Home ព័ត៌មានជាតិ សេដ្ឋកិច្ច ​វិស័យ​មីក្រូ...

​វិស័យ​មីក្រូហិរញ្ញវត្ថុ​កម្ពុជា​បានផ្តល់​ឥណទាន​ជាង​៧​ពាន់​លាន​ដុល្លារ​ដល់​អតិថិជន​ជាង​២​លាន​នាក់​

ដោយៈ​សុផល​/​ភ្នំពេញៈ​វិស័យ​មីក្រូហិរញ្ញវត្ថុ​កម្ពុជា​(CMA)​បានផ្ដល់​ឥណទាន​ជាង​៧​ពាន់​លាន​ដុល្លារ​សហរដ្ឋអាមេរិក​ដ​ល់​អតិថិជន​ប្រហែល​ប្រមាណ​២​លាន​នាក់​។​នេះ​បើតាម​ការឱ្យ​ដឹង​របស់​លោក គា បូរាណ​ប្រធាន​ក្រុមប្រឹក្សាភិបាល​សមាគម​មី​ក្រូ​ហិរញ្ញវត្ថុ​កម្ពុជា​។​វិស័យ​មីក្រូហិរញ្ញវត្ថុ​កម្ពុជា​កាលពី​ព្រឹក​ថ្ងៃទី​៣១ ខែមករា ឆ្នាំ​២០២០ បានរៀបចំ​ធ្វើ​មហាសន្និបាត​លើក​ទី​១៥ និង​វេទិកា​ប្រចាំឆ្នាំ​លើក​ទី​១ រវាង​ប​ញ្ញ​តិករ​និង​សមាជិកសមាគម​មីក្រូហិរញ្ញវត្ថុ​កម្ពុជា​ស្ដីពី​ការធ្វើ​ឲ្យ​ប្រសើរឡើង​នូវ​បរិយាកាស​ប្រតិ​ប​ត្ដិ នៃ​វិស័យ​មីក្រូហិរញ្ញវត្ថុ​កម្ពុជា នៅ​សណ្ឋាគារ​ភ្នំពេញ រាជធានី​ភ្នំពេញ ។​

​លោក​គា​បូរាណ​បាន​បាន​មានប្រសាសន៍ថា​៖​ទំហំ​ចំនួន​អ្នក​កើនឡើង​ប្រហែល​ប្រមាណ​២​លាន​១​សែន​នាក់ មិន​កើន​ចំនួន​អ្នក​ខ្ចី​ច្រើនពេក​ទេ និង​ឥណទាន​ប្រហែល​ជាង​៧​ពាន់​លាន​ដុល្លារ ឃើញថា មានការ​កើនឡើង​ចំនួន​ឥណទាន​ច្រើន​គួរសម​។​តាម​សេចក្ដីប្រកាស​ព័ត៌មាន​របស់​សមាគម​មីក្រូហិរញ្ញវត្ថុ​កម្ពុជា បាន​បញ្ជាក់ថា «​គិត​ត្រឹម​ខែកញ្ញា ឆ្នាំ​២០១៩ វិស័យ​មីក្រូហិរញ្ញវត្ថុ​កម្ពុជា បានផ្តល់​ឥណទាន ចំនួន​ប្រហែល​៧​ពាន់​លាន​ដុល្លារ​ដល់​អតិថិជន​ប្រហែល​២​លាន​នាក់​ខណៈ​អ្នក​សន្សំ​មាន​ចំនួន​ជិត​៣​លាន​នាក់​ដោយមាន​ទឹកប្រាក់​ជិត​៤​ពាន់​លាន​នៅតាម​ការិយាល័យ​ចំនួន​១.៤០០​ដែលមាន​បុគ្គលិក​ចំនួន ៣៤.០០០​នាក់​»​។​

សមាគម​មីក្រូហិរញ្ញវត្ថុ​កម្ពុជា បាន​បន្ថែមទៀតថា វិស័យ​ហិរញ្ញវត្ថុ មានការ​ផ្លាស់ប្តូរ​គួរ​ឲ្យ​កត់សម្គាល់ ក្នុង​រយៈពេល​១០​ឆ្នាំ​ចុង​ក្រោយនេះ​។​ជាបឋម​ផលប័ត្រ​ឥណទាន​បាន​កើន​ជាង​មុន​១៨​ដង​នៅពេលដែល​ចំនួន អតិថិជន​កើន​ជាង​មុខ​២​ដង​។ ជាងនេះទៀត វិស័យនេះ ប្រែប្រួល​ខ្លាំង​ពី​វិស័យ​អង្គកា​អភិវឌ្ឍន៍ ទៅជា​ស្ថាប័នហិរញ្ញវត្ថុ ដែល​គ្រប់គ្រង​ដោយ​ម្ចាស់ទុន​ឯកជន​។​

