Home ប្លែកៗ ស្ត្រី​ឆ្លង​វ...

ស្ត្រី​ឆ្លង​វីរុស​កូ​រ៉ូ​ណា នៅ​ប្រទេស​ចិន សម្រាល​បានកូន​ស្រី​មាន​សុខ​ភាពល្អ​

ស្ត្រី​មាន​ផ្ទៃពោះ​ម្នាក់ ដែល​ឆ្លង​វីរុស​ផ្លូវដង្ហើម​ដ៏​កាច​សាហាវ​កូ​រ៉ូ​ណា (Coronavirus) សម្រាល បានកូន​ស្រី​មាន​សុខ​ភាពល្អ​ស្ទើរ​មិនគួរ​ឱ្យ​ជឿ​នៅ​មន្ទីរពេទ្យ​មួយ​ក្នុង​ក្រុង​ហា​ពិន (Harbin) ខេត្ត​ហី​ឡុង​ជាំ​ង (Heilongjiang) ប្រទេស​ចិន កាលពី​ថ្ងៃ​ព្រហស្បតិ៍ ទី​៣០ ខែមករា នេះ​បើ​យោង តាម​គណៈកម្មការ​សុខាភិបាល​ក្រុង​ហា​ពិន (Harbin Municipal Health Commission) កាលពី​ថ្ងៃ​ច័ន្ទ ទី​៣ ខែកុម្ភៈ​។​

​យោងតាម​មន្ទីរពេទ្យ​ដែល​ជួយ​សម្រាល​ទារិកា​នេះ​ឱ្យដឹងថា ទារិកា​នេះ​មាន​សុខ​ភាពល្អ​ធម្មតា និង​ថ្លោស​គួរសម​ដោយមាន​ទម្ងន់ ៣,០៥ គីឡូ​។

​បន្ទាប់ពី​ពេទ្យ​ដាក់​ឱ្យនៅ​ដាច់ដោយឡែក​ពី​គេ និង​ពិនិត្យ​តាមដាន​យ៉ាង​យកចិត្ត ទុកដាក់ រយៈពេល​ប៉ុន្មាន​ថ្ងៃ ពេលនេះ​ទាំង​ម្ដាយ និង​កូន​មាន​ស្ថានភាព​សុខភាព​នឹងន​។

​គួររំឭកថា នៅពេល​ស្ត្រី​មាន​ផ្ទៃពោះ​៣៨ សប្តាហ៍​នេះ​ត្រូវបាន​រាយការណ៍​ទៅ​គណៈ កម្មការ សុខាភិបាល​កាលពី​ព្រហស្បតិ៍ សប្តាហ៍​មុន ក្រុម​អ្នកជំនាញ​ផ្នែក​សម្ភព រោគ​ផ្លូវដង្ហើម និង ប្រព័ន្ធ​ប្រសាទ​សាស្ត្រ​បានផ្តល់​ការពិគ្រោះ​យោបល់​ដល់​នាង​។

​ដើម្បី​ប​ងា្ករ​កុំឱ្យ​ស្ត្រី​ជា​ម្ដាយ​មាន​ស្ថានភាព​សុខភាព​កាន់តែ​ដុនដាប​ក្រុម​អ្នកជំនាញ​បានសម្រេច ចិត្ត​វះកាត់​បន្ទាន់​។ ប៉ុន្តែ​បុគ្គលិក​ពេទ្យ​ទាំងអស់​ដែល​ចូលរួម​ក្នុង​ដំណើរ​ការវះកាត់​នេះ​កំពុងស្ថិត ក្រោម​ស្ថានភាព​ដាក់​ឱ្យនៅ​ដាច់ដោយឡែក​ពី​គេ​ដើម្បី​តាមដាន ព្រោះ​ខ្លាច​ឆ្លង​វីរុស​។

​ហើយ​ជា​សំណាងល្អ ទារិកា​ខាងលើ​មិន​ឆ្លង​វីរុស​កូ​រ៉ូ​ណា នោះទេ ក្រោយពី​ឆ្លងកាត់​ការធ្វើ​តេស្ត ២ ដង​ជាប់​គ្នា​៕ ប្រែ​សម្រួលៈ ខុម

ទីតាំងផ្សាយពាណិជ្ជកម្ម

- Advertisment -

Most Popular