អាម៉េរិក​ហាមឃាត់​ក្រុម​ជន​បរទេស​មក​ពី​ចិន​ចូល​ទឹកដី​របស់​ខ្លួន​ដោយ​ការព្រួយបារម្ភ​ឆ្លង​រាលដាល​កូរ៉ូណា​វីរុស​

154
ចែករម្លែក

​សហរដ្ឋ​អាម៉េរិក​កាលពី​ថ្ងៃ​សុក្រ​ទី​៣១​មករា​បាន​ប្រកាស​ភាពអាសន្ន​ផ្នែក​សុខភាព​សាធារណៈ​និង​ចាត់វិធានការ​រឹតបន្តឹង​ការចូល​មក​ក្នុង​ប្រទេស​នេះ​ដោយសារ​តែ​វីរុស​ថ្មី​ដែល​បាន​ផ្ទុះឡើង នៅ​ចិន​និង​បាន​រាលដាល​ដល់​ប្រទេស​ដទៃ​ទៀត​ជាច្រើន​។​

​ប្រធានាធិបតី​អាម៉េរិក លោក ដូ​ណា​ល់ ត្រាំ បាន​ចុះហត្ថលេខា​លើ​បទ​បញ្ជា​មួយ​ដែល​នឹង​ហាមឃាត់​ជា​បណ្តោះអាសន្ន ចំពោះ​ជន​បរទេស​ណា​ដែល​បាន​ធ្វើដំណើរ​​នៅ​ប្រទេស​ចិន​ក្នុង​រយៈពេល ១៤ ថ្ងៃ​ចុងក្រោយ​នេះ​។

​ការ​រឹតបន្តឹង​ថ្មី ដែល​ចាប់​អនុវត្ត​ចាប់​ពី​ម៉ោង​៥ ល្ងាច​ថ្ងៃ​អាទិត្យ​ទី​០២​កុម្ភៈ​នេះ​ត្រូវបាន​ប្រកាស​ដោយ លោក អា​ឡិក អា​ហ្សារ​ដ្ឋ​មន្ត្រី​សុខាភិបាល​អាម៉េរិក ។​

​លោក បាន​និយាយថា វា​ទំនង​ថា​យើង​នឹង​បន្ត​តាមដាន​មើល​ករណី​ឆ្លង​វីរុស​ជាច្រើន​ទៀត​នៅ​សហរដ្ឋ​អាម៉េរិក​ក្នុង​ប៉ុន្មាន​ថ្ងៃ​និង​ប៉ុន្មាន​សប្តាហ៍​ខាងមុខនេះ​​ដោយ​រួមទាំង​ការតាមដាន​មើល​ករណី​ឆ្លង​ពី​មនុស្ស​ទៅ​មនុស្ស ។

​ជនជាតិ​អាម៉េរិក​ដែល​វិល​ត្រឡប់​មកពី​ប្រទេស​ចិន​នឹង​ត្រូវបាន​អនុញ្ញាត​ឱ្យ​ចូល​ប្រទេស​នេះ​ប៉ុន្តែ​ពួកគេ​នឹង​ត្រូវ​បាន​ពិនិត្យមើល​សុខភាព​និង​ការតាមដាន​​សុខភាព​របស់​ពួកគេ​ចំនួន​១៤​ថ្ងៃ​ដើម្បី​ធានា​ថា​ពួកគេ​មិន​បង្ក​គ្រោះថ្នាក់​ដល់​សុខភាព​។ អ្នក​ទាំងឡាយ​ណា​ដែល​មកពី​ខេត្ត​ហ៊ូ​ប៉ី​ប្រទេស​ចិន ដែល​ជា​កន្លែង​ផ្ទុះ​​ឡើង​នៃ​វីរុស​នេះ នឹង​ត្រូវា​បាន​ដាក់​នៅ​ក្រោម​ការតាមដាន​ដោយឡែក​ពី​គេ​រយៈពេល​១៤​ថ្ងៃ​។​

​វីរុស​នេះ​បាន​ឆ្លង​ដល់​មនុស្ស​ជិត​១០.០០០ នាក់​នៅ​ទូទាំង​ពិភពលោក​ក្នុង​រយៈពេល​តែ​១​ខែ​ប៉ុណ្ណោះ និង​បាន​សម្លាប់​មនុស្ស​២៥៩​នាក់ នៅ​ប្រទេស​ចិន​៕​ប្រែ​សម្រួល​៖​សុខា​/sn

​​អ្នកដំណើរ​ពាក់​ម៉ាស ស្ថិត​នៅ​ស្ថានីយ​រថភ្លើង​ក្រុង​ប៉េកាំង កាលពី​ថ្ងៃ​សុក្រ​

អាជ្ញាប័ណ្ណចែកចាយផ្តាច់មុខ