Home ព័ត៌មានអន្តរជាតិ ចិន​បិទ​ខ្ទប់...

ចិន​បិទ​ខ្ទប់​ទីក្រុង​មួយ​នៅ​ឆ្ងាយ​ពី​ស្នូល​នៃ​ការផ្ទុះ​កូរ៉ូណា​វីរុស ដោយ​មួយ​គ្រួសារ​អាច​មាន​មនុស្ស​ម្នាក់​ចេញ​ទៅ​ទិញ​អីវ៉ាន់​ក្នុងពេល​២​ថ្ងៃ​ម្តង​

​ទីក្រុង​វេន​ចូ​វ​(Wenzhou)​ភាគ​ខាងកើត​ចិន បានចាប់ផ្តើម​រឹតត្បិត​ចលនា​របស់​អ្នកក្រុង​និង​បិទ​ផ្លូវ​ថ្នល់​កាលពី​ថ្ងៃអាទិត្យ​ទី​០២​កុម្ភៈ ក្នុង​ការចាត់វិធានកា​រ​​គំហុក​បំផុត​នៅ​ក្រៅ​ស្នូល​នៃ​ការផ្ទុះ​វីរុស​ឆ្លង​។​

នៅ​ចម្ងាយ​៨០០​គីឡូម៉ែត្រ​ពី​ក្រុង​វូ​ហាន ក្រុង​វេន​ចូ​វ ដែល​មាន​មនុស្ស​៩​លាន​នាក់​ឥឡូវ ជួប​វាសនា​ដូចគ្នា​គឺ​រឹតត្បិត​ចលនា​មនុស្ស​

​អាជ្ញាធរ​បាន​បញ្ជាក់ថា​នៅក្នុង​ទីក្រុង​ដែល​មាន​មនុស្ស​៩​លាន​នាក់​នេះ មាន​តែ​មនុស្ស​ម្នាក់​ក្នុង​មួយ​គ្រួសារ​អាច​ចេញ​ក្រៅ​ដើម្បី​ទិញ​អីវ៉ាន់​ប្រើប្រាស់​ចាំបាច់​ក្នុង​​រយៈពេល​២​ថ្ងៃ​ម្តង នៅពេល​បញ្ជ​បង់ប្រាក់​ផ្លូវ​ហាយវ៉េ​ចំនួន​៤៦​ក្នុង​ក្រុង​បាន​បិទ​។​

​ខេត្ត​ហ្សេ​ជាំង ដែល​ក្រុង​វេន​ចូ​វ​តាំងនៅ មាន​ចំនួន​អ្នក​ឆ្លង​កូរ៉ូណា​វីរុស​នេះ​ច្រើនជាងគេ​ក្នុងចំណោម​ខេត្ត​ក្រៅ​ខេត្ត​ហ៊ូ​ប៉ី ដែល​មាន​អ្នក​ឆ្លង​វីរុស​នេះ​។​របាយការណ៍​​បាន​និយាយថា​វា​មាន​អ្នក​ឆ្លង​៦៦១​នាក់​ក្នុង​ចំនួន​នេះ​២៦៥​នាក់​នៅក្នុង​ក្រុង​វេន​ចូ​វ​។​

​ទីក្រុង​ដែល​នៅ​ចម្ងាយ​៨០០​គីឡូម៉ែត្រ​ពី​ក្រុង​ប្រភព​វីរុស​(​វូ​ហាន​) ក៏​លុបចោល​ព្រឹត្តិការណ៍​សាធារណៈ​ផ្សេងៗ និង​បិទ​កន្លែង​សាធារណៈ​ដូចជា កន្លែង​ហែល​ទឹក រោង​​ភាពយន្ត​និង​សារមន្ទីរ​។​ផ្លូវ​រថភ្លើង​ក្រោម​ដី​និង​គមនាគមន៍​សាធារណៈ​ក៏​ត្រូវបាន​ផ្អាក និង​ទុក​តែ​រថយន្ត​ក្រុង​ក្នុង​ខេត្ត​អោយ​បន្ត​ដំណើរការ​។​

​សាលារៀន​និង​សកល​វិទ្យាល័យ​បន្ត​បិទ​ដល់​ថ្ងៃ​០១​មីនា ហើយ​អាជ្ញាធរ​និយាយ​ថា​បណ្តា​សហគ្រាស​គួរ​កុំ​បន្ត​ធ្វើការ​រហូត​ដល់​ក្រោយ​ថ្ងៃ​១៧​កុម្ភៈ លើកលែង​តែ​ស្ថាប័ន​​រដ្ឋ​និង​ផ្នែក​រដ្ឋបាល​។​

​កូរ៉ូណា​វីរុស​បាន​ចម្លង​ទៅ​មនុស្ស​ជាង​១៤.០០០​នាក់ និង​សម្លាប់​មនុស្ស​៣០៤​នាក់​នៅ​ទូទាំង​ប្រទេស​ចិន​។​ខេត្ត​ហ៊ូ​ប៉ី​ដែលជា​ប្រភព​ផ្ទុះ​ជម្ងឺ​បាន​ស្ថិតក្រោម​ការ​​បង្ខាំង​អោយ​នៅ​ដាច់​ពី​គេ​អស់​មួយ​សប្តាហ៍​មក​ហើយ ដោយ​ផ្លូវថ្នល់​និង​គមនាគមន៍​សាធារណៈ​ត្រូវ​បិទ​៕ដោយ៖វាសនា

​ ​ខេត្ត​ហ៊ូ​ប៉ី​ដែលជា​ប្រភព​ផ្ទុះ​ជម្ងឺ​បាន​ស្ថិតក្រោម​ការ​​បង្ខាំង​អោយ​នៅ​ដាច់​ពី​គេ​អស់​មួយ​សប្តាហ៍​មក​ហើយ ដោយ​ផ្លូវថ្នល់​និង​គមនាគមន៍​សាធារណៈ​ត្រូវ​បិទ​

អ្នកស្ម័គ្រចិត្ត​ពាក់​សម្លៀកបំពាក់​ការពារ​បាញ់ថ្នាំ​សម្លាប់​មេរោគ​នៅ​ក្នុង​ខេត្ត​ហ្សេ​ជាំង

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...