Home ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រី​បញ្ជា​ឱ្យ​ដាក់​អ្នក​ដែល​ចូល​វៀតណាម​ពី​ចិន នៅ​ដោយឡែក​រយៈពេល​១៤​ថ្ងៃ​

​នាយករដ្ឋមន្ត្រី​វៀតណាម លោក​ង្វៀន សួន​ហ្វ៊ុក បាន​និយាយ​កាលពី​ថ្ងៃ​ចន្ទ​ទី​០៣​កុម្ភៈ​ថា​ជនជាតិ​វៀតណាម​និង​ជនបរទេស​ដែល​ចូល​ប្រទេស​វៀតណាម​ពីប្រ​​ទេស​ចិន នឹង​ត្រូវ​បាន​ដាក់​នៅ​ដោយឡែក​រយៈពេល ១៤ ថ្ងៃ​។ នេះ​បើ​យោង​តាម​វេបសាយ​VnExpress ។​

​ការបញ្ជា​នេះ​នឹង​អនុវត្ត​ចំពោះ​មនុស្ស​គ្រប់​គ្នា​ដែល​បាន​ឆ្លងកាត់​ខេត្ត​ចំនួន​៣១ នៅ​ប្រទេស​ចិន ដែល​បាន​រាយការណ៍​អំពី​ការឆ្លង​វីរុស​ផ្លូវដង្ហើម​nCoV ។​

​នាយករដ្ឋមន្ត្រី​បាន​និយាយថា​អ្នក​ដែល​បាន​ទៅ​ឬ​ឆ្លងកាត់​ខេត្ត​ហ៊ូ​ប៉ី​(Hubei)​ដែល​ជា​ចំណុច​នៃ​ការ​ផ្ទុះ​ឡើង​នៃ​វីរុស​នេះ ត្រូវតែ​ត្រូវបាន​ចាត់ទុក​ជា​ករណី​ឆ្លង​​និង​ត្រូវបាន​ដាក់​ឱ្យ​នៅ​ដាច់​ឆ្ងាយ​ពី​គេ​នៅ​ពេល​ពួកគេ​មក​ដល់​និង​ចាត់​វិធានការ​ដើម្បី​ការពារ​ការឆ្លង​រាលដាល​នៅក្នុង​តំបន់​ដាច់​ពី​គេ​នោះ​។​

​រដ្ឋាភិបាល​វៀតណាម​កា​លពី​ថ្ងៃ​សៅរ៍​បានប្រកាស​វីរុស​nCoV ថា​ជា​ជំងឺឆ្លង​។ គិត​ត្រឹម​ថ្ងៃ​ចន្ទ​ទី​០៣​ខែ​កុម្ភៈ​ប្រទេស​នេះ​បាន​កត់ត្រា​ករណី​សង្ស័យ​ចំនួន ២៣៦ ​ករណី​ដែល​មាន​រោគសញ្ញា​ដូចជា​ក្តៅខ្លួន​ខ្លាំង​និង​ក្អក​ដោយ​នៅក្នុង​ចំនួន​នោះ​មាន​អ្នកខ្លះ​បាន​ទៅលេង​តំបន់​ដែល​ឆ្លង​វីរុស​នៅ​ប្រទេស​ចិន​។​នៅក្នុង​ចំនួន​នោះ​ មនុស្ស​១៦៣ បាន​ធ្វើតេស្តិ៍​អវិជ្ជមាន​ចំពោះ​វីរុស​នេះ​ហើយ ៧៣​នាក់ ស្ថិតនៅ​ដោយឡែក​ពី​គេ ដោយ​រង់ចាំ​លទ្ធផល​តេស្តិ៍​។​

​មនុស្ស ៨​នាក់​នៅ​ប្រទេស​នេះ ត្រូវ​បាន​បញ្ជាក់ថា​បាន​ឆ្លង​វីរុស​នេះ ដោយ​នៅ​ក្នុង​ចំនួន​នេះ មាន​ម្នាក់​បាន​ជាសះស្បើយ​និង​ត្រូវបាន​អនុញ្ញាត​ឱ្យ​ចេញពី​មន្ទីរពេទ្យ​​កាលពី​ថ្ងៃ​ចន្ទ​៕​ប្រែ​សម្រួល​៖​សុខា​/sn

មន្ត្រី​ឈរ​នៅ​ពីមុខ​កន្លែង​ព្យាបាល​ដោយឡែក​មួយ​នៅ​មន្ទីរពេទ្យ​ក្នុង​ខេត្ត​ខាញ់​ហ័រ​ប្រទេស​វៀតណាម កាលពី​ថ្ងៃទី​២​ខែ​កុម្ភៈ​ឆ្នាំ​២០២០

ទីតាំងផ្សាយពាណិជ្ជកម្ម

- Advertisment -

Most Popular

បញ្ជូន​ជនសង្ស័យ​បីនាក់ មក...

ដោយៈ ស​រិ​ទ្ធ / ភ្នំពេញៈ ...

ដំរី​ខា​វ៉ាន់​ដែលជា​ដំរី​...

ដោយៈ មុនី​រ័ត្ន​-​ដេប៉ូ​/...

ក្រសួង​អប់រំ​ប្រកាស​ផ្អាក...

​ដោយ​: គូលែន / សៀមរាប​: ក...

សាលា​រាជធានី​ភ្នំពេញ ចេញ​...

ដោយ​៖​រ៉ា​ម៉ន​/​ភ្នំពេញ​៖...