អ្នកប្រមាញ់​ហ្វូ​ស៊ី​ល​ប្រើ​សេះ​ទាញ​ឆ្អឹង​ជើង​ដាយ​ណូ​ស័​រ​អាយុកាល​រាប់រយ​លាន​ឆ្នាំ​ចេញពី​ជ្រលង​ភ្នំ​

355
ចែករម្លែក

ក្រុម​អ្នកសិក្សា​ស្រាវជ្រាវ​អំពី​ហ្វូ​ស៊ី​ល (​សត្វ​ឬ​រុក្ខជាតិ​ដែល​វិ​វ​ឌ្ឍ​ទៅជា​ដុំថ្ម​ក្រោយ​កប់​ក្នុង​ដី ច្រើន​ឆ្នាំ​) បាន​រកឃើញ​ឆ្អឹង​ជើង​មុខ​នៃ​សត្វ​ដាយ​ណូ​ស័​រ Brachiosaurus ដែល​រក្សា​សភាព​ល្អ បំផុត​ក្នុង​ប្រវត្តិសាស្ត្រ​។​

មាន​ប្រវែង​ជាង ១,៨៣ ម៉ែត្រ ឆ្អឹង​ជើង​មុខ​ផ្នែក​ខាងលើនេះ​ជា​របស់​សត្វ​ដាយ​ណូ​ស័​រ​មួយ ក្បាល​ទម្ងន់​ប្រមាណ​បី​តោន​ដែលមាន​ជីវិត​លើ​ភពផែនដី​កាលពី​ប្រមាណ ១៥០ លាន​ឆ្នាំមុន​។​
​ ​
ឆ្អឹង​នេះ​ត្រូវបាន​គេ​ធ្វើ​កំណាយ​នៅ​តំបន់​ជ្រលង Morrison Formation ក្នុង​រដ្ឋ​យូ​ថា (Utah) សហរដ្ឋ​អាម៉េរិក​ដែលជា​កន្លែង​ប្រមាញ់​ហ្វូ​ស៊ី​ល​ដ៏​ល្បីល្បាញ​សម្រាប់​ក្រុម​អ្នកសិក្សា ស្រាវជ្រាវ​។
​ ​
ដោយសារតែ​ឆ្អឹង​នេះ​ធំ​ពេក ដើ​យ​ភូមិសាស្ត្រ​ដី​ក៏​រដិបរដុប​ដែល​រថយន្ត​មិនអាច​ចូលទៅ​ដល់ក្រុម​អ្នកស្រាវជ្រាវ​បាន​ប្រើ​សេះ​ជួយ​ទាញ​វា​ចេញពី​ទីនោះ​។​
​ ​
​តាមពិត ឆ្អឹង​ដែលមាន​ទម្ងន់ ៤៥០ គីឡូ​នេះ​ត្រូវបាន​រកឃើញ​លើកដំបូង​ក្នុង​ឆ្នាំ​២០១៩ ប៉ុន្តែ ដោយសារ​គ្មាន​លិខិតអនុញ្ញាត​ត្រឹមត្រូវ ក្រុម​នេះ​ត្រូវ​រង់ចាំ​រហូតដល់​ទទួល​បាន​លិខិត អនុញ្ញាត​កាលពី​ខែតុលា ឆ្នាំ​២០១៩ និង​ធ្វើ​កំណាយ​កាលពីពេល​ថ្មីៗ​នេះ​។

​សូមបញ្ជាក់ថា នេះ​ជា​ជើង​ផ្នែក​ខាងលើ​ទី​៣ នៃ​សត្វ​ដាយ​ណូ​ស័​រ Brachiosaurus​ដែល​ត្រូវបាន រកឃើញ​នៅក្នុង​ទឹកដី​សហរដ្ឋ​អាម៉េរិក ដោយ​ក្នុងនោះ មួយ​រកឃើញ​ក្នុង​ឆ្នាំ​១៩០០​ហើយ​មួយ ទៀត​រកឃើញ​ក្នុង​ឆ្នាំ​១៩៥៥៕ ប្រែ​សម្រួលៈ​ខុម​

ទីតាំងផ្សាយពាណិជ្ជកម្ម