Home ព័ត៌មានជាតិ នយោបាយ ​លទ្ធផល​នៃ​ជំ...

​លទ្ធផល​នៃ​ជំនួប​សម្ដេច​តេ​ជោ​ហ៊ុន សែន​នាយករដ្ឋមន្ត្រី​កម្ពុជា​ជាមួយ​លោក លី ខឺ​ឈាំ​ង នាយករដ្ឋមន្ត្រី​ចិន

ដោយ​៖​តារា​រិ​ទ្ធ​(​ភ្នំពេញ​)៖​លោក លី ខឹ​ឈាំ​ង បាន​បញ្ជាក់ថា​រដ្ឋាភិបាល​ចិន​និង​ប្រជាជន​ចិន​កំពុងតែ​ប្រយុទ្ធប្រឆាំង​ជាមួយនឹង​ជំងឺ​វីរុស​កូ​រ៉ូ​ណា ។​តាម រយៈ​ដំណើរ​ទស្សនកិច្ច​របស់​សម្ដេច​តេ​ជោ​នាយករដ្ឋមន្ត្រី​នៅ​ប្រទេស​ចិន​នៅពេលនេះ​គឺ​បង្ហាញ​ពី​ការគាំទ្រ​ដ៏​ខ្លាំងក្លា​ចំពោះ​ប្រទេស​ចិន​ក្នុង​គ្រា​លំបាក​។ រដ្ឋាភិបាល​និង​ប្រជាពលរដ្ឋ​ចិន​មាន​ជំនឿ​យ៉ាង​មុតមាំ​ក្នុងការ​ប្រយុទ្ធប្រឆាំង​ចំពោះ​ជំងឺ​កូ​រ៉ូ​ណា​នេះហើយ​ចិន​និង​នៅតែ​បន្ត​គាំទ្រ​ផលប្រយោជន៍​របស់ ប្រជាជន​ចិន​និង​ប្រជាពលរដ្ឋនៅក្នុង​ប្រទេស​កម្ពុជា ។ នេះ​បើ​យោងតាម​ការបញ្ជា​ក់រប​ស់លោក កៅ គឹមហួន រដ្ឋមន្ត្រី​ប្រតិភូ​អម​នាយករដ្ឋមន្ត្រី ។​

​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​កម្ពុជា​បាន​ទៅកាន់​ប្រទេស​ចិន​ក្នុង​ដំណើរ​ទស្សន​កិច្ចការងា​រត​ប​តាម​ការអញ្ជើញ​របស់ លោក លី ខឺ​ឈាំ​ង នៅ​ល្ងាច​ថ្ងៃទី ៥ ខែកុម្ភៈ នេះ​។ នៅ​ទីក្រុង​ប៉េកាំង​សម្តេច​តេ​ជោ​នាយករដ្ឋមន្ត្រី​បាន​ជួបពិភាក្សា​ការងារ​ជាមួយ​លោក លី ខឺ​ឈាំ​ង ។​

​លោក កៅ គឹមហួន រដ្ឋមន្ត្រី​ប្រតិភូ​អម​នាយករដ្ឋមន្ត្រី​បាន​មានប្រសាសន៍​ឲ្យ​ដឹង​បន្ទាប់ ពី​ជំនួប​នោះ​ថា​៖​សម្តេច​តេ​ជោ​បាន​បញ្ជាក់ថា​ទស្សនកិច្ច​នៅពេល នេះ​គឺ​ចង់បង្ហាញ​អំពី​សាមគ្គីភាព​ជាមួយរ​ដ្ឋា​ភិ​បាល​និង​ប្រជាជន​ចិន​ក្នុង​គ្រា​លំបាក​នេះ​។​ពិសេស​គឺ​បង្ហាញ​អំពី​ជំនឿ​ចំពោះ​ប្រជាពលរដ្ឋ​កម្ពុជា​និង​និស្សិត​កម្ពុជា​ដែល​កំពុង​សិក្សា​និង​រស់នៅ​ប្រទេស​ចិន ។ទស្សនកិច្ច​នៅពេលនេះ​ក៏​ដើម្បី​លុបបំបាត់​នូវ​ការភ័យខ្លាច​ក្នុងចំណោម​ប្រជាពល រដ្ឋ​កម្ពុជា​ជា​ពិ​សេ សគឺ​ការប្រឆាំង​ទៅនឹង​ភាពភ័យខ្លាច​របស់​ប្រជាពលរដ្ឋ ។

