ស្នងការរងក្រុងភ្នំពេញជំរុញ​ឲ្យនគរបាលខណ្ឌប្ញស្សីកែវ យកចិត្តដាក់លើការប្រឆាំងគ្រឿងញៀន

ដោយៈ ឫទ្ធិស័ក្តិ-សាវរក្ស៖ភ្នំពេញ៖ លោកឧត្តមសេនីយ៍ទោ ហួត ចាន់យ៉ារ៉ាន់ ស្នងការរងទទួលផែនការងារប្រឆាំងគ្រឿងញៀន បានជម្រុញឱ្យកម្លាំង​ជំនាញអធិការដ្ឋាននគរបាលខណ្ឌប្ញស្សីកែវ និងកម្លាំងនគរបាលតាមប៉ុស្ថិ៍រួមនិង​កម្លាំងការិយាល័យជំនាញត្រូវយកចិត្តដាក់បំផុតទៅលើការងារប្រឆាំងគ្រឿងញៀន។ ពីព្រោះគ្រឿងញៀនជាបញ្ហាដែលប្រជាពលរដ្ឋមានការព្រួយបារម្ភនិង​បានបង្កប៉ះពាល់អសន្តិសុខ ក៏ដូចរងផលប៉ះពាល់អនាគតយុវជនជំនាន់ក្រោយ។

លោកបញ្ជាក់ថា កិច្ចការងារប្រឆាំងគ្រឿងញៀនទទួលបានលទ្ធផលកម្លាំង​ពាក់ព័ន្ធត្រូវស្រាវជ្រាវស៊ើបអង្កេតដើម្បីកំណត់មុខសញ្ញាជនសង្ស័យគ្រឿងឱ្យបានច្បាស់លាស់មុននិងឈានចេញប្រតិបត្តិការ។

ការថ្លែងរបស់លោកឧត្តមសេនីយ៍ទោ ហួត ចាន់យ៉ារ៉ាន់ បានធ្វើឡើងក្នុងកិច្ចប្រជុំ​ស្តីពីការ​ដឹកនាំការងារពង្រឹងអនុវត្តផែនការប្រឆាំងគ្រឿងញៀននៅមូលដ្ឋាន​ក្នុងខណ្ឌប្ញស្សីកែវ ដើម្បីដោះស្រាយបញ្ហាគ្រឿងញៀនឱ្យមានប្រសិទ្ធភាព កាលពីរសៀលថ្ងៃទី០៣ ខែកុម្ភៈ ឆ្នាំ២០២០ នៅអធិការដ្ឋាននគរបាលខណ្​ឌប្ញស្សីកែវ រាជធានីភ្នំពេញ។ កិច្ចប្រជុំនេះ ចូលរួមពីលោកនាយការិយាល័យ​ប្រឆាំងគ្រឿងញៀន លោកអធិការ អធិការងទទួលការងារប្រឆាំងគ្រឿងញៀន និងលោកនាយ នាយរងនគរបាលប៉ុស្ថិ៍រដ្ឋបាលសង្កាត់ទាំង៧ នៃខណ្ឌប្ញស្សីកែវ។

លោកឧត្តមសេនីយ៍ស្នងការរងក៏បានលើកឡើងទៀតថា ពាក់ព័ន្ធបញ្ហា​គ្រឿងញៀននេះផងដែររាល់នៃកិច្ចប្រជុំនៅស្នងការដ្ឋានគរបាលរាជធានីភ្នំពេញលោកឧត្តមសេនីយ៍ឯក ស ថេត អគ្គស្នងការរងនគរបាលជាតិនិងជាស្នងការ​នគរបាលរាជធានីភ្នំពេញ តែងតែមានប្រសាសន៍អំពីការយកចិត្តទុកដាក់និង​ដាក់ចេញនូវផែនការក៏ដូចជាបទបញ្ជាឱ្យកម្លាំងនគរបាលក្រោមឱវាទត្រូវអនុវត្តការងារប្រឆាំងគ្រឿងញៀនឱ្យបានម៉ឺងម៉ាត់បំផុត។

លោកឧត្តម សេនីយ៍ទោ ហួត ចាន់យ៉ារ៉ាន់ ក៏បានលើកនិងវាយតម្លៃខ្ពស់ដែល​កន្លង​​មក​កម្លាំងនៃអធិការដ្ឋាននគរបាលខណ្ឌប្ញស្សីកែវបានធ្វើសកម្មភាព​ចេញបង្រ្កាបគ្រឿងញៀនសម្រេចបានលទ្ធផលជាបន្តបន្ទាប់នាំឱ្យមានការគាំទ្រពីប្រជាពលរដ្ឋ។កិច្ចការងារនេះត្រូវតែបន្តអនុវត្តជាប្រចាំដោយមិនដកថយ​នោះឡើយ៕

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...