Home ព័ត៌មានជាតិ ក្នុង ១ ឆ្នាំ...

ក្នុង ១ ឆ្នាំ​កម្ពុជា​ខាតបង់ ៦៦០ លាន​ដុល្លារ​ដោយសារ​ប្រើប្រាស់​ផលិតផល​ថ្នាំជក់​

​ដោយៈ មេសា​/កំពង់ចាមៈ របាយការណ៍​របស់​អង្គការ​សុខភាព​ពិភពលោក (WHO ) ដែល​ត្រូវ​បានបង្ហាញ ដោយ អង្គការ​ចលនា ដើម្បី សុខភាព​កម្ពុជា ( CMH ) នៅក្នុង​វគ្គ​បណ្តុះបណ្តាល អ្នក សារព័ត៌មាន​ក្នុងស្រុក​មកពី ២២ ស្ថាប័ន អំពី​ច្បាប់​ស្តីពី​ការគ្រប់គ្រង​ផលិតផល​ថ្នាំជក់ នៅ​កម្ពុជា នៅឯ​សណ្ឋាគារ លាប​វិ​រៈ​សា នៅឯ​ក្រុង​កំពង់ចាម នា​ថ្ងៃទី ៣-៤ ខែ មករា ឆ្នាំ ២០២០ នេះ បានឱ្យ​បង្ហាញថា នៅ​កម្ពុជា មនុស្ស​ស្លាប់​ដោយសារ​ការប្រើប្រាស់​ថ្នាំជក់ ប្រមាណ​ជា ១៥.០០០ នាក់ ក្នុង ១ ឆ្នាំ ឬ ប្រមាណ​ជា ៤១ នាក់​ក្នុង ១ ថ្ងៃ ។ គិត​ជា​មធ្យម​អ្នកជំងឺ ដោយសារ​ការ ប្រើប្រាស់ ថ្នាំជក់​ម្នាក់ ត្រូវ​ចំណាយ​ថវិកា ២ ម៉ឺន​ដុល្លារ​អាមេរិក សម្រាប់​ព្យាបាល មុនពេល​គាត់​ស្លាប់ ។ ដូច្នេះ ក្នុង ១ ថ្ងៃ កម្ពុជា ចំណាយ​វិកា ៨២ ម៉ឺន​ដុល្លារ​អាមេរិក ឬ ជិត ៣០០ លាន ដុល្លារ អាមេរិក ក្នុង ១ ឆ្នាំ ទៅលើ​ការព្យាបាល​ជំងឺ​ដោយសារ​ការប្រើប្រាស់​ថ្នាំជក់ មុនពេល​អ្នកជំងឺ ទាំងនោះ​ស្លាប់ ។​


​លើសពី​ទៅ ក្នុង ១ ឆ្នាំ កម្ពុជា ចំណាយ​ថវិកា​ប្រមាណ​ជា ៣៦០ លាន​ដុល្លារ​អ​មេ​រិ​ក​ផ្សេងទៀត ទៅលើ​ការទិញ​ផលិតផល​ថ្នាំជក់ ។ ដូច្នេះ​ក្នុង ១ ឆ្នាំៗ កម្ពុជា ខាតបង់​ថវិកា​ប្រមាណ​ជា ៦៦០ លាន​ដុល្លារ​អាមេរិក ដោយសារតែ​ថ្នាំជក់ ដែល​នេះ​គឺជា​ការខាតបង់​ដ៏​ធំធេង​បំផុត​របស់​កម្ពុជា ព្រោះថា​រហូតមក​ដល់ពេលនេះ មិនទាន់មាន​គ្រោះថ្នាក់ ឬ ជំងឺ​ណាមួយ​បណ្តាលឱ្យ​កម្ពុជា ខាតបង់​ទាំង​អាយុជីវិត​មនុស្ស ទាំង​ថវិកា​ច្រើន​ដល់​ថ្នាក់​នេះ​ទេ ខណៈ​អ្នកស្លាប់​ដោយសារ​គ្រោះថ្នាក់​ចរាចរណ៍​ក្នុង ១ ថ្ងៃ គិត​ជា​មធ្យម ៣ ទៅ ៥ នាក់ និង របួស​ពី ១០ ទៅ ១៨ នាក់ ។​


​លោក​វេជ្ជបណ្ឌិត ម៉ុំ គង់ នាយក​ប្រតិបត្តិ​អង្គការ​ចលនា ដើម្បី សុខភាព​កម្ពុជា បានផ្តល់​អនុសាសន៍​ថា ដើម្បី កាត់បន្ថយ​ការខាតបង់ ឬ ផលប៉ះពាល់​ពី​ផលិតផល​ថ្នាំជក់ គឺ​ត្រូវ​កាត់បន្ថយ​ការប្រើប្រាស់​ផលិតផល​ថ្នាំជក់ ហើយ ដើម្បី កាត់បន្ថយ​ការប្រើប្រាស់​ផលិតផល​ថ្នាំជក់ គឺ​ត្រូវអនុវត្ត​ច្បាប់​ស្តីពី​ការគ្រប់គ្រង​ផលិតផល​ថ្នាំជក់​នៅ​កម្ពុជា ឱ្យបាន​ល្អ ។​


