Home ព័ត៌មានអន្តរជាតិ អូស្ត្រាលី​ប្...

អូស្ត្រាលី​ប្រកាស​ភាពអាសន្ន​នៅ​ទីក្រុង​កង់​បេរ៉ា​ខណៈ​ដែល​ការព្យាករណ៍​ព្រមាន អំពី​ការគំរាមកំហែង​ភ្លើង​ឆេះ​ព្រៃ​ខ្លាំង​ឡើង​

​ភ្លើង​ឆេះ​ព្រៃ​ដែល​បាន​កំពុង​រាលដាល​នៅ​ទូទាំង​ប្រទេស​អូស្ត្រាលី​ចាប់តាំងពី​ខែ​កញ្ញា​ឆ្នាំ ២០១៩ និង​ឆេះ​កាន់តែ​ខ្លាំង​ឡើង​នៅ​ពេល​ថ្មី​នេះ​បាន​សម្លាប់​មនុស្ស​៣០​នាក់​បំផ្លាញ​ផ្ទះ​អស់​ជាង ២.០០០ ខ្នង​និង​សម្លាប់សត្វ​អស់​ជាង​មួយ​ពាន់​លាន​ក្បាល​។​

​លោក​អ៊ែន​ឌ្រូ បា អភិបាល​គ្រប់គ្រង​ដែនដី​រដ្ឋធានី​អូស្ត្រាលី​(ACT) បាន​ប្រកាស​ភាពអាសន្ន​នៅ​ថ្ងៃ​សុក្រ​ទី​៣១​ខែ​មករា​នេះ​ថា ក្រុង​កង់​បេរ៉ា​កំពុង​ប្រឈម​​មុខ​នឹង​ការគំរាមកំហែង​ភ្លើង​ឆេះ​ព្រៃ​ដ៏​អាក្រក់​បំផុត​ចាប់តាំងពី​ការឆេះ​ដ៏​បំផ្លិចបំផ្លាញ​កាលពី​ឆ្នាំ​២០០៣ ។ នេះ​បើ​យោ​តាម​សារព័ត៌មាន​News.Com.Au ។​

​លោក​បាន​និយាយថា «​ដោយ​រួម​ផ្សំ​ជាមួយនឹង​អាកាសធាតុ​ក្តៅ ខ្យល់​និង​ភាពរាំងស្ងួត​ខ្លាំង​ធ្វើឱ្យ​តំបន់​ជាយក្រុង​ជាច្រើន​នៅ​ភាគខាងត្បូង​នៃ​ទីក្រុង​កង់​បេរ៉ា មាន​ហានិភ័យ​។ ភ្លើង​នេះ​មិន​អាច​ទាយ​ទុកជាមុន ហើយ​វា​នឹង​មិន​អាច​គ្រប់គ្រង​បាន​។ ដូច្នេះ​ខ្ញុំ​បាន​សំរេចចិត្ត​ប្រកាស​អំពី​ការព្រមាន​ឱ្យ​ប្រប្រ័យ​ត្ន​ខ្ពស់​សម្រាប់​​ទីក្រុង​នេះ​»​។​

​កាលពី​ពេលមុន​នេះ​នាយករដ្ឋមន្ត្រី​អូស្ត្រាលី​ស្កត់ ហារី​សុន ត្រូវបាន​គេ​រិះគន់​ចំពោះ​ចំណាត់ការ​និង​ការខិតខំ​ប្រឹងប្រែង​ដោះស្រាយ​របស់​លោក​ចំពោះ​ទាំង​ភ្លើង​​ឆេះ​ព្រៃ​និង​ផលវិបាក​របស់​វា​។​

​លោក​រ៉េ ក្វុន ជុង អ្នកជំនាញ​ផ្នែក​អាកាសធាតុ​របស់​អង្គការសហប្រជាជាតិ និង​ជា​ជ័យលាភី​រង្វាន់​ណូបែល​សន្តិភាព​ឆ្នាំ ២០០៧​បាន​លើកឡើង​ថា​ភ្លើង​ឆេះ​ព្រៃ​​ធំធេង​ដែល​មិន​ធ្លាប់​មាន​ពីមុន​មក​នេះ​អាច​បង្ក​ជា​គ្រោះមហន្តរាយ​អាកាសធាតុ​ពិភពលោក​៕​ប្រែ​សម្រួល​៖​សុខា​/sn

ផ្សែង​ពី​ភ្លើង​ឆេះ​ព្រៃ គ្របដណ្តប់​លើ​ទីក្រុង​កង់​បេរ៉ា

ទីតាំងផ្សាយពាណិជ្ជកម្ម

- Advertisment -

Most Popular

សមាគមគ្រូពេទ្យស្ម័គ្រចិត្...

   ដោយ:មុនីរ័ត្ន/ភ្នំពេញ:...

មេបញ្ជាការកងទ័ពជើងគោកឧបត្...

ដោយ: មុនីរ័ត្ន,សុខុម/ភ្...

រកឃើញអ្នកប៉ះពាល់ផ្ទាល់និង...

ដោយ:មុនីរ៍ត្ន/ភ្នំពេញៈ ...

មេ​តំ​ហ្វេ​តា​មីន ៣០ កញ្ច...

​ដោយៈ ទេព មង្គល​- គ្រញូង ...