ចិន​និង​អ្នក​ធ្លាប់​ទៅ​ចិន​ថ្មីៗ មិនបាច់​ចូល​សិង្ហ​បុរី​ទេ សូម្បី​តែ​ឆ្លងកាត់​

294
ចែករម្លែក

​ក្នុង​កិច្ចខិតខំ​មួយ​ដើម្បី​អោយ​សហគមន៍​សិង្ហ​បុរី​ប្រឈម​ហានិភ័យ​ពី​ការឆ្លង​រាលដាល​កូរ៉ូណា​វីរុស​មកពីចិន​តិច​បំផុត ភ្ញៀវ​ទេសចរណ៍​ថ្មី មិន​ថា​ជនជាតិ​ណា​ទេ​​អោយតែ​ធ្លាប់បាន​ទៅ​ចិនដីគោក​កាលពី​ពេល​ថ្មីៗ នឹង​មិន​ត្រូវ​អនុញ្ញាត​អោយចូល​សិង្ហ​បុរី​ទេ នេះ​បើ​តាម​រដ្ឋមន្ត្រី​អភិវឌ្ឍន៍​ជាតិ​លោក ឡរ​រេ​ន វ៉ុង បានបញ្ជាក់​កាល​​ពី​ថ្ងៃ​សុក្រ​ទី​៣១​មករា​។​

​ ជា​ផ្នែក​នៃ​ការ​រឹត​ត្បិត​ការ​ធ្វើ​ដំណើរ​ដែល​ត្រូវ​ចូល​ជា​ធរមាន​នៅ​ថ្ងៃ​​ត្រង់​ថ្ងៃ​សៅរ៍​ទី​០១​កុម្ភៈ ភ្ញៀវ​ប្រភេទ​នេះ មិន​ទាំង​អនុញ្ញាត​អោយ​ឆ្លងកាត់​(​ដូរ​ជើងហោះហើរ​)​នៅ​សិង្ហ​បុរី​ទៀតផង ​។​

​អ្នក​កាន់​លិខិត​ឆ្លង​ដែល​ចិន​នឹង​មិនត្រូវ​អនុញ្ញាត​អោយ​ចូល​សិង្ហ​បុរី​ឡើយ​ដោយ​អាជ្ញាធរ​ច្រក​ត្រួតពិនិត្យ​និង​អន្តោប្រវេសន៍​សិង្ហ​បុរី​នឹង​ផ្អាក​ការចេញ​ទិដ្ឋាការ​ថ្មី​​គ្រប់​ទំរង់​ចំពោះ​អ្នក​កាន់​លិខិតឆ្លងដែន​ចិន​ជា​បន្ទាន់​។​ចំណែក​ឋានៈ​ជា​ទី​កន្លែង​ឆ្លងកាត់​ដូរ​ជើងហោះហើរ​ដោយ​មិន​ត្រូវការ​ទិដ្ឋការរ​ប​ស់​សិង្ហបុរី ក៏​នឹង​ត្រូវ​​ផ្អាក​ផងដែរ​សំរាប់​អ្នក​កាន់​លិខិតឆ្លងដែន​ចិន​​។​

​ទិដ្ឋាការ​រយៈពេល​វែង​សំរាប់​អ្នក​កាន់​លិខិតឆ្លងដែន​ចិន​ក៏​នឹង​ត្រូវ​ផ្អាក ហើយ​អ្នកមាន​ទិដ្ឋាការ​ដូច្នេះ​ក៏​នឹង​មិនត្រូវ​អនុញ្ញាត​អោយ​ចូល​សិង្ហ​បុរី​ក្នុង​អំឡុង​ពេល​នេះ​។​​សិង្ហ​បុរី​ក៏​នឹង​មិន​ចេញ​លិខិត​សុំ​ធ្វើ​ការងារ​របស់​កម្មក​រ​បរទេស​មក​ពី​ចិន​ថែម​ទៀត​ទេ​រហូត​ទាល់តែ​មាន​ការជូន​ដំណឹង​ថ្មី​។​

