Home ព័ត៌មានអន្តរជាតិ WHO​ប្រាប់​អោ...

WHO​ប្រាប់​អោយ​ត្រៀម​ទប់ទល់​ការផ្ទុះ​វីរុស​ឆ្លង​នៅ​តាម​ប្រទេស​នី​មួយៗ​នៅពេល​ចំនួន​អ្នក​ឆ្លង​និង​ស្លាប់​នៅ​ចិន​បន្ត​កើនឡើង​

​ចំនួន​មនុស្ស​ស្លាប់​ពី​កូរ៉ូណា​វីរុស​នៅ​ចិន​កាលពី​ថ្ងៃ​សៅរ៍​ទី​០១​កុម្ភៈ​បាន​កើនឡើង​ដល់​២៥៩​នាក់ ហើយ​មន្ត្រី​អង្គការ​សុខភាព​ពិភពលោក​(WHO)​បាន​និយាយថា ​រដ្ឋាភិបាល​នានា​ចាំ​ចាប់​ត្រូវ​ត្រៀម​គ្រប់គ្រង​ការផ្ទុះ​វីរុស​បើសិនជា​វា​បាន​ឆ្លង​ទៅ​ដល់​ប្រទេស​របស់​គេ ។​

​កាលពី​ថ្ងៃ​សៅរ៍​នេះដែរ រដ្ឋាភិបាល​ក្រុង​ប៉េកាំ​ង​បាន​រិះគន់​បទបញ្ជា​របស់​រដ្ឋាភិបាល​ក្រុង​វ៉ាស៊ីនតោន​ដើម្បី​ហាម​ជនបរទេស​ដែល​បាន​នៅ​ចិន​ក្នុង​រយៈពេល​២​សប្តាហ៍​មក​នេះ​ចូល​ទឹកដី​អាម៉េរិក​។​

​អូស្ត្រាលី សិង្ហ​បុរី និង​ជប៉ុន​ក៏​បាន​ចាត់វិធានការ​ស្រដៀង​គ្នា​ដោយ​សិង្ហ​បុរី​បាន​ប្រកាស​កាលពី​ថ្ងៃ​សុក្រ​និង នាយករដ្ឋមន្ត្រី​អូស្ត្រាលី លោក​ស្កត់ ម័រ​រី​សុន​បាន​​ប្រកាស​កាលពី​ថ្ងៃ​សៅរ៍​។​

​ក្នុងពេល​ជាមួយគ្នា កូរ៉េខាងត្បូង ឥណ្ឌូនេស៊ី ម៉ាឡេស៊ី និង​ឥណ្ឌា​បាន​ដឹក​ពលរដ្ឋ​របស់​គេ​រាប់រយ​នាក់​ចេញពី​ទីក្រុង​វូ​ហាន ទីក្រុង​ដែល​ជា​ស្នូល​នៃ​ការផ្ទុះ​កូរ៉ូណា​វីរុស​។​​អ្នក​ត្រូវ​ជម្លៀស​ត្រូវបាន​នាំ​ទៅ​ដាក់​ដាច់​ពី​គេ​កន្លះ​ខែ​។​រុស្ស៊ី​ក៏បាន​និយាយថា ខ្លួន​នឹង​ជម្លៀស​ពលរដ្ឋ​របស់​ខ្លួន​ជាង​២.៥០០​នាក់​ចេញពី​កោះ​ហៃ​ណាន់​នៅ​មួយ​ថ្ងៃក្រោយ​ខ្លួន​បាន​ប្រកាស​បិទ​ព្រំដែន​ជាមួយ​ចិន​។​

​ចំនួន​មនុស្ស​ដែល​ត្រូវ​បាន​បញ្ជាក់ថា​ឆ្លង​វីរុស​ជម្ងឺ​ផ្លូវដង្ហើម​នេះ​នៅ​ចិន​កើន​ដល់​១១.៧៩១​នាក់ ដោយ​កើន​លើស​ចំនួន​មនុស្ស​ឆ្លង​វីរុស​ជម្ងឺ SARS​កាលពី​១៧​ឆ្នាំ​មុន​។​

​វីរុស​nCoV ដែល​ត្រូវ​គេ​ជឿ​ថា​មាន​ប្រភព​ចេញពី​ផ្សារ​លក់​សាច់​មួយ​ក្នុង​ទីក្រុង​វូ​ហាន​កាលពី​ចុងឆ្នាំ​មុន​បាន​រាលដាល​ទៅ​គ្រប់​តំបន់​នៃ​ប្រទេស​ចិន​និង​បង្ហាញខ្លួន​នៅ​យ៉ាងតិច​២០​ប្រទេស​ដោយសារ​អ្នកដំណើរ​ទៅ​ពី​ចិន​។​

​មន្ត្រី​បក្ស​ជាន់ខ្ពស់​ម្នាក់​នៅ​ក្រុង​វូ​ហាន កាលពី​ថ្ងៃ​សុក្រ​បាន​សម្តែង​ការសោកស្តាយ​ដោយសារ​អាជ្ញាធរ​មូលដ្ឋាន​ចាត់ការ​យឺត​ពេក​ក្នុង​ការទប់ស្កាត់​វីរុស​នេះ​កុំអោយ​វា​ឆ្លង​រាលដាល​៕​ប្រែ​សម្រួល​៖​វាសនា​

គ្រូពេទ្យ​រុញ​អ្នក​ជម្ងឺ​កូរ៉ូណា​វីរុស​ចូល​ក្នុងបន្ទប់​នៅ​ដាច់ពីគេ​ក្នុង​មន្ទីរពេទ្យ​មួយ​ក្នុង​ខេត្ត​អាន​ហ៊ូ​យ​កាលពី​ថ្ងៃ​០១​កុម្ភៈ

ប្រជាជន​តម្រង់​ជួរ​រង់ចាំ​ចូល​ពិនិត្យ​ជម្ងឺ​នៅ​គ្លីនិច​មួយ​នៅ​ខេត្ត​ហ៊ូ​ប៉ី (ស្តាំ)និង​រង់ចាំ​ទិញ​ម៉ាស់​មុខ​នៅ​ហុងកុង​ដោយសារ​តែ​រអើល​នឹង​កូរ៉ូណា​វីរុស​

ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...