Home ព័ត៌មានជាតិ នយោបាយ ​សម្តេច​ក្រឡា...

​សម្តេច​ក្រឡាហោម​៖​អង្គការ​សង្គម​ស៊ីវិល​ខ្លះ​ធ្វើការ​មិនមាន​តម្លាភាព​,​វា​មិនមែនជា​ការកសាង​ភាពជា​ដៃគូ​តែ​ជាការ​របៀប​មើលបំណាំ ​

ដោយ​៖​តារា​រិ​ទ្ធ​(​ភ្នំពេញ​)៖​សម្តេច​ក្រឡាហោម ស ខេង នាយករដ្ឋមន្ត្រី​ស្តីទី និង ជា​រដ្ឋមន្ត្រី​ក្រសួងមហាផ្ទៃ​បាន​ថ្លែងថា សកម្មភាព​របស់​អង្គការ​សង្គម​ស៊ីវិល​មួយ​ចំ នួន​នៅ​កម្ពុជា​មិនមាន​តម្លាភាព ហើយក៏​មិនមាន​លក្ខណ​ភាពជា​ដៃគូ​តែ​ជាការ​មើលបំណាំ​ច្រើនជាង ។​សម្តេច​ក្រឡាហោម​បាន​សង្ក​ត​ធ្ងន់​ថា​អង្គការ​សង្គម​ស៊ីវិល​មួយ ចំនួន​បាន​លាក់​ព័ត៌មាន​ពី​រាជរដ្ឋាភិបាល រួច​ធ្វើការ​បូល​សរុប​យកទៅ​ផ្សព្វផ្សាយ ហើយ​ចោទប្រកាន់​រដ្ឋាភិបាល​មិន​ដោះស្រាយ​បញ្ហា ។

​សម្ដេច​ក្រឡាហោម ស ខេង បាន​ថ្លែង​បែបនេះ​នៅ​ព្រឹក​ថ្ងៃទី៣ខែកុម្ភៈក្នុងឱកាស​អញ្ជើ ញ​ជា​អធិបតី​បើក​វេទិកា​ស្ដីពី​អភាព​ជា​ដៃគូ​រវាង​រាជរដ្ឋាភិបាល​និង​អង្គការ សង្គម​ស៊ីវិល​លើក​ទី​៤ នៅ​ទីស្ដីការ​ក្រសួងមហាផ្ទៃ​។​

​សម្តេច​ក្រឡ​ហោម​បាន​លើកឡើងថា​ទាក់ទង​នឹង​ព័ត៌មាន​ស្ដីអំពី​ទំនាក់ទំនង​មិនបាន​ល្អ​រវាង​រដ្ឋបាល​មូលដ្ឋាន​និង​អាជ្ញាធរ​ថ្នាក់ក្រោម​ជាតិ​ជាមួយនឹង​អង្គការ​សង្គម​ស៊ីវិល​យើង​បានទទួល​ព័ត៌មាន​តែ​ពីរ​ករណី​ប៉ុណ្ណោះ​ដែល​បាន​រាយការណ៍​មក​អាជ្ញាធរ​ដែនដី។តែ​ការពិត​ជាក់ស្តែង​កន្លង​ទៅ​អង្គការ​សង្គម​ស៊ីវិល​ខ្លះ​ក៏បាន​លើកឡើង​មិន មែន​ពី​ករណី​ទេ​គឺ​រាប់រយ​ករណី ។

