Home ព័ត៌មានជាតិ នយោបាយ កិច្ចប្រជុំ​ក...

កិច្ចប្រជុំ​កំពូល​អាស៊ី​-​អឺរ៉ុប លើក​ទី​១៣ នឹង​ប្រព្រឹត្តទៅ​នៅ​ថ្ងៃទី​១៦-១៧ ខែវិច្ឆិកា

លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ

ដោយៈមុនីរ័ត្ន/ ភ្នំពេញៈ លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ បានប្រកាស​ជា​ផ្លូវការ​ថា កិច្ចប្រជុំ​កំពូល​អាស៊ី​-​អឺរ៉ុប លើក​ទី​១៣ នឹង​ប្រព្រឹត្តទៅ​នៅ​ថ្ងៃទី​១៦-១៧ ខែវិច្ឆិកា ឆ្នាំ​២០២០ នៅ​រាជធានី​ភ្នំពេញ ក្រោម​មូលបទ «​ការពង្រឹង​ពហុភាគី​និយម​ដើម្បី​កំណើន​រួមគ្នា​» ។​


​លោក​ឧបនាយករដ្ឋមន្ត្រី ប្រាក់ សុខុន បាន​បញ្ជាក់ថា កម្ពុជា​ក៏​នឹង​រៀបចំ​ព្រឹត្តិការណ៍​ក្រៅ​កិច្ចប្រជុំ​កំពូល​ចំនួន ៧ រួមមាន ១.កិច្ចប្រជុំ​ភាពជា​ដៃគូ​សភា​អាស៊ី​-​អឺរ៉ុប ,២. វេទិកា​សេដ្ឋកិច្ច និង​ធុរកិច្ច​អាស៊ី​-​អឺរ៉ុប ,៣.កិច្ចប្រជុំ​កំពូល​ថ្នាក់ដឹកនាំ​វ័យក្មេង​មូលនិធិ​អាស៊ី​-​អឺរ៉ុប,៤. វេទិកា​តុមូល​និពន្ធ​នាយក​មូលនិធិ​អាស៊ី​-​អឺរ៉ុប, ៥. វេទិកា​ការងារ​អាស៊ី​-​អឺរ៉ុប ,៦.វេទិកា​ប្រជាជន​អាស៊ី​-​អឺរ៉ុប និង ៧.មហោស្រព​វប្បធម៌​កិច្ចប្រជុំ​អាស៊ី​-​អឺរ៉ុប​។ ជា​កិច្ចបញ្ចប់ អង្គប្រជុំ​ទាំងមូល សំដែង​ការ​សារ​ទរ និង​រង់ចាំ​ចូលរួម​កិច្ចប្រជុំ​កំពូល​អាស៊ី​-​អឺរ៉ុប​លើក​ទី​១៣ នៅ​រាជធានី​ភ្នំពេញ​។​


​កិច្ចប្រជុំ​អាស៊ី​-​អឺរ៉ុប ជា​វេទិកា​សន្ទនា​ដែលមាន​គោលដៅ​ជំរុញ និង​លើកស្ទួយ​កិច្ចសហប្រតិបត្តិការ​ជិតស្និទ្ធ​រវាង​ប្រទេស​អាស៊ី និង​អឺរ៉ុប ដែល​ឈរលើ​គោលការណ៍​ស្មើភាព​គ្នា និង​ដើម្បី​ប្រយោជន៍​រួម​។ សមាជិក​នៃ​វេទិកា​នេះ​មាន​ប្រទេស​អាស៊ី និង​អឺរ៉ុប​សរុប​ទាំងអស់ ៥១ បូក​ជាមួយ​លេខាធិការដ្ឋាន​អាស៊ាន និង សហភាព​អឺរ៉ុប​។ នេះ​គឺជា​លើក​ទី​១​ហើយ តាំងពី​ឆ្នាំ ១៩៩៦​មក ដែល​កម្ពុជា​បានទទួល​ធ្វើជា​ម្ចាស់ផ្ទះ​កិច្ចប្រជុំ​កំពូល​អាស៊ី​អឺរ៉ុប ដែល​រៀប​ដែល​រៀបចំ​ធ្វើ​២​ឆ្នាំ​ម្តង​។​
​កិច្ចប្រជុំ​នេះ គឺជា​ការបើកផ្លូវ​ឲ្យ​មាន​ជំនួប​ពិភាក្សា​ក្នុង​ក្របខណ្ឌ​តំបន់ និង​សកលលោក​ទាំងមូល រួមមាន​ទាំង​បញ្ហានយោបាយ ការទូត ការអភិវឌ្ឍ បរិស្ថាន អាកាសធាតុ ការលើកកម្ពស់​សមភា​ព​ស្ត្រី និង​កុមារី ការផ្សារភ្ជាប់​ទំនាក់ទំនង​រវាង​អាស៊ី និង​អឺ​រុ​ប សន្តិសុខ ការទប់ស្កាត់​ភេរវកម្ម ជនអន្តោប្រវេសន៍ សេដ្ឋកិច្ច ការវិនិយោគ ទេសចរណ៍ និង​បច្ចេកវិទ្យា​ព័ត៌មានវិទ្យា​ជាដើម​៕សរន

ទីតាំងផ្សាយពាណិជ្ជកម្ម

- Advertisment -

Most Popular

ក្មេងៗ ៩ នាក់ ព្រួត​វាយ​ប...

​ដោយៈ ស​រិ​ទ្ធ / កណ្តាលៈ ...

​យុវជន​បីនាក់ ត្រូវបាន​ឃា...

ដោយ​: ស​រិ​ទ្ធ / ភ្នំពេញ​...

ពិធី​ចាក់​បេតុង​ត​ភ្ជាប់​...

​ដោយៈ​សុផល​/​ភ្នំពេញ​: ពិ...

​ប្រមុខ​រាជរដ្ឋាភិបាល​កម្...

ដោយៈ​តារា​រិ​ទ្ធ​/​ភ្នំពេ...