​វិស័យនេះ បានការ​ផ្តោត​ខ្លាំង​ទៅលើ សហគ្រាស​ទុន​តូច និង​មធ្យម ទន្ទឹមនឹង ធនាគារ​មួយចំនួន​តូច ក៏បាន​ហក់​ចូលក្នុង​ទីផ្សារ​នេះដែរ​។ ការដាក់​ពិ​ដាន​អត្រា​ការប្រាក់ របស់​រដ្ឋ​នៅ​ខែមេសា ឆ្នាំ​២០១៧ បានធ្វើ​ឲ្យ​ចំនួន​អតិថិជន​នៅតែ​ថេរ​តែ​ទំហំ​ឥណទាន​មធ្យម​កាន់តែ​កើនឡើង​គួរ​ឲ្យ​កត់សំគាល់​។​កំណើន​នេះ​ជំរុញ​ឲ្យ​មានការ​កោតសរសើរ​ក៏ដូចជា​ក្តីបារម្ភ​ថា​អាច​នឹងមាន​បញ្ហា​ប្រឈម​ដូចជា​បំណុល​វ័ណ្ឌករ ដោយសារតែ​មានការ ប្រកួតប្រជែង​ខ្លាំង ក្នុង​វិស័យនេះ​។​

​លោក​គា​បូរាណ​បាន​ថ្លែងថា​«​គម្រោង​បរិ​យាប​ន្ន​ហិរញ្ញវត្ថុ​ប្រកបដោយ​ការទទួលខុសត្រូវ​ឆ្លើយតប​បន្ថែមទៀត​ទៅនឹង​ការព្រួយបារម្ភ​នានា​ព្រមទាំង​ចូលរួមចំណែក​ក្នុង​កំណើនសេដ្ឋកិច្ច​ដែល​ធ្វើ​ឲ្យ​ប្រជាជន​កម្ពុជា មាន​សិទ្ធិ​ទទួល​សេវា​ហិរញ្ញវត្ថុ​ផ្លូវការ​បន្ថែម ក្នុងពេលដែល សមក បាននិងកំពុង ធ្វើការ​ងារ​នេះ ជាមួយ​សមាជិក​របស់​ខ្លួន​ផងដែរ ចាប់តាំងពី​ឆ្នាំ​២០១៧»​។​

​ប្រធាន​ក្រុមប្រឹក្សាភិបាល​សមាគម​មី​ក្រូ​ហិរញ្ញវត្ថុ​កម្ពុជា​បានបញ្ជាក់​ថា​គេ​រំពឹងថា​គម្រោង​នេះ​នឹង​ជួយ​លើ​កម្ពស់​បរិ​យាប​ន្ន​មីក្រូហិរញ្ញវត្ថុ​ដោយ​ប្រើប្រាស់​ស្តង់​អន្តរជាតិ​ប្រកបដោយ​ក្រមសីលធម៌ មានដូចជា គោលការណ៍​ការពារ​អតិថិជន​។​ឥណទាន​ភ្ជាប់​ជាមួយ​កិច្ចការ​សង្គម​គោលការណ៍​ផ្តល់ប្រាក់​កម្ចី​ព្រមទាំង​យន្ត​ការណ៍​ដោះស្រាយ​ណ្តឹ​ង​អតិថិជន​។​លើកកម្ពស់​វិស័យ​អប់រំ​ហិរញ្ញវត្ថុ​ដល់​អតិថិជន​និង​សាធារណជន​ដោយ​សហការ​ជាមួយ​ធនាគារជាតិ​នៃ​កម្ពុជា​និង​ដៃគូរ​ផ្សេងៗ​។​លើកកម្ពស់​ដល់​ការយល់ដឹង ពី​តួនាទី​មីក្រូហិរញ្ញវត្ថុ​ក្នុងការ​កាត់បន្ថយ​ភាពក្រីក្រ​និង​ជួយ​កំណើនសេដ្ឋកិច្ច​តាម​ទីជនបទ​ក៏ដូចជា​ស្រាវជ្រាវ​និង​អភិវឌ្ឍ​បន្ថែម វិស័យ​មីក្រូហិរញ្ញវត្ថុ​។​