​សម្តេច​ក្រឡ​ហោម​បាន​បន្តថា​៖«​ខ្ញុំ​មិន​បដិសេធ​ទេ​ប៉ុន្តែ​យើងខ្ញុំ​មាន​ចម្ងល់​ថា​ហេតុអ្វី​ប្រ សិន​ជាមាន​ករណី​បែបនេះហើយ​គាត់​(​អង្គការ​សង្គម​ស៊ីវិល​)​បូកសរុប​យកទៅ​ផ្សព្វ ផ្សាយ​តែ​គាត់​(​អង្គការ​សង្គម​ស៊ីវិល​)​មិនបាន​ផ្ដល់ព័ត៌មាន​នេះ​មក​ឲ្យ​សមត្ថកិច្ច​របស់​រាជរ​ដ្ឋា​ភិ​បាល​អញ្ចឹង​ប្រៀបបាន​គាត់​លាក់​ព័ត៌មាន​អញ្ចឹង​ទំនាក់ទំនង​របស់ យើង​(​រាជរដ្ឋាភិបាល​) វា​មិន​តម្លាភាព​វា​មិនមែនជា​ការកសាង​ភាពជា​ដៃគូ​តែ​ជាការ​របៀប​មើលបំណាំ​» ។

​សម្តេច​ក្រឡាហោម​បន្តថា​៖«​រាជរដ្ឋាភិបាល​ស្វាគមន៍​ចំពោះ​ព័ត៌មាន​ទាំងអស់​ដែល​ផ្តល់​ដោយ​អង្គ​សង្គម​ស៊ីវិល​ទាំង​វិជ្ជមាន​និងអវិជ្ជមាន​ពីព្រោះ​រាជរដ្ឋាភិបាល​មានយន្តការ​អចិ ន្ត្រៃយ៍​ដើម្បី​នឹង​ដោះស្រាយ​បញ្ហា​នានា​ហើយ​រាជ​រដ្ឋា​ភី​បាល​ក៏មាន​យន្តការ​ជា​វេទិកាសាធា រណៈ​នៅ​ថ្នាក់ជាតិ​និង​ថ្នាក់ក្រោម​ជាតិ​ផង​។​អញ្ចឹង​ប្រសិនបើ​ពួកគាត់​(​ អង្គការ​សង្គម​ស៊ីវិល​)​លាក់​ព័ត៌មាន​គឺ​យើង​មិនដឹងថា​ត្រូវ​ដោះស្រាយ​យ៉ាងម៉េច​គឺ​ដោះ​មិន​បានទេ​។​ក៏ប៉ុន្តែ​ប្រសិនជា​គាត់​លាតត្រដាង​ព័ត៌មាន​ជា​ចំហ​ហើយ​សម​ត្ត​កិច្ច​មិន​ដោះស្រាយ​នោះ​ទើប​ជា​កំហុស​របស់​មន្ត្រី​រាជរដ្ឋាភិបាល​កំហុសរ​បស់​អាជ្ញាធរ​មូលដ្ឋាន​» ។​

​សម្តេច​ក្រឡាហោម​បានស្នើ​ថា​គួរតែ​ផ្ដល់ព័ត៌មាន​ឲ្យ​គ្នា​ទៅវិញទៅមក។ សម្តេច​ចាត់ទុកថា​សមាគម​និង​អង្គការ​មិនមែន​រដ្ឋាភិបាល​អាច​ចែកចេញជា​ពីរ​ប្រភេទ​ទីមួយអាច​អា​ជា​ប្រ ភេទ​តស៊ូ​មតិ និង ប្រភេទ​ទី​ពី អាចជា​ប្រភេទ​នៃ​ការចូលរួម​អភិវឌ្ឍន៍​គាំទ្រ​កម្មវិធី​របស់​រាជរដ្ឋាភិបាល ។​

​វេទិកា​នេះ​រៀបចំឡើង​ដើម្បី​បន្ត​ពិនិត្យឡើងវិញ​នូវ​វឌ្ឍន៍ភាព​នៃ​វេទិកា​ស្តីពី​ភាពជា​ដៃគូ​រវាង​រាជរដ្ឋាភិបាល​និង​អង្គការ​សង្គម​ស៊ីវិល​លើក​ទី​៣​ដែល​បាន​រៀបចំឡើង​កាល ពី​ពេល​កន្លងទៅ ។ ប​ច្ច​ប្បន្ន​កម្ពុ​ជាមាន​អង្គការ​សង្គម​ស៊ីវិល​ប្រមាន​ជាង ៥០០ អង្គការ ៕

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...