ដោយ៖ប.ជ័យ/បន្ទយមានជ័យ៖នៅស្រុកភ្នំស្រុកចាប់ផ្តើមកសាងស្តូបតម្កល់អដ្ឋិធាតុប្រជាជនកម្ពុជាស្លាប់នៅសម័យប៉ុលពត។នេះអាចជាស្រុកទី៥ដែលបានកសាងឬមានស្តូបសម្រាប់តម្កល់អដ្ឋិធាតុជនរងគ្រោះដែលបានត្រូវសម្លាប់និងត្រូវស្លាប់នៅក្នុងរបបកម្ពុជាប្រជាធិបតេយ្យឬសម័យប៉ុលពត។
គឺបន្ទាប់ពីស្រុកព្រះនេត្រព្រះអូរជ្រៅស្វាយចេកនិងក្រុងសិរីសោភ័ណ។តែស្តូបនៅស្រុកមុនៗគ៏បានដាក់អដ្ឋិធាតុចម្រុះគ្នាតាំងពីអដ្ឋិធាតុបុរេបុព្វបុរសនិងបុព្វបុរសពីគ្រឹស្ទសករាជមក(គស)ដែលកសាងតាមវត្ត។រួមទាំងស្តូបមិត្តភាពកម្ពុជាវៀតណាមដែលសង់កណ្តាលវាលចន្លោះផ្លូវជាតិលេខ៥និងផ្លូវដែកនៅក្បែរស្ពានទឹកថ្លាសង្កាត់ទឹកថ្លាក្រុងសិរីសោភ័ណ (ដែលជានិមិត្តរូប តែគ្មានអដ្ឋិធាតុតម្កល់ទេ) ។
មន្ត្រីបានឱ្យដឹងថ្ងៃទី៣ខែកុម្ភធា៖ក្នុងនាមរដ្ឋបាលស្រុកភ្នំស្រុកខេត្តបន្ទាយមានជ័យសូមគោរពអញ្ជើញលោកលោកស្រីអញ្ជើញចូលរួមកក្នុងកម្មវិធីកសាងស្ទូបដាក់តម្កល់អដ្ឋិធាតុជូនជនរងគ្រោះដែលបានស្លាប់នាសម័យប៉ុលពតតាមភូមិឃុំទូទាំងស្រុកភ្នំស្រុក។ដើម្បីធ្វើបុណ្យឧទ្ទិសកុសលជូនគឺសម្រាប់បងប្អូនដែលស្លាប់ទៅហើយគ្មានញ្ញាតិសន្តានមិត្តភក្តិណាបានដឹងឬស្គាល់និងក៏មិនធ្លាប់បានធ្វើបុណ្យជូន ។គឺនឹងប្រារព្ធធ្វើក្នុងបរិវេណវត្ដសុវណ្ណក្ខាសត្ថារាម(វត្ដកណ្ដាល) ក្នុងឃុំស្រះជីក ស្រុកភ្នំស្រុក ខេត្ដបន្ទាយមានជ័យ ៕S/
រូបថត ៖ នៅស្រុកភ្នំស្រុកចាប់ផ្តើមកសាងស្តូបតម្កល់អដ្ឋិធាតុប្រជាជនកម្ពុជាស្លាប់នៅសម័យប៉ុលពត (រូប៖ ប,ជ័យ )
