បងប្អូន​២​នាក់​”​តោ​និង​សឹង្ហ​”​បាន​ជួបគ្នា​វិញ​បន្ទាប់ពី​បែក​គ្នា​ជិត​៧​ស​.​វ​នៅ​ស្រះស្រង់​បារាយណ៍​មេបុណ្យ​ប​ន្ទាយ​ឆ្មារ​

627
ចែករម្លែក

ដោយ​៖​ភ្នំ​ស្វាយ​/​បន្ទាយមានជ័យ​៖​ជា​ដំណឹង​ដ៏​រីករាយ​និង​មោទនភាព​ក្រៃលែង​នោះ​គឺ​បងប្អូន​២​នាក់ “​តោ​និង​សឹង្ហ​”​បាន​ជួបគ្នា​វិញ​បន្ទាប់ពី​បែក​គ្នា​ជិត​៧​ស​.​វ​នៅ​ស្រះស្រង់​បារាយណ៍​មេបុណ្យ​ភូមិ​បន្ទាយឆ្មារ​កើត​ឃុំ​ប​ន្នាយ​ឆ្មារ​ស្រុក​ថ្មួ​ក​ខេត្តបន្ទាយមានជ័យ​។​ដោយ​ម្នាក់​ពន្លិច​ខ្លួន​ចូលក្នុង​ព​សុ​ធ​,​ម្នាក់​សម្ងំ​ក្រោម​ភក់​និង​ខ្សាច់​…​និង​មួយចំនួន​ពួន​ក្នុងព្រៃ​ស្មៅ​បន្លា​និង​សម្ងំ​តាម​កន្លែង​ផ្សេងទៀត​។​

​ពួកគេ​គេចខ្លួន​ពី​សង្គ្រាម​ពី​លោក​ចោរ​ក្បាល​អ្នកតា​..​ពួកគេ​មួយចំនួន​រងរបួស​ពិការ​និង​ចូលនិវត្តន៍​។​ជួបជុំគ្នា​វិញ​នៅ​ភូមិ​និង​ផ្ទះ​ខ្មែរ​ដែល​កំពុង​សុខសាន្តត្រាណ​។​ការជួប​ជុំគ្នា​នោះ​កាលពី​ថ្ងៃទី​៣​ខែកុម្ភៈ​ឆ្នាំ​២០២០​ដោយសារ​ក្រុមការងារ​អភិរក្ស​និង​អភិវឌ្ឍន៍​ក្រុម​ប្រាសាទបន្ទាយឆ្មារ​បាន​សែន​ក្រុង​ពាលី​ធ្វើ​កំណាយ​នៅ​ការដ្ឋាន​ជួសជុល​ព្រះ​ស្រះស្រង់​នៅ​បារាយណ៍​មេបុណ្យ​នោះ​។​

​ក្រុមការងារ​បាន​រក​ឃើញ​រូបចម្លាក់​តោ​ដ៏​សំខាន់​ទាំងនោះ​ដែល​កប់​ក្នុង​ដី​។​រូបចម្លាក់​តោ​ដ៏​ធំ​ដែល​នៅ​ល្អឥតខ្ចោះ​មាន​សណ្ឋាន​ក្បាល​ចុះក្រោម​។​ក្រុមការងារ​បាន​ជីក​និង​ស្ទូច​ឡើងមក​តម្កល់ទុក​ហើយ​បាន​និមន្ត​ព្រះសង្ឃ​ធ្វើ​ពិធី​ប្រោស​ព្រំ​បង្កក់ប្រសិទ្ធិ​និង​អន្ទង​ដួងព្រលឹង​មកវិញ​។​ក៏​សែន​ក្រុង​ពាលី​ចងដៃ​និង​ប្រសិទ្ធិ​ពរ​ដល់​ក្រុមគ្រួសារ​តោ​/​សឹង្ហ​ដ៏​ធំ​ហើយ​នៅ​ល្អ​ស្អាត​នោះ​។​រួម​នឹង​រូបចម្លាក់​តោ​ជា​គូ​និង​តោ​មួយចំនួនទៀត​ដែល​ប្រេះស្រាំ​បែកបាក់​ខ្លះ​ប្រេ​ស្រាំ​ខ្លះ​បាត់​ក្បាល​ខ្លះ​បាក់បែក​ដាច់​ដៃជើង​។​

​ការរកឃើញ​នេះ​នាំឱ្យ​មានការ​អរគុណ​លោកស្រី​ឧកញ៉ា​ម៉ៅ​ម៉ា​ល័យ​កែ​គឹមយ៉ាន​ម្ចាស់​អ្នក​និង​លោកស្រី​ភឿង​ស​កុ​ណា​រដ្ឋមន្ត្រីក្រសួង​វប្ប​ធ៌​ម​និង​វិចិត្រសិល្បៈ​ពិសេស​រួមទាំង​ក្រុមការងារ​ទាំងអស់​ដែល​បានធ្វើ​កំណាយ​ក្នុង​ការដ្ឋាន​ជួសជុល​ស្រះស្រង់​នៅ​បារាយណ៍​មេបុណ្យ ។​

​ការរកឃើញ​បែបនេះ​អាច​បញ្ចប់​ក្តីបារម្ភ​ថា​បិ​តិក​ភ័​ណ្ឌ​ទាំងនោះ​មិនត្រូវ​បាន​ជន​ទុច្ចរិត​រត់ពន្ធ​ក្បាល​អ្នកតា​លួច​ប្លន់​កាលពី​សម័យ​លន់នល់​និង​សម័យ​សា​ធាណ​រដ្ឋ​ប្រជាមានិត​កម្ពុជា​ឡើយ​។​តាមពិត​រូបចម្លាក់​តោ​ទាំង​នោះបាន​ពួន​ក្នុង​ដី​ចាប់តាំងពី​ក្រោយ​ក្រុម​ប្រាសាទបន្ទាយឆ្មារ​បានក​សាង​ឡើង​នៅ​ចុង​ស​.​វ​ទី​១២ ដើម​ស​.​វ ទី​១៣​ក្នុង​រជ្ជកាល​ព្រះបាទ​ជ័យ​វរ្ម័នទី​៧ ។

​សូម​រំលឹកថា​កាល​បើក​ការដ្ឋាន​ជួសជុល​ផ្នែក​នានា​នៃ​ប្រាសាទបន្ទាយឆ្មារ​រួមទាំង​ទីលាន​ក្តារបែន​នៅមុខ​ប្រាសាទ ក្រុមការងារ​ក៏បាន​រកឃើញ​រូបចម្លាក់​តោ នាគ រូប​ទេវតា រូប​យក្ស​និង​រូបចម្លាក់​ជាច្រើន​ទៀត ។​មកទល់ពេលនេះ​ការជួសជុល​ប្រាសាទបន្ទាយឆ្មារ​និង​ក្រុម​ប្រាសាទ​និង​បូរាណ​ដ្ឋា​ន​របប​ដែល​ប្រើប្រាស់​មូល​និ​ធី​សប្បុរសជន​អស់​ជាង​៣​លាន​ដុល្លារ​៕S/

​រូបថត​៖​បងប្អូន​២​នាក់​”​តោ​និង​សឹង្ហ​”​បាន​ជួបគ្នា​វិញ​បន្ទាប់ពី​បែក​គ្នា​ជិត​៧​ស​.​វ​នៅ​ស្រះស្រង់់​បារាយណ៍​មេបុណ្យ ប​ន្នាយ​ឆ្មារ ( រូប​៖ ភ្នំ​ស្វាយ )​

អាជ្ញាប័ណ្ណចែកចាយផ្តាច់មុខ