​សូមជម្រាបថា​សមាគម​មីក្រូហិរញ្ញវត្ថុ​កម្ពុជា​(​សមក​)​នៅថ្ងៃនេះ​បាន​សម្ពោធ​គម្រោង​បរិ​យាប​ន្ន​ហិរញ្ញវត្ថុ​ប្រកបដោយ​ការទទួលខុសត្រូវ​ក្នុង​គោលដៅ​ឆ្លើយតប​ការព្រួយបារម្ភ​នានា​និង​រួមចំណែក​ក្នុង​កំណើនសេដ្ឋកិច្ច​តាមរយៈ​ការធ្វើ​ឲ្យ​ប្រជាជន​កម្ពុជា​មានលទ្ធភាព​ទទួលបាន​សេវាកម្ម​ហិរញ្ញវត្ថុ​ផ្លូវការ​ប្រកបដោយ​ការទទួលខុសត្រូវ​។​គម្រោង​៣​ឆ្នាំនេះ​ទទួលបាន​វិភាគទាន​ពី​សមាជិក​របស់​សមាគម​មីក្រូហិរញ្ញវត្ថុ​កម្ពុជា​នឹង​រួមចំណែក​ដល់​យុទ្ធសាស្ត្រ​ជាតិ​ស្តីពី​បរិ​យាប​ន្ន​ហិរញ្ញវត្ថុ​ឆ្នាំ​២០១៩=២០២៥​របស់​ធនាគារជាតិ​នៃ​កម្ពុជា​។​

សមាគម​មីក្រូហិរញ្ញវត្ថុ​កម្ពុជា​គឺជា​ស្ថាប័ន​តែមួយគត់​តំណាងឱ្យ​ស្ថាប័ន​មីក្រូហិរញ្ញវត្ថុ​ទាំងអស់​ដែល​បាន​ចុះបញ្ជី​ស្របច្បាប់​នឹង​អនុវត្ត​នៅ​គម្រោង​តម្លៃ​ជិត​១​លាន​ដុល្លារ​ដោយ​សហការ​យ៉ាង​ជិតស្និត​ជាមួយ​សមាជិក​របស់ខ្លួន​ព្រមទាំង​ដៃគូ​សំខាន់ៗ​ដូចជា​៖​ធនាគារជាតិ​នៃ​កម្ពុជា​,​សមាគម​ធនាគារជាតិ​នៅ​កម្ពុជា​,​ការិយាល័យ​ឥណទាន​កម្ពុជា​និង​ដៃគូ​អភិវឌ្ឍ​នានា​។​

សមាគម​មីក្រូហិរញ្ញវត្ថុ​គឺជា​សមាគមវិជ្ជាជីវៈ​ដែល​ជួយ​ធ្វើឱ្យមាន​វិបុលភាព​និង​និរន្តរភាព​វិស័យ​មីក្រូហិរញ្ញវត្ថុ​នៅក្នុង​ប្រទេស​កម្ពុជា​ដោយ​ជំរុញឱ្យមាន​កំណើនសេដ្ឋកិច្ច​ព្រមទាំង​ការអភិវឌ្ឍ​។​សមក​មាន​សមាជិក​ចំនួន​១០១​ស្ថាប័ន​សុទ្ធសឹង​ជា​គ្រឹះស្ថាន​មីក្រូហិរញ្ញវត្ថុ គ្រឹះស្ថាន​ឥណទាន​ជនបទ ព្រមទាំង​ក្រុមហ៊ុន​ភតិសន្យា​៕S/​

ទីតាំងផ្សាយពាណិជ្ជកម្ម

- Advertisment -

Most Popular

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...

សរុប​រឿង​ពុល​ស្រាស​នៅ​កំព...

ដោយៈមុនីរ័ត្ន/ភ្នំពេញៈ​ករ...

សម្តេចនាយក​រដ្ឋមន្ត្រី​នឹ...

សម្តេចនាយក​រដ្ឋមន្ត្រី​នឹ...