កំពូលអ្នកមានសាអូឌី អារ៉ាប៊ីគឺព្រះអង្គម្ចាស់ ម៉ូហាម៉េដ ប៊ីន សាលម៉ាន (Mohammed bin Salam) នៅតែចិញ្ចឹមចិត្តចង់បានក្លិបម៉េនឆេស្ទ័រ យូណាយ ធីត។
ទោះបីជាយ៉ាងណា មានសេចក្តីរាយការណ៍ដែលភ្ជាប់ព្រះអង្គម្ចាស់ទៅនឹងលទ្ធភាពទិញក្លិប Newcastle របស់លោក ម៉ាយ អាស្លី (Mike Ashley) មុនពេលចប់រដូវកាលនេះ។
ព្រអង្គម្ចាស់ ប៊ីន សាលម៉ាន បានព្យាយាមទិញក្លឹបយូណាយធីតកាលពី១៨ខែមុន ប៉ុន្តែត្រូវ បានម្ចាស់ក្លិបត្រកូល Glazer បដិសេធ។ នៅពេលនេះ ព្រះអង្គម្ចាស់ដែលជាកំពូលអ្នកមាន រូបនេះនៅតែចង់សម្រេចកិច្ចព្រមព្រៀងទិញយូណាយធីតដដែល។
កន្លងមក ព្រះអង្គម្ចាស់ ប៊ីន សាលម៉ាន ដាក់សំណើទិញយូណាយធីតក្នុងតម្លៃ៣,៥ពាន់លាន ផោន ដែលធ្វើឲ្យម្ចាស់ក្លឹបបច្ចុប្បន្នចំណេញច្រើន។
ត្រកូល Glazers បានទិញក្លឹបយូណាយធីត៧៩០លានផោនកាលពីខែឧសភាឆ្នាំ២០០៥ ហើយការគ្រប់គ្រងរបស់ត្រកូលនេះជួបរឿងចម្រូងចម្រាសតាំងពីពេលនោះមកដែរ។
ការបន្តបដិសេធពីម្ចាស់ក្លឹបជនជាតិអាមេរិកក្នុងការលក់ក្លឹបយូណាយធីតបានបណ្តាលឲ្យមានការភ្ជាប់លោកទៅនឹងការទិញក្លិប Newcastle ៕ ប្រែសម្រួល: ពិសិដ្ឋ