​ចំណុច​សំខាន់ៗ នៃ ការអនុវត្ត​ច្បាប់​ស្តីពី​ការគ្រប់គ្រង​ផលិតផល​ថ្នាំជក់ គឺ ទី ១. ដំឡើង​ពន្ធ​ទៅលើ​ផលិតផល​ថ្នាំជក់ , ២. បញ្ចប់​នូវ​រាល់​ការផ្សព្វផ្សាយ​ពិ​ណ្ជ​កម្ម​ថ្នាំជក់​គ្រប់​ទម្រង់ , ៣. ហាមឃាត់​ការប្រើប្រាស់​ថ្នាំជក់​នៅ​ទីតាំង​សំខាន់ៗ​មួយចំនួន ដូចជា​គ្រឹះស្ថាន​សុខាភិបាល , គ្រឹះស្ថាន​អប់រំ , គ្រឹះស្ថាន​សាសនា , កន្លែងធ្វើការ , សណ្ឋាគារ , ភោជនីយដ្ឋាន និង មធ្យោបាយ​ធ្វើដំណើរ​សាធារណៈ ជាដើម ។​
​ធនាគារពិភពលោក និង អង្គការ​សុខភាព​ពិភពលោក បានផ្តល់​អនុសាសន៍​ថា រដ្ឋាភិបាល​នានា​គួរ​ដកហូត​ពន្ធ​ពី​ផលិតផល​ថ្នាំជក់ ៧៥ ភាគរយ ព្រោះថា​នៅពេល​ពន្ធ​ឡើង​ខ្ពស់ ផលិតផល​ថ្នាំជក់ ក៏​ឡើងថ្លៃ ធ្វើ​អ្នក​ជក់​កាត់បន្ថយ​ដោយ​ខ្លួនឯង ហើយ​រដ្ឋ​ក៏​ប្រមូល​ថវិកា​ចូលជាតិ​បាន​ច្រើន​សម្រាប់​យកទៅ​ដោះស្រាយ​បញ្ហា​ដែល​បង្ករ​ឡើង​ដោយ​ការប្រើប្រាស់​ថ្នាំជក់​ដែរ ។​


​ចំពោះ​នៅ​កម្ពុជា គិត​មកដល់ពេលនេះ នៅ​ទាប​នៅឡើយ​ធៀប​ទៅនឹង​ប្រទេស​ក្នុង​តំបន់ គឺ​កម្ពុជា ទើបតែ​ដំឡើង​ពន្ធ ២៥ ភាគរយ​សម្រាប់​ផលិតផល​ថ្នាំជក់​ក្នុងស្រុក និង ៣១ ភាគរយ​សម្រាប់​ថ្នាំជក់​នាំចូល​ពី​ក្រៅប្រទេស ខណៈ​ប្រទេស​ខ្លះ​នៅក្នុង​តំបន់ បាន​បង្កើន​ពន្ធ​លើ​ផលិតផល​ថ្នាំជក់​រហូតដល់ ៧០ ភាគរយ​ឯណោះ ។​


​កម្ពុជា​មានច្បាប់​ស្តីពី​ការគ្រប់គ្រង​ផលិត​ថ្នាំជក់ តាំងពី​ឆ្នាំ​២០១៥ មកម្ល៉េះ ហើយក៏​ត្រូវបាន​អនុ​វត្តមាន​ប្រសិទ្ធភាព​ច្រើន​គួរសម​ដែរ ជាក់​ស្តែ មិនមាន​ផ្សព្វផ្សាយ​ពាណិជ្ជកម្ម បារី នៅតាម​វិ​ទ្យ ទូរទស្សន៍ កាសែត និង ទស្សនាវដ្ដី​ជាដើម​ទេ ហើយ​រាល់​បារី​ដែល​ត្រូវបាន​ដាក់លក់ ភាគច្រើនបំផុត​ក៏មាន​សារ​ព្រមាន​សុខ​ភាពជា​អក្សរ និង ជា​រូបភាព​នៅលើ​កញ្ចប់​ផងដែរ ។​
​ទោះយ៉ាងណា នៅមាន​ក្រុមហ៊ុន​ផលិតផល​ថ្នាំជក់​ខ្លាំង​នៅតែ​រឹងរូស​លួច​បំពាន​បម្រាម នៃ ច្បាប់​ស្តីពី​ការគ្រប់គ្រង​ផ​លិ​តៀល​ថ្នាំជក់ ជា​ហូរហែ​រដែរ ដូចជា​តាមរយៈ​បញ្ជូន​បុគ្គលិក​របស់ខ្លួន​ឱ្យ​ដើរ​លក់​បារី​នៅតាម​ហាង រាត្រី​ជាដើម ៕ Kh

លោក​វេជ្ជបណ្ឌិត ម៉ុំ គង់ នាយក​ប្រតិបត្តិ​អង្គការ​ចលនា ដើម្បី សុខភាព​កម្ពុជា ( រូបៈ មេសា )
​វគ្គ​បណ្តុះបណ្តាល​អ្នកសារព័ត៌មាន​អំពី​ច្បាប់​ស្តីពី​ការគ្រប់គ្រង​ផលិតផល​ថ្នាំជក់​នៅ​កម្ពុជា (​រូបៈ មេសា )

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...