Home ព័ត៌មានជាតិ នយោបាយ សម្តេច​តេ​ជោ​...

សម្តេច​តេ​ជោ​ហ៊ុនសែន​នឹង​ទៅសួរសុខទុក្ខ​និស្សិត​ខ្មែរ​នៅ​ទីក្រុង​វូ​ហាន​ប្រទេស​ចិន​ប្រសិន​មានការ​អនុ ញ្ញាត​ពី​រដ្ឋាភិបាល​ចិន​

​ដោយ​៖​តារា​រិ​ទ្ធ​(​ភ្នំពេញ​)៖​សម្តេច​អគ្គមហាសេនាបតី​តេ​ជោ ​ហ៊ុន សែន នាយករដ្ឋមន្ត្រី​កម្ពុ ជា​ក្នុងជំនួប​ជាមួយ​សហគមន៍​ខ្មែរ​នៅ​កូរ៉េខាងត្បូង​នា​ល្ងាច​ថ្ងៃទី​៣​ខែកុម្ភៈនេះ​បាន​អះ អាងថា​សម្តេច​អាច​នឹង​ទៅ​ទីក្រុង​វូ​ហាន​ប្រទេស​ចិន​ដើម្បី​សួរសុខទុក្ខ​និស្សិត​ខ្មែរ​ដែល​កំពុ ង​សិក្សា​នៅ​ទីនោះ​បើទោះបីជា​ទីក្រុង​វូ​ហាន​ដែលជា​ទីកន្លែង​ផ្ទុះជំងឺ​រលាក​សួត​ថ្មី​បង្កដោយ​មេរោគ​កូ​រ៉ូ​ណា ​។​ សម្តេច​បាន​បន្តថា​ប្រសិនជា​រដ្ឋាភិបាល​ចិន​អនុញ្ញាត​សម្តេច​អាច​នឹង​ហោះ​ទៅ​ភ្លាម​បន្ទាប់ពី​ចប់​ការងារ​នៅ​ទីក្រុង​សេ​អ៊ូ​លព្រោះ​យន្តហោះ​ដែល​សម្តេច​ជិះ​នេះ​វា​ក៏​ហោះ​កាត់​ប្រទេស​ចិន​ផងដែរ ។

​សម្តេច​តេ​ជោ​នាយករដ្ឋមន្ត្រី​បាន​សង្កត់ធ្ងន់ថា​៖« ហ៊ុន សែន ហ៊ាន​ចូល​ប្រយុទ្ធ​ក្នុង​ភ្លើងសង្គ្រាម ហ៊ាន​យក​ក្បាល​ធ្វើ​ដើមទុន​ដើម្បី​សង្គ្រោះ​ជាតិ​ហ៊ាន​យក​ជីវិត​ធ្វើ​ដើម ទុន​ដើម្បី​បញ្ចប់សង្គ្រាម រឿង​អី ហ៊ុន សែន មិន​ហ៊ាន​ទៅ​ក្រុង​វូ​ហាន ដើម្បី​សួរសុខទុក្ខ​និស្សិត​ខ្មែរ​ដែល​កំពុង​រៀន​ក្នុង​ទីក្រុង​វូ​ហាន​» ។ សម្តេច​តេ​ជោ​នាយករដ្ឋមន្ត្រី បាន​បន្តថា​៖«​កុំ​ចង់​សាក​ជាមួយ ហ៊ុន សែន ឲ្យ​សោះ​បើ​ស្គាល់ ហ៊ុន សែន មិន​ច្បាស់​កុំ​និយាយ ហ៊ុន សែន ធ្វើ​មែន​ឲ្យ​តែ​រដ្ឋាភិបាល​ចិន OK ។ ធ្វើ​ឲ្យ​ពួក​ហ្នឹង (​អ្នក រិះគន់​) ដឹង​ហ៊ុនសែន​ម្តង​»​។

