លោក ហ្វ្រែង ឡាំផាត (Frank Lampard) អ្នកចាត់ការរបស់ក្លឹបឆេលស៊ីកំពុងពិចារណាដាក់ ឲ្យអ្នកចាំទី កេប៉ា អារីហ្សាបាឡាហ្គា (Kepa Arrizabalaga) អង្គុយមើលរហូតដល់ចប់រដូវកាល។
កីឡាករសញ្ជាតិអេស្ប៉ាញវ័យ២៥ឆ្នាំរូបនេះត្រូវបានចូលជំនួសដោយអ្នកចាំទី វីលលី កាបាឡេរ៉ូ (Willy Caballero) វ័យ៣៨ឆ្នាំ អំឡុងពេលប្រកួតស្មើ២-២ ជាមួយក្រុមលៃសេស្ទ័រ( Leicester) ។
វាគឺជាលើកដំបូងហើយដែល កេប៉ាត្រូវដាក់ឲ្យអង្គុយមើលនៅក្របខណ្ឌព្រីមីញ៉េលីកនៅរដូវកាលនេះ បន្ទាប់ពីមានកំហុសជាបន្តបន្ទាប់។
ក្លិបឆេលស៊ីរក្សាបានឃ្លីនស៊ីត៥លើកនៅក្នុងលីកគ្រប់រដូវកាល ហើយគេជឿថា ឡាំផាត អន្ទះសារចង់បានអ្នកចាំទីថ្មីម្នាក់នៅពេលរដូវកាលទិញដូរបើកទ្វារនៅរដូវក្តៅនេះ។
កេប៉ា ប្រហែលជាលេងហ្គេមចុងក្រោយរបស់ខ្លួនសម្រាប់ឆេលស៊ី ស្របពេល ឡាំផាត កំពុង ស្វែងរកអ្នកចាំទីថ្មីម្នាក់។
បន្ទាប់ពីស្មើជាមួយក្រុម Leceister គ្រូបង្វឹកឆេលស៊ីរូបនេះបានអះអាងថា វាគឺជាពេលវេលាត្រឹមត្រូវដើម្បីដក កេប៉ា ចេញសិន។
ឡាំផាត បាននិយាយថា “នៅពេលនិយាយដល់អ្នកចាំទី គេត្រូវផ្តល់ពេលវេលាបន្ថែមទៀត ជាពិសេសអ្នកណាដែលអាចគ្រងតំណែងអ្នកចាំទីជម្រើសទី១។
កីឡាករ អែតូនីញ៉ូ រូឌីជ័រ (Antonio Rudiger) រកបានពីរគ្រាប់ម្នាក់ឯង និងជាការរកបានគ្រាប់ បាល់ដំបូងចាប់តាំងពីឆ្នាំ២០១៨មកខណៈក្រុមឆេលស៊ីកំពុងឈរនៅលេខរៀងទី៤និងមានគម្លាត ៨ពិន្ទុពីក្រុម Leicester ដែលឈរនៅលេខរៀងទី៣ ៕ ប្រែសម្រួល: ពិសិដ្ឋ
