Home ព័ត៌មានអន្តរជាតិ សូ​ម៉ាលី​ប្រក...

សូ​ម៉ាលី​ប្រកាសអាសន្ន​អំពី​ហ្វូង​សត្វ​កណ្តូប​បំផ្លាញ​ដំណាំ​គ្មាន​សល់​

​ប្រទេស​សូ​ម៉ាលី​បាន​ប្រកាស​អាសន្ន​ថ្នាក់​ជាតិ​នៅពេល​ហ្វូង​សត្វ​កណ្ដូប​ទាំង​ហ្វូង​ធំៗ​បាន​បន្ត​រាតត្បាត​នៅ​ទូ​ទាង​អាហ្វ្រិក​ខាងកើត​។​

​ក្រសួង​កសិកម្ម​របស់​ប្រទេស​នេះ​បាន​និយាយ​ថា​ហ្វូង​កណ្តូប​ដែល​ស៊ី​បំផ្លាញ​បន្លែ​ជាច្រើន បាន​បង្ក​ការគំរាមកំហែង​ខ្លាំង​ដល់​ស្ថានភាព​និង​សន្តិសុខ​ស្បៀងអាហារ​​របស់​ប្រទេស​សូ​ម៉ាលី​។​

​មាន​ការភ័យខ្លាច​ថា​ស្ថានភាព​នេះ​អាច​នឹង​មិន​ត្រូវបាន​គ្រប់គ្រង​បាន​នៅ​មុន​ពេល​ការប្រមូល​ផលដំណាំ ចាប់ផ្តើម​នៅ​ខែ​មេសា​។​

​អង្គការសហប្រជាជាតិ​និយាយ​ថា​ហ្វូង​កណ្តូប​ទាំងនោះ​គឺ​មាន​ចំនួន​ច្រើនជាងគេ​បំផុត​នៅ​ប្រទេស​សូ​ម៉ាលី​និង​អេត្យូ​ពី​ក្នុងរយៈពេល ២៥ ឆ្នាំ​ចុងក្រោយ​នេះ​។​

​ក្នុងពេល​ជាមួយ​នេះ​ដែរ ប្រទេសកេន​យ៉ា​ដែល​នៅ​ជិតខាង​គ្នា​នេះ ក្នុង​រយៈពេល​៧០​ឆ្នាំ​មកនេះ​មិន​ដែល​បាន​ឃើញ​ការគំរាមកំហែង​ធ្ងន់ធ្ងរ​ពី​ពួក​សត្វ​កណ្តូ​ប​​ដូច​បច្ចុប្បន្ន​នេះ​ទេ​។ នេះ​បើ​យោង​តាម​អង្គការ​ស្បៀងអាហារ​និង​កសិកម្ម​របស់​អង្គការសហប្រជាជាតិ (FAO)​។​

​ទោះ​យ៉ាងនេះក្តី ប្រទេស​សូ​ម៉ាលី ជា​ប្រទេស​ដំបូង​គេ​នៅក្នុង​តំបន់​ដែល​ប្រកាស​ភាពអាសន្ន​អំពី​ការ​រាតត្បាត​នៃ​ហ្វូង​កណ្តូប​នេះ​។​យន្តហោះ​ដ្រូ​ន​ត្រូវបាន​សាក​​ល្បង​ដើម្បី​ប្រយុទ្ធប្រឆាំង​នឹង​សត្វ​កណ្តូប​វាល​ខ្សាច់​។​

​ដោយសារ​ស្ថានភាព​អសន្តិសុខ​នៅ​សូ​ម៉ាលី គេ​មិន​អាច​ប្រើប្រាស់​យន្តហោះ​ដើម្បី​ដើម្បី​បាញ់​ថ្នាំ​សម្លាប់​សត្វល្អិត​ពីលើ​អាកាស​បានទេ​។​

​កាលពី​ខែ​មករា​អង្គការ FAO​បាន​អំពាវនាវ​ឱ្យមាន​ជំនួយ​អន្តរជាតិ​នៅក្នុង​ការប្រយុទ្ធប្រឆាំង​នឹង​សត្វ​កណ្តូប​ទាំងនេះ​នៅ​តំបន់​ស្នែង​នៃ​ទ្វីបអាហ្វ្រិក​ដោយ​ព្រ​​មាន​ថា​ចំនួន​សត្វ​កណ្តូប​នៅ​ទូទាំង​តំបន់​នេះ​អាច​កើនឡើង​៥០០ ដង​នៃ​ចំនួន​សត្វ​កណ្តូប​ទាំងនោះ នៅត្រឹម​ខែមិថុនា​៕​ប្រែ​សម្រួល​៖​សុខា​/sn

កណ្តូប​នៅ​អាហ្វ្រិក​ឥឡូវ​ចូល​ពាន់​លាន​ក្បាល​។​កណ្តូប​អាច​ធ្វើ​ដំណើរ​១៥០​គីឡូ​ក្នុង​មួយថ្ងៃ និង​មួយ​ក្បាល​អាច​ស៊ី​បំផ្លាញ​ដំណាំ​ស្មើ​នឹង​ទម្ងន់​ខ្លួន​របស់​វា​ក្នុង​១​ថ្ងៃ​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាលខេត្ត ជូនដំណឹង​ពី​...

ដោយៈ បាយ័ន / សៀមរាបៈ នៅ​ថ...

សម្តេច​តេ​ជោ ហ៊ុន សែន​៖​រ...

ដោយៈ​តារា​រិ​ទ្ធ​/​ភ្នំពេ...

«​យុទ្ធនាការ​ភ្នំពេញ​ស្អា...

ដោយៈ​សុផល​/​ភ្នំពេញ​៖​យុទ...

ត្រាំ​ថាបៃ​ដិន​អាច​ចូលសេត...

​ប្រែ​សម្រួល : កញ្ញា​ដា​ល...