ក្រុម​រថយន្ត​ដឹក​ដី​,​ដឹក​ខ្សាច់​នៅតែ​បង្ក​ផលប៉ះពាល់​ដល់​ពលរដ្ឋ​អភិបាលខណ្ឌ​ដង្កោ​ថ្មី​គ្មាន​ចំណាត់ការ​

510
ចែករម្លែក

ដោយៈ​ចាន់តូ​/​ភ្នំពេញ​៖​កាលពី​ព្រឹក​ថ្ងៃទី​៣១​ខែមករា​ឆ្នាំ​២០២០ ប្រជាពលរដ្ឋ​រស់នៅ​សង្កាត់​គង​ន​យ និង​សង្កាត់​សាក់​សំពៅ​ខណ្ឌដង្កោ​នៅតែ​ទទូច​ស្នើរ​ទៅដល់​អាជ្ញាធរ​ខណ្ឌដង្កោ​។​ជាពិសេស​អភិបាលខណ្ឌ​ទើប​ឡើង​ថ្មី​បន្ត​ដាក់​គោលដៅ​ហាមឃាត់​ក្រុម​រថយន្ត​ដឹក​ដឹក​ខ្សាច់​ដោយសារតែ​បង្ក​ប៉ះពាល់​បរិស្ថាន​ខ្លាំង ក៏ដូចជា ធ្វើឱ្យ​ខូច​ផ្លូវ​សាធារណៈ ខែប្រាំង​ដី​ហុយ ខែវស្សា​បែក​ភក់ ។​

​ប្រជាពលរដ្ឋ​សុំ​មិន​បញ្ចេញ​ឈ្មោះ​ប្រាប់​ឱ្យដឹងថា​ការស្នើ​សុំឱ្យ​អាជ្ញាធរ​ខណ្ឌដង្កោ​មេត្តា​បន្ត​ដាក់​គោលដៅ​ហាមឃាត់​ក្រុម​រថយន្ត​ដឹក​ដឹក​ខ្សាច់​បែបនេះ​។​ដោយសារតែ​កន្លង​ទៅខាង​អាជ្ញាធរ​ខណ្ឌ​បានដាក់​គោលដៅ​ឃាត់​ក្រុម​រថយន្ត​ដឹក​ដឹក​ខ្សាច់​មិនឱ្យ​បើកបរ​ឆ្លងកាត់​មូលដ្ឋាន​ខណ្ឌដង្កោ​ដោយសារតែ​បង្ក​ផលប៉ះពាល់​បរិស្ថាន​ជាពិសេស​ធ្វើឱ្យ​ខូច​ផ្លូវ​តែម្តង​។​ដោយឡែក​ក្លោងទ្វារវត្ត​សាក់​សំពៅ​ក៏ត្រូវ​បាន​ក្រុម​រថយន្ត​ដឹក ដឹក​ខ្សាច់ ទាំងអស់នេះ បើក​បុក​បំផ្លាញ​ស្ទើរ​បាក់​ផងដែរ ។​

​ពលរដ្ឋ​ប្រាប់​បន្តថា ប៉ុន្តែ​ក្រោយពី​អាជ្ញាធរ​ដក​គោលដៅ​ត្រឡប់​ទៅវិញ ស្រាប់តែ​ក្រុម​រថយន្ត​ដឹក ដឹក​ខ្សាច់​ទាំងអស់នេះ​បើកបរ​វិញ​ដដែល​។​ហេតុដូច្នេះ​ហើយ​បានជា​ពួកគាត់​ទទូច​ស្នើរ​ទៅដល់​អាជ្ញាធរ​ខណ្ឌដង្កោ​បន្ត​ដាក់​គោលដៅ​ហាមឃាត់​ក្រុម​រថយន្ត​ដឹក ដឹក​ខ្សាច់​បន្តទៀត ។​

