Home ព័ត៌មានជាតិ សន្តិសុខ ​នៅ​ស្រុក​ប្រ...

​នៅ​ស្រុក​ប្រាសាទបាគង​ម៉ូតូ​បុក​ជាមួយ​ម៉ូតូ​ស្លាប់​៤​នាក់​

ដោយ​គូលែន​/​សៀមរាបៈ​មនុស្ស​៤​នាក់​បាន​ស្លាប់​ភ្លាមៗ​នៅ​កន្លែងកើតហេតុ​បន្ទាប់ពី​ម៉ូតូ​ចំនួន​២​គ្រឿង​បាន​បើក​បុក​គ្នា​តាម​បណ្តោយ​ផ្លូវជាតិ​លេខ​៦​។​ករណី​កើតហេតុ​យ៉ាង​រន្ធត់​នេះ​បាន​កើតឡើង​កាលពី​វេលា​ម៉ោង​៧​និង​១០​នាទី​ព្រឹក​ថ្ងៃទី​៣១​ខែមករា​ឆ្នាំ​២០២០​នេះ​ស្ថិតនៅ​ភូមិ​ស្វាយ​ជ័យ​ឃុំ​ត្រពាំង​ធំ​ស្រុក​ប្រាសាទបាគង​ខេត្តសៀមរាប​។​

​សមត្ថកិច្ច​ស្រុក​ប្រាសាទបាគង​បាន​និយាយថា​ហេតុការណ៍​ម៉ូតូ​បុក​គ្នា​នេះ​គឺ​រវាង​ម៉ូតូ​២​គ្រឿង​ដែល​បើក​បញ្ច្រាស់ទិស​គ្នា​ដោយ​មួយ​ទៅ​ពី​ទិស​លិច​និង​មួយគ្រឿង​ទៀត​មកពី​ទិស​កើត​ដោយ​ម៉ូតូ​មួយគ្រឿង​ម៉ាក​ហុងដា​ផលិត​ឆ្នាំ​២០០៥​និង​មួយគ្រឿង​ទៀត​ម៉ាក​ហុងដា​ផលិត​ឆ្នាំ​២០១៥ ។​

​សមត្ថកិច្ច​ដដែល​បាន​និយាយថា មុនពេល​កើតហេតុ​ម៉ូតូ​មួយគ្រឿង​ម៉ាក​ហុងដា​ផលិត​ឆ្នាំ​២០០៥ បាន​បើក​ពី​ទិស​កើ​តទៅ​ទិស​លិច​ដោយ​បើកបរ​ដោយ​ឈ្មោះ​ទី​ត​ថន​ភេទ​ប្រុស​អាយុ​២៦​ឆ្នាំ​រស់នៅ​ភូមិ​យាង​ឃុំ​ខ្ចាស់​ស្រុក​សូទ្រនិគម​បាន​ស្លាប់​ភ្លាមៗ​នៅ​កន្លែងកើតហេតុ​។​

ដោយឡែក​ម៉ូតូ​មួយគ្រឿង​ទៀត​ម៉ាក​ហុងដា​ផលិត​ឆ្នាំ​២០១៥ បាន​បើកបរ​ពី​ទិស​លិចទៅ​ទិស​កើត ដោយ​អ្នកបើកបរ​ឈ្មោះ ជៀត ជិន ភេទ​ប្រុស អាយុ​៣៧​ឆ្នាំ និង​អ្នករួមដំណើរ​ជាមួយ​២​នាក់​ទៀត​មានឈ្មោះ ព្រេ​ក ភេទ​ស្រី អាយុ​៧៧​ឆ្នាំ និង​ម្នាក់ទៀត ឈ្មោះ ស្ងួន ជៀត ភេទ​ប្រុស អាយុ​៦៨​ឆ្នាំ ។​

​អ្នក​ទាំង​៣​រស់នៅ​ភូមិ​ត្រាំ​ង​ឃុំ​ក​ណ្តែ​ក​ស្រុក​ប្រាសាទបាគង​បាន​ស្លាប់​ភ្លាមៗ​នៅ​កន្លែងកើតហេតុ​ទាំងអស់គ្នា​។​សមត្ថកិច្ច​បាន​បន្តទៀត​ថា​ម៉ូតូ​ទាំង​២​គ្រឿង​ដែល​បុក​គ្នា​ស្លាប់​ទាំង​៤​នាក់​នេះ​បាន​បើកបរ​ដោយ​គ្មាន​ការប្រុងប្រយ័ត្ន​និង​មាន​ល្បឿន​លឿន​ថែម​ទៀតផង​។​ម៉ូតូ​ទាំង​២​គ្រឿង​ដែល​បង្ក​គ្រោះថ្នាក់​នោះ​សមត្ថកិច្ច​បាន​យកមក​រក្សាទុក​នៅ​អធិការដ្ឋាន​នគរបាល​ស្រុក​ប្រាសាទបាគង​ដើម្បី​រង់ចាំ​ធ្វើការ​ដោះស្រាយ​៕S/

​រូបភាពៈ ម៉ូតូ​បុក​ជាមួយ​ម៉ូតូ​ស្លាប់​មនុស្ស​៤​នាក់​យ៉ាង​អ​ណោ​ច​អធម​៕​គូលែន​

ទីតាំងផ្សាយពាណិជ្ជកម្ម

- Advertisment -

Most Popular