Home ព័ត៌មានអន្តរជាតិ វៀតណាម​ប្រកាស...

វៀតណាម​ប្រកាស​ការឆ្លង​វីរុស​នៅក្នុង​ប្រទេស​និង​បិទ​ជើងហោះហើរ​ទៅ​និង​មក​ពី​ចិន​

​នាយករដ្ឋមន្ត្រី​វៀតណាម​លោក​ង្វៀន សួន​ហ្វ៊ុក កាលពី​ថ្ងៃ​សៅរ៍​ទី​០១​កុម្ភៈ​បាន​សំរេចចិត្ត​ប្រកាសថា ណូវ៉ែល កូរ៉ូណា​វីរុស​(nCoV)​ជា​វីរុស​ឆ្លង​រាលដាល​មួយ​នៅ​​វៀតណាម​។​

​គិត​មក​ត្រឹម​ថ្ងៃ​សៅរ៍ វៀតណាម​បាន​រកឃើញ​អ្នក​ឆ្លង​វីរុស​នេះ​៦​ករណី​។​

​ជា​វិធានការ​ទប់ស្កាត់ ក្រុមហ៊ុន​អាកាសចរណ៍​វៀតណាម​ផ្អាក​ការហោះហើរ​ទៅកាន់​ចិន ហុងកុង និង​កោះ​តៃវ៉ាន់ ចាប់ពី​ថ្ងៃ​សៅរ៍​មក ដោយសារតែ​ការផ្ទុះ​វីរុស​។​

​ក្រុមហ៊ុន​បាន​និយាយ​កាលពី​ថ្ងៃ​សុក្រ​ថា​ខ្លួន​នឹង​ផ្អាក​ជើងហោះហើរ​ទៅកាន់​ចិន​ចាប់ពី​ថ្ងៃ​ព្រហស្បតិ៍​សប្តាហ៍​ក្រោយ និង​កាត់បន្ថយ​ការហោះហើរ​រវាង​ក្រុង​​ហូ​ជី​មី​ញ និង​ហុងកុង ពី​១០​ជើង​មក​នៅត្រឹម​៧​ជើង​ក្នុង​១​សប្តាហ៍​។​

​ចំណែក​ក្រុមហ៊ុន​អាកាសចរណ៍​វៀតណាម​Vietjet​បាន​និយាយ​កាលពី​ថ្ងៃ​សុក្រ​ថា ខ្លួន​ផ្អាក​ការហោះហើរ​ទាំងអស់ ទាំង​ទៅ​ទាំង​មកពី​ចិន​ចាប់ពី​ថ្ងៃ​០១​កុម្ភៈ​។​

​អាជ្ញាធរ​អាកាសចរណ៍​វៀតណាម​បាន​និយាយ​កាលពី​ថ្ងៃ​សៅ​រ៍ថា វៀតណាម​ផ្អាក​ការហោះហើរ​ទាំងអស់​មក​ពី​ចិន និង​ក៏​ហាម​យន្តហោះ​មក​ពី​តៃវ៉ាន់ ហុងកុង​និង​​ម៉ា​កាវ​ផងដែរ ក្នុង​កិច្ចខិតខំ​ទប់ស្កាត់​ការឆ្លង​រាលដាល​វីរុស​។​

​ទ្រី​ញ គួ​ក ទួន មន្ត្រី​នៅ​អាជ្ញាធរ​អាកាសចរណ៍​ស៊ីវិល​វៀតណាម​បាន​ប្រាប់​ទីភ្នាក់ងារ​សារព័ត៌មាន​បារាំង​ថា​«​យើង​ផ្អាក​ការហោះហើរ​ពី​វៀតណាម​ទៅ​ចិន​តែ​​ប៉ុណ្ណោះ​»​។​

​ការប្រកាស​ចាត់វិធានកា​រ​របស់​វៀតណាម​កើតឡើង​ក្រោយ​ពី​ប្រទេស​នេះ​អះអាង​ថា​បាន​រក​ឃើញ​អ្នក​ឆ្លង​កូរ៉ូណា​វីរុ​សទី​៦​។​អ្នក​ទទួល​ភ្ញៀវ​សណ្ឋាគារ​អាយុ​២៥​ឆ្នាំ​​ម្នាក់ នៅ​ក្រុង​ញ៉ា ត្រា​ង បាន​ឆ្លង​វីរុស​នេះ​ក្រោយ​បាន​ទាក់ទង​ជាមួយ​ឪពុក​និង​កូន​ជនជាតិ​ចិន​ដែល​ឆ្លង​វីរុស​នេះ​។​នាង​ជា​ករណី​ឆ្លង​ពី​មនុស្ស​ទៅ​មនុស្ស​នៅ​​វៀតណាម​ក្រោយពី​ឪពុក​មក​ពី​ក្រុង​វូ​ហាន ប្រទេស​ចិន បាន​ចម្លង​វីរុស​ទៅ​កូនប្រុស​ដែល​ស្ថិត​នៅ​វៀតណាម​អស់​ពេល​រាប់​ខែ​។​

​អ្នក​ផ្ទុក​វីរុស​៣​នាក់​ទៀត គឺជា​ជនជាតិ​វៀតណាម​រស់នៅ​ក្រុង​វូ​ហាន ដែល​ជា​ស្នូល​នៃ​ការផ្ទុះ​ជម្ងឺ​ផ្លូវដង្ហើម​បង្កឡើង​ដោយ​កូរ៉ូណា​វីរុស​។​

​ឥឡូវ វៀតណាម​ចូលរួម​ជាមួយ ថៃ ចិន អាឡឺម៉ង់ កូរ៉េខាងត្បូង បារាំង និង​អាម៉េរិក ជា​ប្រទេស​ដែល​មាន​ការឆ្លង​កូរ៉ូណា​វីរុស​នៅក្នុង​ស្រុក​ផ្ទាល់​របស់​គេ​៕​ប្រែ​​សម្រួល​៖​វាសនា​

ក្រុមហ៊ុន​អាកាសចរណ៍​វៀតណាម​Vietjet​បាន​និយាយ​កាលពី​ថ្ងៃ​សុក្រ​ថា ខ្លួន​នឹង​ផ្អាក​ការហោះហើរ​ទាំងអស់ ទាំង​ទៅ​ទាំង​មកពី​ចិន​

ទីតាំងផ្សាយពាណិជ្ជកម្ម

- Advertisment -

Most Popular