Home ព័ត៌មានអន្តរជាតិ ថៃ​បញ្ជាក់​ករ...

ថៃ​បញ្ជាក់​ករណី​ឆ្លង​កូរ៉ូណា​វីរុស​ថ្មី នៅពេល​យន្តហោះ​ដឹក​ជនជាតិ​ថៃ​ចេញពី​ក្រុង​វូ​ហាន​បាន​មកដល់​

​ប្រទេស​ថៃ​បានបញ្ជាក់​៦​ករណី​ថ្មី​នៃ​ការឆ្លង​វីរុស​ផ្លូវដង្ហើម​(​កូរ៉ូណា​វីរុស​)​កាលពី​ថ្ងៃ​អង្គារ​ទី​៤​ខែ​កុម្ភៈ ដែល​នាំ​ឱ្យ​ចំនួន​ករណី​ឆ្លង​សរុប​គឺ​មាន​ដល់ ២៥ នាក់​។​

​អគ្គនាយក​នៃ​នាយកដ្ឋាន​គ្រប់គ្រង​ជំងឺឆ្លង លោក ស៊ូ​វ៉ាន់​ណា​ឆៃ វ៉ាត​តា​ណា​យី​ង​ចារឺន​ឆៃ បាន​និយាយ​នៅ​សន្និសីទកាសែត​មួយ​កាលពី​ថ្ងៃ​អង្គារ​នៅ​ទីក្រុង​​បាងកក​ថា ករណី​៤​នៃ​ករណី​ថ្មី​ទាំងនេះ​គឺ​ជនជាតិ​ថៃ​និង ២​ករណី​ទៀត​គឺ​ជនជាតិ​ចិន​។​

​លោក​បាន​និយាយថា​ក្នុងចំណោម​ជនជាតិ​ថៃ​ទាំង​៤​នាក់​នោះ មាន​២​នាក់​ជា​អ្នកបើក​រថយន្ត​ដែល​បាន​ដឹក​ពួក​អ្នកដំណើរ​ជនជាតិ​ចិន ហើយ​២​នាក់​ទៀត​ជា​​ប្តី​ប្រពន្ធ​ដែល​បាន​ត្រឡប់​មក​កាលពី​ថ្ងៃ​ថ្មីៗ​នេះ​ពី​ដំណើរ​កម្សាន្ត​នៅ​ប្រទេស​ជប៉ុន​តែ​វា​មិន​ច្បាស់​ទេ​ថា​តើ​ប្តី​ប្រពន្ធទាំង​២​នាក់​នេះ​បាន​ឆ្លង​វីរុស​នេះ​នៅ​ប្រទេស​​ជប៉ុន​ឬ​បន្ទាប់​ពី​វិលត្រឡប់​មក​ថៃ​វិញ​។​

​មនុស្ស​១៧​នាក់​នៃ​ករណី​សរុប​២៥​នាក់​នេះ គឺ​នៅ​សម្រាក​ព្យាបាល​នៅ​មន្ទីរពេទ្យ​នៅឡើយ​។​ចំនួន​ករណី​ឆ្លង​វីរុស​ដែល​បាន​បញ្ជាក់​នៅ​ប្រទេស​ថៃ​បច្ចុប្បន្ន​គឺ​ខ្ពស់​​បំផុត​នៅ​ក្រៅប្រទេស​ចិន​។​

​សូមបញ្ជាក់​ថា ក្រុង​បាងកក​និង​ហុងកុង​ជា​កន្លែង​នៅ​ក្រៅ​ចិនដីគោក​ដែល​ប្រឈម​ការចម្លង​កូរ៉ូណា​វីរុ​ស​ខ្លាំងជាងគេ នេះ​បើ​ផ្អែក​លើ​ចំនួន​អ្នកទេសចរ​ចិន​ចេញ​​ទៅ​ទស្សនា​ទីក្រុង​នានា​ក្នុង​លោក​។​ការសិក្សា​ដោយ​សកល​វិទ្យាល័យ​Southampton​បាន​សន្និដ្ឋានថា ថៃ​និង​ជប៉ុន​ជា​ប្រទេស​ប្រឈម​ការឆ្លង​ខ្លាំងជាងគេ បន្ទាប់​​មក​មាន​អាម៉េរិក អូស្ត្រាលី​និង​អង់គ្លេស​។​

​ក្រុង​បាងកក​ទទួល​អ្នកទេសច​រ​ចិន​ច្រើន​បំផុត និង​ក៏​ជា​កន្លែង​ចម្លង​ខ្លាំង​បំផុត​ផងដែរ​

​កាលពី​ថ្ងៃ​អង្គារ មន្ត្រី​កូរ៉េខាងត្បូង​បាន​និយាយថា ស្ត្រី​កូរ៉េខាងត្បូង​ម្នាក់​ត្រូវបាន​ធ្វើតេស្ត​ឃើញ​កូរ៉ូណា​វីរុស​ថ្មី បន្ទាប់ពី​ស្ត្រី​រូបនេះ​បាន​ទៅលេង​ប្រទេស​ថៃ​។​

​ការបង្ហាញ​ករណី​ឆ្លង​ថ្មី​នេះ​កើតឡើង​ចំ​ពេល​យន្តហោះ​មួយ​ដែល​ដឹក​ជនជាតិ​ថៃ​ចេញពី​ទីក្រុង​វូ​ហាន​ប្រទេស​ចិន​បាន​ចុះចត​នៅ​អាកាសយានដ្ឋាន​ដន​មឿង​នៃ​ខេត្ត​រ៉ា​យ៉ង​។​យន្តហោះ​នៃ​ក្រុមហ៊ុន​អាកាសចរណ៍​ថៃ​AirAsia​បាន​ដឹក​ជនជាតិ​ថៃ​១៣៨​នាក់​។​ពួកគេ​នឹង​ដាក់​នៅ​ដាច់ដោយឡែក​ពី​គេ​ចំនួន​១៤​ថ្ងៃ​នៅ​មូលដ្ឋាន​​យោធា​មួយ​ក្នុង​ខេត្ត​ចុន​ប៊ូ​រី​៕ប្រែសម្រួល៖សុខា/វាសនា/Ha

យន្តហោះ​ដឹក​ជនជាតិ​ថៃ​ចេញពី​ក្រុង​វូ​ហាន​បាន​ចុះចត​នៅ​អាកាសយានដ្ឋាន​ដន​មឿង​កាលពី​យប់​ថ្ងៃ​អង្គារ​

ទីតាំងផ្សាយពាណិជ្ជកម្ម

- Advertisment -

Most Popular