​សម្តេច​តេ​ជោ ហ៊ុន សែន បាន​ថ្លែង​បែបនេះ​បន្ទាប់ពី​មានការ​លើកឡើង​របស់​ក្រុមមនុ ស្ស​មួយចំនួន​ដែល​លើកឡើង​ថាបើ ហ៊ុន សែន យកចិត្តទុកដាក់​ចំពោះ​ប្រជាពលរដ្ឋ​បែបនេះ គួរតែ​ហ៊ុន សែន ទៅសួរសុខទុក្ខ​បងប្អូន​ខ្មែរ​នៅ​ទីក្រុង​វូ​ហាន​ប្រទេស​ចិន ។​

​សម្តេច​តេ​ជោ ហ៊ុន សែន បន្តថា​ប្រទេស​មួយចំនួន​បាន​ផ្អាក​ជើងហោះហើរ​និង​បិទ​ជើង ហោះហើរ​ពី​ប្រទេស​ចិន​តែ​សម្រាប់​កម្ពុជា​គឺ​មិនមាន​ការបិទ​នោះទេ​។ សម្តេចតេ​ជោ​បាន​លើក​ជា​សំណួរ​ថា​ប្រសិន​បើក​កម្ពុជា​កំពុងតែ​ភ័យខ្លាច​លើ​រឿង​ហ្នឹង​ដែរនោះហើយ​វិធានការ​ការពារ​នៅ​ទីក្រុង​វូ​ហាន​នេះ​វា​មិនមាន​សុវត្ថិភាព​ជាង​ទេ​ឬ​?​។ ដូចនេះ​យើង​មើលឃើ ញថា​មិនមាន​ការចាំបាច់​ដើម្បី​ជម្លៀស​ពលរដ្ឋ​ខ្មែរ​ចេញពី​ប្រទេស​ចិន​ទេហើយ​ទេសចរណ៍​ពី​ប្រទេស​ចិន​នៅតែ​ទៅកាន់​ប្រទេស​ដទៃ​។សម្តេចបន្តថា​មកដល់ពេលនេះ​មិនទាន់មាន​ជនជាតិខ្មែរ​ណា​ម្នាក់​ត្រូវស្លាប់​ដោយ​វិ​រុស​កូ​រ៉ូ​ណា​នោះទេនៅ​កម្ពុ​ជាមាន​មួយ​ករណី​គឺ​ជនជា តិចិន​តែ​យើង​បាន​ព្យាបាល​ជា​ហើយ តែ​គ្រាន់​មិនទាន់​ឥ្យ​ចេញពី​មន្ទីរពេទ្យ​គឺ​ត្រូវ​រក្សាទុក ១៤ ថ្ងៃ​ដើម្បី​ឲ្យ​ជាសះស្បើយ​មែនទែន​ទើប​អនុញ្ញាត​ឲ្យ​វិលរ​ត្រឡប់​ទៅ​ប្រទេស​វិញ ។ សម្តេច​បន្ត​បន្តថា​រាជ​រដ្ឋាភិ​បាល​មានការ​យកចិត្តទុកដាក់​ខ្លាំងណាស់​ចំពោះ​សុខទុក្ខរបស់ប្រជាពលរដ្ឋ។​