​សូមបញ្ជាក់​ឱ្យដឹងថា តាម​ការសង្កេតមើល​ប​ច្ចុ​ប្បន្ន​ក្រុម​រថយន្ត​ដឹក​ដី ដឹក​ខ្សាច់ បើកបរ​ចេញពី​រណ្តៅ​ដី ការដ្ឋាន​បូម​ខ្សាច់​ជាច្រើន​ទីតាំង​នៃ​ស្រុក​កណ្តាលស្ទឹង​ខេត្តកណ្តាល​។​ដោយ​បើកបរ​ឆ្លងកាត់​សង្កាត់​ព្រែកកំពឹស​សង្កាត់​គង​ន​យ និង​សង្កាត់​សាក់​សំពៅ ខណ្ឌដង្កោ ភាគច្រើន​មិន​គ្រប​អោយ​បានល្អ​នោះទេ ។
​ក្រុម​រថយន្ត​ដឹក​ដី​ដឹក​ខ្សាច់​ទាំងអស់នេះ​ក៍​តែងតែ​បង្ក​ផលប៉ះពាល់​បរិស្ថាន​ទូទៅ​ក៏ដូចជា​បង្ក​គ្រោះថ្នាក់​ចរាចរ​ជា​ញឹកញាប់​ផងដែរ ដោយសារ​បើកបរ​លឿន​ខ្វះ​ការប្រុងប្រយ័ត្ន​ជាពិសេស​ក្រុម​រថយន្ត​ដឹក​ដី ដឹក​ខ្សាច់​ទាំងអស់នេះ​ភាគច្រើន គឺ​គ្មាន​ស្លាក​លេខ​ទៀតផង ។​

​បាតុភាព​ផ្ទុះ​ការបិទផ្លូវ​មិនឱ្យ​រថយន្ត​ដឹក​ដី ក្រុម​ហុ៑ន​លី​គឹម​ហេង​និង​ក្រុម​ហុ៑ន​ទ្រី​សៀ​ម៉ី​និង​ក្រុមហ៊ុន ៣​ទៅ​៤​ទៀត​មិនឱ្យ​បើកបរ​ឆ្លងកាត់​ក្នុងភូមិ​របស់​ប្រជាពលរដ្ឋ​នេះ​កើតឡើង​កាលពី​វេលា​ម៉ោង​ប្រមាណ ៩ ព្រឹក​ថ្ងៃទី ១៧ ខែធ្នូ ឆ្នាំ​២០១៩ នៅ​ចំណុច​ផ្លូវលំ សង្កាត់​សាក់​សំពៅ​ខណ្ឌដង្កោ​រាជធានី​ភ្នំពេញ ។​

​ជុំវិញ​ករណីនេះ​កាលពី​កន្លងទៅ​មន្ត្រី​សាលាសង្កាត់​សាក់​សំពៅ​ប្រាប់​ឱ្យដឹងថា ម្ចាស់​ក្រុម​ហុ៑ន​ធំៗ ដែលមាន​រថយន្ត​ដឹក​ដី​ធ្វើឱ្យ​ខូច​ផ្លូវ​សាធារណៈ​និង​បង្ក​ផលប៉ះពាល់​ដល់​ការរស់នៅ​របស់​ប្រជាពលរដ្ឋ​នោះ មាន​ចំនួន ២ ក្រុមហ៊ុន​ធំៗ រួមមាន ក្រុម​ហុ៑ន លី គឹម​ហេង និង​ក្រុម​ហុ៑ន ទ្រី សៀ​ម៉ី​។​ក្នុងនោះ​មាន ៣​ទៅ​៤​ក្រុម​ហុ៑ន​ផ្សេងទៀត​ផងដែរ​បច្ចុប្បន្ន​កំពុង​បើកបរ​ដឹក​ដីរ​ថ​យន្ត​ដឹក​ដី​ឆ្លងកាត់​មូលដ្ឋាន​ខណ្ឌដង្កោ​។​

បើតាម​ការបញ្ជាក់​ពី​ពលរដ្ឋ​ប្រាប់​ឱ្យដឹងថា​នៅក្នុង​ស្រុក​កណ្តាលស្ទឹង​ខេត្តកណ្តាល​បច្ចុប្បន្នកំពុង​កើតមាន​រណ្តៅ​ដី​ការដ្ឋាន​បូម​ខ្សាច់​ជាច្រើន​កន្លែង​កំពុងបើក​អាជីវកម្ម​ដឹកជញ្ជូន​១​ថ្ងៃៗ​រាប់សិប​ឡាន​ហើយក៏​តែងតែ​បង្ក​ផលប៉ះពាល់​បរិស្ថាន​យ៉ាងខ្លាំង​ផងដែរ​ទៅដល់​មូលដ្ឋាន​ខេត្តកណ្តាល​ខ្លួនឯង​ផ្ទាល់​ផង រហូត​ឈាន​មកដល់​ខណ្ឌដង្កោ​ទៀតផង ៕S/​

ទីតាំងផ្សាយពាណិជ្ជកម្ម