ដោយៈគ្រញូង/បាត់ដំបង ៖ កម្លាំងការិយាល័យព្រហ្មទណ្ឌកម្រិតធ្ងន់ខេត្តកាលពីរសៀលថ្ងៃទី៥ ខែកុម្ភៈ ឆ្នាំ២០២០ បានបញ្ជូនជនសង្ស័យពីរនាក់និងម៉ូតូ១គ្រឿងទៅតុលាការពីបទមនុស្សឃាតដោយដេញកាប់គ្នាតាមដងផ្លូវកាលពីខែមករា កន្លងទៅបណ្តាលឲ្យស្លាប់ម្នាក់និងរបួសធ្ងន់ម្នាក់នៅចំណុចភូមិបោះពោធិឃុំអូរដំបង១ ស្រុកសង្កែ។
លោក អូន ហ្វៃ នាយការិយាល័យព្រហ្មទណ្ឌកម្រិតធ្ងន់ខេត្តបានឱ្យដឹងថាជនសង្ស័យ ទាំង ២ នាក់ មានឈ្មោះទិត រ៉ូ ហ្សែត ភេទប្រុស អាយុ២៣ឆ្នាំ និងឈ្មោះ មឿន ធារ៉ា ហៅអាពីរពាន់ ភេទប្រុស អាយុ១៨ឆ្នាំ។ទាំងពីរនាក់រស់នៅក្នុងទឹកដីស្រុកឯកភ្នំ។
លោកនាយការិយាល័យបានបន្តថា នៅចំពោះមុខសមត្ថកិច្ចជនសង្ស័យទាំងពីរនាក់មិនបានសារភាពទទូលស្គាល់ថា ពួកខ្លួនបានកាប់សម្លាប់មនុស្សទេ ប៉ុន្តែបើយោងលើការចង្អុលបង្ហាញពីសាក្សីជាច្រើនដែលសមត្ថកិច្ចជំនាញបានសាកសួរ គឺ មាន ចម្លើយ ស្ទើរ ១០០% ដែល ជាប់ ពាក់ព័ន្ធ ទៅនឹង ជនសង្ស័យ ទាំង ២ នាក់ និងភស្ដុតាងជាមួកសុវត្ថិភាពដែលជនសង្ស័យពាក់ជិះម៉ូតូពេលដេញកាប់ រួមនឹងម៉ូតូម៉ាកអុីសិកទ័រគ្មានស្លាកលេខ និង កាំបិត ដែល ប្រើ ប្រាស់កាប់ ទៅ លើ ជន រង គ្រោះ។
គួរបញ្ជាក់ថាកាលពី យប់ ថ្ងៃ ទី ២៩ខែមក រា ឆ្នាំ២០២០កន្លងទៅថ្មីៗនេះមាន ជន មិន ស្គាល់ មុខ ចំនួន ២ នាក់បាន ជិះ ម៉ូតូ ដេញ តាម កាប់ យុវជន ២ នាក់ ដែល កំពុង ជិះ ម៉ូតូឌុប គ្នា បគ្នាក្នុងចំណោមបក្ខពួកចំនួន៤ម៉ូតូនៅត្រង់ ចំណុច ភូមិ បោះ ពោ ធិ៍ឃុំអូរដំបង១ ស្រុកសង្កែ ខេត្តបាត់ដំបង បណ្ដាលឲ្យយុវជនម្នាក់រងរបួសក្បាលធ្ងន់ធ្ងរ ហើយ ក្រោយមក បាន ស្លាប់ ពេលដឹកដល់មន្ទីរពេទ្យ និងម្នាក់ទៀត រង របួស ក្បាល ដេ រចំនួន៦ថ្មេរ ។
លោកអូន ហ្វៃបានបញ្ជាក់ថាក្រោយសាកសួររួចលោកបានបញ្ជាឱ្យកម្លាំងជំនាញនៃការិយាល័យព្រហ្មទណ្ឌកំរិតធ្ងន់ នៃស្នងការនគរបាលខេត្តបាត់ដំបង កសាងសំណុំរឿងបញ្ជូនទៅកាន់តុលាការនារសៀលថ្ងៃទី៥ ខែកុម្ភៈក្រោយពីធ្វើការឃាត់ខ្លួនកាលពីដើមខែនេះទុកឱ្យតុលាការសាកសួរបន្ត៕b/