​សម្តេច​តេ​ជោ​បានលើកឡើង​ទៀតថា​នៅ​វូ​ហាន​គេ​បង្កើត​ការរៀន​តាម​អន​ឡាញ​និស្សិត​ខ្មែរ​និង​និស្សិត​ចិន​គឺ​គេ​រៀន​នៅទីនេះ​។និស្សិត​យើង​ត្រូវបាន​យកចិត្តទុកដាក់ការពារ​ខ្ពស់​ហើយ​គេ​បង្រៀន​និស្សិត​យើង​តាម​អន​ឡាញ​អញ្ចឹង​បើ​យើង​ជន្លៀស​និស្សិត​យើង​ចេញពី​វូ​ហាន​សួរថា​តើ​គាត់​អាច​រៀន​ទាន់​គេ​ទេ​នេះ​ជា​សំណួរ​ទី​១​។​ប៉ុន្តែធ្ងន់​ជាង​នេះ​បើ​និស្សិត​យើង​ចេញពី​ប្រទេស​ចិន​តើ​ចិន​អនុញាត​ឲ្យ​យើង​ត្រឡប់​ទៅ​រៀន​វិញ​ទេ​នេះ​ជា​ចំនុច​ដែល​យើង​ត្រូវ​ពិចារណា​ជា​កញ្ចប់​បញ្ហា​អ្នក​ដែល​មិន​យល់​មិនចាំបាច់​ប្រឹង​យល់​ទេវា​លំបាក​ណាស់​នៅក្នុង​ការពន្យល់​ជាមួយនឹង​មនុស្ស​ដែល​មិន​ព្រម​យល់​នោះ​គ្មាន​នរណា​ងងឹត​ជាង​មនុស្ស​ដែលមាន​ភ្នែក​ភ្លឺ​ហើយ​ធ្វើ​ខ្វាក់​នោះទេ​,​ហើយក៏​គ្មាន​អ្នកណា​ខ្លាំង​ជាង​មនុស្ស​ដែលមាន​ត្រចៀក​ល្អ​ហើយ​ធ្វើជា​មិនឮ​ដែរ​ខ្ញុំ​មិនចាំបាច់​និយាយ​ចំពោះ​អ្នកណា​ទេ​ព្រោះ​ខ្ញុំ​មិនចាំ បាច់​ប្រឡាក់​មាត់​ជាមួយ​អ្នកណា​ទាំង​អស់ហើយ​មិនបាច់ចាំ​ឌឺ​ទេ​។​

​សម្តេច​តេ​ជោ ហ៊ុន សែន បានធ្វើការ​បញ្ជាក់ថា​៖«​ខ្ញូំ​នឹង​ទៅ​ទីក្រុង​វូ​ហាន​ឱ្យតែ​រដ្ឋាភិបាល​ចិន​ផ្ដល់ឱកាស​ឲ្យ គឺអាច​កំណត់​ពី​ហ្នឹង​ទៅវិញ​មិនទាន់​ទៅ​ប្រទេស​ក៏បានដែរ​យើង​ចង់ទៅ​វូ​ហាន​តែម្ដង​ដូចនេះ​អាចទាក់ទង​មើល​។​ព្រោះតែ​ពេល​ត្រឡប់​ទៅវិញ​យន្តហោះ​ហោះ​កាត់​ប្រទេស​ចិន​ដដែល​យើង​អាច​ចុះសួរសុខទុក្ខ​តែម្តង​។​ហើយ​អ្នកណា​មិន​ហ៊ាន​មិនបាច់​ទៅ ជា​មួយ​ខ្ញុំ​ទេ​ប៉ុន្តែ​ខ្ញុំ​មិន​ជឿថា​អស់លោក​ដែល​ល​ធ្វើដំណើរ​ជាមួយ​ខ្ញុំ​ខ្លាច​មិន​ហ៊ាន​ទៅកាន់​ទីក្រុង​វូ​ហាន​នោះទេ​» ៕BR

ទីតាំងផ្សាយពាណិជ្ជកម្ម

- Advertisment -

Most Popular

លោក​អេ​ឡុន ម៉ាស ឥឡូវ​ជា​ម...

​ប្រែ​សម្រួល : កញ្ញា​ដា​ល...

ព្រឹក​នេះ​សម្តេច​តេ​ជោ ហ៊...

​ដោយៈ​តារា​រិ​ទ្ធ​/​ភ្នំព...

ជប៉ុន​និង​ចិន​ចាប់ផ្តើម​ក...

​ប្រែ​សម្រួលៈ​វាសនា​/​តូ​...

ឡាន​ដឹក​ថ្ម​បុក​ម៉ូតូ​មួយ...

ដោយៈ​ស​រិ​ទ្ធ​/​ភ្នំពេញ​:...