វាជាថ្ងៃសោកស្តាយមួយទៀតសម្រាប់អ្នកគាំទ្រចម្រៀងខេប៉ុបក្នុងសិង្ហបុរី ខណៈក្រុមចម្រៀងប្រុស Winner បានចូលរួមក្នុងបញ្ជីសម្តែងដ៏វែងអន្លាយ ដែលត្រូវលុបចោលឬផ្អាកសិន។

ការសម្តែងរបស់ក្រុមនេះគ្រោងនឹងធ្វើឡើងនៅសាលមហោស្រព The Star Theatre។

ការប្រកាសនេះធ្វើឡើងនៅលើផេកហ្វេសប៊ុកឈ្មោះ Live Nation Singapore ដែលសំអាងលើការបារម្ភអំពីការឆ្លងវីរុសកូរ៉ូណាជាហេតុផល។ អ្នកគាំទ្រដែលទិញសំបុត្ររួច នឹងត្រូវសងវិញពេញថ្លៃ។

នេះជាក្រុមខេប៉ុបចុងក្រោយគេបំផុតដែលប្រកាសលុបចោលឬពន្យារពេល ក្រោយនាងថេយឹន ក្រុម NCT Dream និង ក្រុម GOT7 បានប្រកាសមុននេះថា ពួកគេនឹងមិនមកសម្តែងនៅសិង្ហបុរីទេ៕ ដោយ៖ កញ្ញាដាលីស

ក្រុមចម្រៀងប្រុស Winner ផ្អាកការប្រគុំតន្ត្រីរបស់ខ្លួននៅសិង្ហបុរី ដែលដំបូងគ្រោងធ្វើឡើងនៅថ្ងៃទី៨កុម្ភៈ