ដោយ៖ភ្នំស្វាយ/បន្ទាយមានជ័យ៖អាជ្ញាធរនិងមាតាបិតាសិស្សចូលរួមជាមួយមន្ត្រីអប់រំលើកទឹកចិត្តសិស្សអំណានកាលពីរសៀលថ្ងៃទី៣ ខែកុម្ភៈ ឆ្នាំ២០២០ បានចូលរួមក្នុងពិធីអបអរសាទរ ការឧបត្ថម្ភ គាំទ្រនិងផ្តល់ការលើកទឹកចិត្តដល់សិស្សប្រឡងអំណានថ្នាក់ទី៤ដល់ទី៦នៃសាលាបឋមសិក្សានៅក្រុងប៉ោយប៉ែត ។
លោកចែម សំបូរប្រធានការិយាល័យអប់រំយុវជននិងកីឡាក្រុងប៉ោយប៉ែតឱ្យដឹងថ្ងៃទី៣ខែកុម្ភៈថា ៖ការប្រឡងអំណានធ្វើឡើងនៅការិយាល័យអប់រំយុវជននិងកីឡាក្រុងសម្រាប់សិស្សបឋមសិក្សាថ្នាក់ទី៤ដល់ថ្នាក់ទី៦ មកពីសាលានានាទូទាំងក្រុងប៉ោយប៉ែតចំនួនជាង៤០នាក់ ។
លោកភតហ៊ុលអភិបាលក្រុងប៉ោយប៉ែតថ្លែងអំណរគុណដល់គណៈគ្រប់គ្រងសាលាលោកគ្រូអ្នកគ្រូនិងមន្ត្រីអប់រំដែលបានខិតខំប្រឹងប្រែងអប់រំបង្ហាត់បង្រៀនក្មួយ។លោកព្រមទាំងបានចូលរួមអបអរសាទរលើកទឹកចិត្តដល់ក្មួយៗដែលបានខិតខំរៀនសូត្រទទួលបានលទ្ធផលល្អធ្វើខ្លួនជាកូនល្អសិស្សល្អជាទំពាំងស្នងឬស្សី ។
នាឨកាសនោះលោកក្នុងនាមរដ្ឋបាលក្រុងក៏បានឧបត្ថម្ភដល់សិស្សដែលទទួលបានជ័យលាភីចំណាត់ថ្នាក់លេខ១ដល់លេខ៣ និងលួងចិត្តសិស្សជាបេក្ខជនដែលបានមកចូលរួមប្រឡង ក្នុងនោះ៖ចំណាត់ថ្នាក់លេខ១ ចំនួន៣នាក់ ក្នុងម្នាក់ៗទទទួលបានកង់១ គ្រឿង និងថវិកា១៥ ម៉ឺនរៀល ។
ចំណាត់ថ្នាក់លេខ២ ចំនួន៣នាក់ ក្នុងម្នាក់ៗទទួលបាន សៀវភៅសរសេរ ១០ក្បាល ប៊ិច០៥ដើម ថវិកា១២ម៉ឺនរៀល ។ចំណាត់ថ្នាក់លេខ៣ ចំនួន០៣នាក់ ក្នុងម្នាក់ៗ ទទួលបានសៀវភៅសរសេរ១០ ក្បាល ប៊ិច៥ ដើម និងថវិកា ១០ម៉ឺនរៀល ។សិស្សមិនទទួលបានជ័យលាភីចំនួន៣៣នាក់ ក្នុងម្នាក់ៗ សៀវភៅសរសេរ ថវិកា១៥.០០០ រៀល ៕S/
រូបថត៖អាជ្ញាធរមន្ត្រីអប់រំនិងមាតាបិតាសិស្សចូលរួមជាមួយមន្ត្រីអប់រំលើកទឹកចិត្តសិស្សអំណានបឋមសិក្សានៅក្រុងប៉ោយប៉ែត (រូប៖ ភ្នំស្វាយ)
