សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា ដាក់​គោលដៅ​បី​ចំណុច​ទ្រ​សេដ្ឋកិច្ចកម្ពុជា​

262
ចែករម្លែក

ភ្នំពេញ​: សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា ដាក់​គោលដៅ​បី​ចំណុច​ធំៗ​ក្នុង ទ្រ​នូវ​កំណើនសេដ្ឋកិច្ច​កម្ពុជា​ឱ្យមាន​ស្ថេរភាព​ជាប់​រហូត និង បន្ត​ជំរុញ​ទៅមុខ​។

​នៅក្នុង​សន្និបាត​បូកសរុប​ការងារ ឆ្នាំ​២០១៩ និង​លើក​ទិសដៅ​ការងារ​ឆ្នាំ​២០២០ នៅ​សណ្ឋាគារ កាំបូឌី យ៉ាណា កាលពី​រសៀល​ថ្ងៃទី​៣០ ខែមករា ឆ្នាំ​២០២០ ប្រធាន​សមាគម​អ្នកវាយតម្លៃ និង​ភ្នាក់ងារ អចលនវត្ថុ​កម្ពុជា លោក ច្រឹ​ក សុខ​នី​ម មាន ប្រសាសន៍ថា​វិស័យ​អចល​ទ្រព្យ នៅ​កម្ពុជា​អាច មាន​ភាពរឹងមាំ ដើម្បី​ទ្រទ្រង់​កំណើន សេដ្ឋកិច្ច​កម្ពុជា​នោះ​ដាក់​គោលការណ៍​បី ចំណុច​សំខាន់ៗ ដោយមាន ភ្នាក់ងារ​អចលនវត្ថុ ភ្នាក់ងារ​វាយតម្លៃ និង ការអភិវឌ្ឍ​គម្រោង​។

​លោក​បាន​បញ្ជាក់ថា ដើម្បីឱ្យ​ទីផ្សារ​អចលនវត្ថុ​អាច​ដំណើរការ​ទៅ​ប្រកបដោយ​និរន្ត​ភាព​ចាំ បាច់​ត្រូវ​ទាមទារ​ឱ្យមាន​ការពង្រីក​ក្រម​សីក​ធម៌​វិជ្ជាជីវៈ​នៅក្នុង​ទីផ្សារ​អចលនវត្ថុ​ដើម្បី​ជៀស វាង​ការវិវាទ​ដីធ្លី ការ​បំប៉ោង​តម្លៃ​អចលនវត្ថុ​និង​ដើម្បី​បង្កើន​នូវ​ភាពជឿ​ទុកចិត្ត​ដល់​វិនិយោគ គិ​ន​ជាតិ និង​អន្តរជាតិ ដើម្បី​អនុញ្ញាតឱ្យ​ពួកគាត់​បន្ត​ណែនាំ​អ្នកវិនិយោគ​ផ្សេងទៀត​ចូលមក វិនិយោគ​នៅក្នុង​ប្រទេស​កម្ពុជា ជា​បន្ថែមទៀត​។​

