អ្នកស្រី រ៉ូម៉ា ម៉ាន់ស័រ ភរិយារបស់អតីតនាយករដ្ឋមន្ត្រីម៉ាឡេស៊ីលោកណាជីប រ៉ាហ្សាក់បានទៅដល់តុលាការក្រុងគូឡាឡាំពួនៅថ្ងៃពុធថ្ងៃទី៥ខែកុម្ភៈដើម្បីប្រឈមនឹងការចោទប្រកាន់ពីបទពុករលួយជុំវិញការពាក់ព័ន្ធរបស់លោកស្រីនៅក្នុងគម្រោងបន្ទះពន្លឺថាមពលព្រះអាទិត្យ(បន្ទះសូឡា)។
កាលពីថ្ងៃចន្ទលោកស្រីមិនបានទៅកាន់តុលាការជាន់ខ្ពស់ ដែលគេគិតថាជាថ្ងៃដំបូងនៃការកាត់ទោសលោកស្រីពីបទពុករលួយនោះទេហើយកាលពីថ្ងៃអង្គារលោកស្រីត្រូវបានបញ្ជូនទៅមន្ទីរពេទ្យឯកជនមួយដើម្បីព្យាបាលជំងឺ ។
អ្នកស្រី រ៉ូម៉ា ម៉ាន់ស័របានមកដល់តុលាការកាលពីព្រឹកថ្ងៃពុធនេះ ដោយជិះរថយន្តខ្មៅមួយជាមួយនឹងរថយន្តសង្គ្រោះបន្ទាន់មួយ។
លោកស្រីកំពុងរងការចោទប្រកាន់ចំនួន៣ករណីដែលទាក់ទងនឹងអំពើពុករលួយនិងទទួលប្រាក់សំណូក។
ការចោទប្រកាន់ទាំងអស់នេះ ត្រូវបានធ្វើឡើងក្រោមច្បាប់របស់គណៈកម្មការប្រឆាំងអំពើពុករលួយម៉ាឡេស៊ីឆ្នាំ ២០០៩ ។
អ្នកស្រី ប្រឈមការជាប់ពន្ធនាគាររហូតដល់ ២០ ឆ្នាំនិងពិន័យជាប្រាក់ប្រសិនបើលោកស្រីត្រូវបានសំរេចឱ្យជាប់ទោសនោះ៕ប្រែសម្រួល៖សុខា
អ្នកស្រី រ៉ូម៉ា ម៉ាន់ស័រ មកដល់តុលាការក្រុងគូឡាឡាំពួនៅថ្ងៃពុធថ្ងៃទី៥ខែកុម្ភៈនេះ