រដ្ឋមន្ត្រី​អភិវឌ្ឍន៍​ជាតិ​លោក ឡរ​រេ​ន វ៉ុង បាន​បញ្ជាក់​កាលពី​ថ្ងៃ​សុក្រ​ទី​៣១​មករា​ដើម្បី​កា​ត់​បន្ថយា​និភ័យ​នៃ​ការឆ្លង​វីរុ​សមក​ពី​ចិន​ភ្ញៀវ​ទេសចរណ៍​ថ្មី​មិន​ថា​​ជនជាតិ​ណា​ទេ​អោយតែ​ធ្លាប់​បាន​ទៅ​ចិនដីគោក​កាលពីពេល​ថ្មីៗ នឹង​មិន​ត្រ​វ​អនុញ្ញាត​ចូល​សិង្ហ​បុរី​ទេ

​សូមបញ្ជាក់​ថា កន្លង​មក​សិង្ហ​បុរី​បាន​រឹត​ត្បិត​តែ​លើ​ភ្ញៀវ​ថ្មី​ណា​ដែល​បាន​ទៅ​កាន់​ខេត្ត​ហ៊ូ​ប៉ី ប្រទេស​ចិនកាលពី​ពេល​ថ្មីៗ​ប៉ុណ្ណោះ​។​តែ​ដោយសារ​ចំនួន​អ្នក​ឆ្លង​និង​អ្នក​​ស្លាប់​ដោយសារ​វីរុស​នេះ​នៅ​ចិន​កើន​ថេរ​រាល់ថ្ងៃ វា​ទំនងជា​ថា កូរ៉ូណា​វីរុស​នេះ​ចម្លង​ក្នុង​សហគមន៍​នៅ​ផ្នែក​ផ្សេងៗ​នៃ​ប្រទេស​ចិន ជាហេតុ​នាំ​អោយ​សិង្ហ​បុរី​រឹតត្បិត​​អ្នកដំណើរ​មក​ពី​ចិន និង​ធ្លាប់​ទៅ​ចិន​ទាំងអស់​។​

​សិង្ហ​បុរី​កាលពី​ថ្ងៃ​សុក្រ​បានបញ្ជាក់​អះអាង​អំពី​ការរកឃើញ​អ្នក​ផ្ទុក​វីរុស​វូ​ហាន​នេះ​៣​ករណី​ទៀត​ជាហេតុ​ធ្វើអោយ​អ្នក​ផ្ទុក​វីរុស​នេះ​ដែល​គេ​រកឃើញ​នៅ​សិង្ហ​បុរី​​កើន​ដល់​១៦​នាក់​។​ករណី​ថ្មី​ទាំងបី ជា​អ្នក​ទើបបាន​ធ្វើ​ដំណើរ​ទៅ​កាន់​ទីក្រុង​វូ​ហាន ដែល​ជា​ប្រភព​ផ្ទុះ​វីរុស​ឆ្លង​។​

​ករណី​ទី​១៤ កើត​លើ​ជនជាតិ​ចិន​មាន​ការងារ​ធ្វើ​នៅ​សិង្ហ​បុរី​។​គាត់​បាន​មក​ដល់​សិង្ហ​បុរី​ពី​ទីក្រុង​វូ​ហាន​កាលពី​ថ្ងៃ​២៦​មករា និង​បាន​ទៅរក​ការព្យាបាល​នៅ​គ្លីនិច​មួយ​កាលពី​ថ្ងៃ​ព្រហស្បតិ៍ តែ​ត្រូវបាន​នាំ​ទៅ​ព្យាបាល​នៅ​កន្លែង​ពិសេស​ក្រោយ​ធ្វើតេស្ត​ឃើញ​មាន​ផ្ទុក​វីរុស​៕​ប្រែ​សម្រួល​៖​វាសនា​

អាជ្ញាប័ណ្ណចែកចាយផ្តាច់មុខ