លាំង​ដែល​ត្រូវ​ប្រកួត​គ្នា​

​នឹម នន ក្លិប​ទ័ព​ឆ័​ត្រ​យោង ៩១១ ត្រូវបាន​ដាក់​ឲ្យ​ប្រកួត ជាមួយ​អ្នក​ប្រដាល់ ភួង ពិសិដ្ឋ ក្លិប​ខេត្ត​រតនគីរី ដោយ​ប្រកួត​គ្នា ក្នុង​ប្រភេទ​ទម្ងន់ ៦០ គីឡូក្រាម ។ នឹម នន ជា​អ្នក​ប្រដាល់ ដែល​ប្រើ​ជើង​ទាត់ បានល្អ ចំពោះ ភួង ពិសិដ្ឋ ជា​អ្នក​ប្រដាល់ ដែលមាន​កណ្ដាប់ដៃ​រហ័ស និង ធ្ងន់ ។ អ្នក​ពូកែ​ជើង និង អ្នក​ពូកែ​ដៃ ជួបគ្នា​មិនដឹងថា រញ្ជួយ​សង្វៀន កម្រិតណា​នោះទេ ។​

​ឡុង រ៉ា​មី ក្លិប​ខ្លារខិន​មាន​រិ​ទ្ធ ត្រូវបាន​ផ្គូរ​ផ្គង ឲ្យ​ប្រកួត​ជាមួយ អ្នក​ប្រដាល់ ពុទ្ធ ម៉ា​ណូយ របស់​ក្លិប​ពុទ្ធ​សេរី​វង្ស ដោយ​ប្រកួត​គ្នា ក្នុង​ប្រភេទ​ទម្ងន់ ៥៧ គីឡូក្រាម​។ ពួកគេ ជា​អ្នក​ប្រដាល់​ជើង​ខ្លាំង ដែល​ចូលចិត្ត​វ៉ៃ​ប្ដូរ ហើយ​នៅលើ​សង្វៀន គេ​តែងតែ​បើក​ប្រតិបត្តិការ ភ្លាមៗ តាំងពី​ទឹក​ទី​១ ទៅដោយ​គ្មាន​សំចៃ កម្លាំង​ឡើយ ។ ជំនួប​រវាង​អ្នក​ប្រដាល់​ទាំង ២ រូបនេះ ទាំង​អ្នកឈ្នះ ទាំង​អ្នកចាញ់ ប្រាកដជា​ទ្រមខ្លួន ដូចគ្នា​ជាមិនខាន​ឡើយ ។​

​សេក វិសាល ក្លិប​អង្គរ​មានជ័យ ខេត្តសៀមរាប ប្រកួត​ជាមួយ​អ្នក​ប្រដាល់ ឡុង សុ​ភ័ស្ស ក្លិប​សាល​វ័​ន្ដ​កីឡា ដោយ​ប្រកួត​គ្នា ក្នុង​ប្រភេទ​ទម្ងន់ ៥៤ គីឡូក្រាម ៕v

ទីតាំងផ្សាយពាណិជ្ជកម្ម

- Advertisment -

Most Popular

ធនាគារ អ អេច ប៊ី (ខេមបូឌា...

ប្រទេសកម្ពុជា ទីក្រុងភ្នំ...

ការប្រឡង​ឌី​ប្លូ​ម​២​ថ្ងៃ...

​ដោយ​:​ដេប៉ូ​/​ភ្នំពេញ​:​...

សម្តេច​ជោ ហ៊ុន សែន​៖ យើងទ...

ដោយៈ ទេព មង្គល / ភ្នំពេញៈ...

សម្តេច​ប្រធានរដ្ឋសភា​កម្ព...

ដោយៈ​ស្រីនាថ​,​សុផល​/​ភ្ន...