នារីវ័យក្មេងសង្ស័យទើបចេញពីក្លិប ​រថយន្តបើកបុកស្លាប់​

ដោយៈចាន់តូ/ភ្នំពេញ ៖ នារីវ័យក្មេងម្នាក់ សង្ស័យទើបចេញពីក្លិបដើរតាមផ្លូវ ត្រូវបានរថយន្តបើកបុកប៉ើងជាង១០ម៉ែត្រ បែកក្បាលស្លាប់ភ្លាមៗនៅកន្លែង ចំណែករថយន្តបើកគេចទៅបាត់ បន្សល់បំណែកសន្ទះជ័រគម្របធុងទឹក​រថយន្តព្រុស នៅកន្លែងកើតហេតុ កាលពីវេលាម៉ោង៤និង៣០នាទីព្រឹកថ្ងៃទី៣១ ខែមករា ឆ្នាំ២០២០ នៅតាមផ្លូវជាតិលេខ៣ មុខបុរីសង់ថ្មី ភូមិព្រៃកី «ខ» សង្កាត់ពងទឹក ខណ្ឌដង្កោ។

នារីរងគ្រោះ មិនស្គាល់អត្តសញ្ញាណ មានវ័យប្រមាណ១៨ឆ្នាំ ពាក់អាវសាច់សារូ ផ្កាលឿង ស្លៀកខោខូវប៊យខៀវជើងខ្លី កាបូបខ្មៅមួយ មានសុទ្ធតែ ក្រេម ម្សៅ។ នៅកន្លែងកើតហេតុ បន្សល់ទុកតែបំណែកសន្ទះជ័រការពារធុងទឹក។

តាមប្រជាពលរដ្ឋ បានឲ្យដឹងថា ពួកគាត់ក៏មិនបានឃើញដែរ តែនៅពេល​ដែលឆ្លងកាត់ចំណុចខាងលើ ឃើញជនរងគ្រោះ ដេកដួលក្នុងសភាពបែបនេះ​ទៅហើយ ទើបប្រាប់ប្រជាការពារ នាំគ្នាទៅមើល រាយការណ៍ទៅសមត្ថកិច្ច មូលដ្ឋានចុះពិនិត្យមើលជាក់ស្តែង៕B/Ha