​លោក ច្រឹ​ក សុខ​នី​ម បាន​ថ្លែង​ទៀតថា សមិទ្ធផល​ទាំងអស់នេះ​អាច​សម្រេច​ទៅបាន​ដោយមាន សន្តិភាព និង​ស្ថិរភាព​នយោបាយ​ដែល​ដឹកនាំ​ប្រកបដោយ​គតិបណ្ឌិត​រប​ស់ សម្តេច​អគ្គ​មហា សេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ដែល​ធ្វើ​ឲ្យ​សេដ្ឋកិច្ច ប្រទេស​កម្ពុជា​សម្រេចបាន​នូវ​កំណើន​ក្នុង​រង្វង់ ៧​ភាគរយ ជា​រៀងរាល់ឆ្នាំ​។​ចក្ខុវិស័យ​នៃ​ការរីក លូតលាស់​យ៉ាង​ឆាប់រហ័ស​នេះ បាន​ទាក់ទាញ​ភ្នាក់ងារ​អចលនវត្ថុ​រាប់រយ​ក្រុមហ៊ុន​ឲ្យ​ចូល រួម​វិនិយោគ​ក្នុង​វិស័យ​សេវាកម្ម​អចលនវត្ថុ​ដើម្បី​គាំទ្រ​ដល់​គម្រោង​សាងសង់​ហេដ្ឋារចនាសម្ព័ន្ធ និង​អគារ​លំនៅដ្ឋាន​ប្រហែល​ជាង ៣០០​គម្រោង ដែល​កំពុងដំណើរការ​នៅ​កម្ពុជា​។ ស្របពេល ដែល​យើង​កំពុង​មានឱកាស​ទីផ្សារ​ទូលំទូលាយ​បែបនេះ​សមាគម​នៅតែមាន​ការព្រួយបារម្ភ​អំពី​កង្វះខាត​ក្រុមហ៊ុន​ផ្តល់​សេវាកម្ម និង​ធនធានមនុស្ស​សម្រាប់​បំពេញ​សេចក្តីត្រូវការ​ក្នុង​ទីផ្សារ អចលនវត្ថុ​ក៏ដូចជា​វិស័យ​ឧស្សាហកម្ម​អចលនវត្ថុ​។

​លោក សុខ​នី​ម បាន​បន្តថា លោក​មើលឃើញ​ច្បាស់​ពី​គុណ​តម្លៃ​នៃ​ផ្នែក​សំខាន់ៗ​ទាំង​៣ ដែល ឈរ​ជាស​រសរ​ស្ដម្ភ​ក្នុង​វិស័យ​អចលនទ្រព្យ​នៅ​កម្ពុជា ក្នុងនាម​ជា​ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា បាន​សហការ​ជាមួយ​អនុប្រធាន និង​ក្រម​ការងារ​ស្នូល​របស់ សមាគម ព្រមទាំង​ដៃគូ​ដោយបាន​សម្រេច​បណ្តុះបណ្តាល​នូវ​ជំនាញ​វិជ្ជាជីវៈ​ភ្នាក់ងារ​អចលន វត្ថុ​ប្រមាណ​ជាង ១.០០០​នាក់​។

​ក្រៅពីនេះ​ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា នៅមាន​ការ បណ្តុះបណ្តាលភ្នាក់ងារ​វាយតម្លៃ​អចលនវត្ថុ​ប្រមាណ​ជាង​១២៥​នាក់​ចែករំលែក​អំពី​ការគ្រប់គ្រង លើ​វិស័យ​អចលនវត្ថុ​ប្រមាណ​ជាង​២៥០​នាក់​តាមរយៈ​កម្មវិធី​ធុរកិច្ច​អាជីវកម្ម (Real Estate Business Support Program) និង​ការចែករំលែក​ចំណេះ ដឹង​ជា​សាធារណៈ​ប្រមាណ​ជាង ៨០០​នាក់ ហើយ​សមាគម​បាន​នាំ​សមាជិក​ទៅ​សិក្សា​រៀនសូត្រ​និង​ផ្លាស់ប្តូរ​ពាណិជ្ជកម្ម ជា​លក្ខណៈ​អន្តរជាតិ​ទាំង​នៅក្នុង​តំបន់​អាស៊ាន និង​អឺរ៉ុប​ផងដែរ​។ លើសពីនេះ​ទៀត​សមាគម បាន​សហការ​ជាមួយ​សមាគម​_NationalAssociation of Realtors-NAR,​នៅ​សហរដ្ឋ​អាម៉េរិក ធ្វើការ​បណ្តុះ បណ្តាល​ជំនាញ​ភ្នាក់ងារ​អចលនវត្ថុ​កម្រិត​អន្តរជាតិ ប្រមាណ​ជាង ១២៥​នាក់ ដើម្បី​ក្លាយជា​អ្នកជំនាញ​អចលវត្ថុ​និង​ជា​សមាជិក NAR​ដែលជា​ស្ថាប័ន​មួយ​ទទួលស្គាល់​ដោយ អន្តរជាតិ​៕ ដោយ បូ​រិ​ន​

អាជ្ញាប័ណ្ណចែកចាយផ្តាច់មុខ