ដោយៈសៅវ៉ាន់ឌី/ព្រះវិហារៈបុរសម្នាក់បានរួចផុតពីការបាត់បង់ជីវិតប៉ុន្តែបានរងរបួសនៅក្រោយពេលជួបឧបសគ្គបើកបររថយន្តក្រឡាប់ដោយខ្លួនឯង។ហេតុការណ៍នោះបានកើតឡើងនៅម៉ោង៥និង២០នាទីថ្ងៃ៣កុម្ភៈឆ្នាំ២០២០។
គ្រោះថ្នាក់នេះនៅលើកំណាត់ផ្លូវជាតិលេខ៩ពីព្រះវិហារទៅស្ទឹងត្រែងខាងលិចក្រុមហ៊ុនចំការអំពៅចិនប្រមាណ១០០ម៉ែត្រស្ថិតក្នុងភូមិពោធិ៍ទាបឃុំម្លូរព្រៃ១ស្រុកឆែបខេត្តព្រះវិហារ។មូលហេតុដែលឱ្យរថយន្តក្រឡាប់ គឺដោយសាររថយន្តបែកកង់មុខ ធ្លាក់ផ្លូវ អូសប្រមាណ ៣០ម៉ែត្រ។
ប្រភពព័ត៌មានបានឱ្យដឹងថារថយន្តដែលក្រឡាប់នោះជាប្រភេទនីសាន់ព្រុនធាពីរបាំងបានបែកកង់ធ្លាក់ផ្លូវក្រឡាប់អូសចម្ងាយប្រហែល៣០ម៉ែត្ររួចទើនិងដើមអាកាសត្យាបណ្ដាលឱ្យតៃកុងរងរបួស។ នៅក្នុងរថយន្តនោះ មានមនុស្សពីរនាក់ រីឯ អ្នកបើកបររថយន្ត ត្រូវបានប្រជាពលរដ្ឋ ស្គាល់ថាឈ្មោះ ឈុន ប៊ុនថេង អនុប្រធានមន្ទីរ អភិវឌ្ឍន៍ជនបទ ខេត្តព្រះវិហារ៕S/