​សម្តេច​បាន​គូសបញ្ជាក់ថា​កម្ពុជា​ចង់បង្ហាញ​ពី​ការគាំទ្រ​ជាមួយ​ប្រទេស​ចិន​ក្នុងពេលដែល​ចិន​កំពុងតែ​ប្រយុទ្ធប្រឆាំង​ទៅនឹង​វីរុស​កូ​រ៉ូ​ណា​នេះ។​ក្នុងនាមរាជរដ្ឋាភិបាល​កម្ពុជា​សម្ដេច​សូម​ចូលរួម​រំលែក​ទុក្ខ​ជាមួយនឹង​គ្រួសារ​ជនរងគ្រោះ​ដោយសារ​វីរុស​នេះ ។ សម្ដេច​ក៏បាន​អរគុណ​ដល់​រដ្ឋាភិបាល​ចិន​ដែល បាន​ជួយ​ដល់​ប្រជាពលរដ្ឋ​កម្ពុជា​កំពុងតែ​រស់នៅ​ប្រទេស​ចិន គ្រា​ដែល​រដ្ឋាភិបាល​ចិន​បាន​ចាត់វិធានការ​មួយចំនួន​ដើម្បី​ជួយ​ដល់​និស្សិត​កម្ពុជា ។
​សម្ដេច​បាន​បញ្ជាក់ថា​អ្វី​ដែលជា​បញ្ហា​មិនមែន​ដោយសារ​វីរុស​កូ​រ៉ូ​ណា​ទេ​ប៉ុន្តែ​គឺជា​ការភ័យខ្លាច​របស់​ប្រជាពលរដ្ឋ ។ សម្ដេច​បាន​ចាត់ទុកថា​បញ្ហា​ជំងឺ​កូ​រ៉ូ ណា​នេះ​គឺជា​សង្គ្រាមចិត្តសាស្ត្រ​ដែល​កំពុង​ធ្វើ​ឲ្យ​ប្រជាពលរដ្ឋ​ភ័យខ្លាច​។​មាន​អ្នកខ្លះ​ចោទប្រកាន់ថា​រាជរដ្ឋាភិបាល​ថា​បាន​ដោះដូរ​អាយុជីវិត​របស់​ប្រជា ពលរដ្ឋ​កម្ពុជា​ជាមួយ​ទំនាក់ទំនង​កម្ពុជា​ចិន​ទៅវិញ តែ​ការលើកឡើង​នោះ​គឺ​សុទ្ធតែជា​រឿង​មិន​ពិត​ទាល់តែសោះ​ពីព្រោះ​សម្ដេច​បន្ត​ការយកចិត្តទុកដាក់ ចំពោះ​និស្សិត​ដែល​កំពុងតែ​សិក្សា​នៅ​ប្រទេស​ចិន​។​សម្ដេច​មិនអាច​រត់ចេញ​ពីអ្វី​ដែល​កំពុង​កើតឡើង​នេះ​បានទេ​ប៉ុន្តែ​សម្ដេច​នៅតែ​បង្ហាញ​ពី​ការ​រួមសុខ រួមទុក្ខ​ជាមួយ​ប្រជាពលរដ្ឋ​កម្ពុជា​និង​ប្រជាពលរដ្ឋ​ចិន​។​

​សម្ដេច​តេ​ជោ​នាយករដ្ឋមន្ត្រី​ក៏​លើកឡើង​ពី​កិច្ចសហប្រតិបត្តិការ​ទ្វេភាគី​ពាក់ព័ន្ធ​ទៅនឹង​សហភាព​អឺរ៉ុប​ដែល​គ្រោង​នឹង​ចេញ​នូវ​សេចក្តីសម្រេច​របស់ខ្លួន​នា​ពាក់កណ្ដាល​ខែកុម្ភ​នេះ ។ ទោះ​ស្ថិតនៅ​ក្នុងស្ថានភាព​នេះ​ក៏ដោយ​រាជរដ្ឋាភិបាល​កម្ពុជា​បាន​ត្រៀម​រួចរាល់​ជាង​មួយឆ្នាំ​ហើយ ។​សម្ដេច​តេ​ជោ​បាន ស្នើឱ្យ​រដ្ឋាភិបាល​ចិន​ជួយ​ជំរុញ​វិនិយោគ​និង​រោងចក្រ​ដែល​កំពុង​ប្រតិបត្តិការ ៧០ ភាគរយ​នៅ​កម្ពុជា​បន្ត​រក្សា​នៅ​កម្ពុជា​ដដែល​និង​ស្នើ​ឲ្យ​ចិន​បន្ត​ជម្រុញ ការគៀងគរ​វិនិយោគ​របស់​ចិន​មក​បណ្ដាក់ទុន​វិនិយោគ​បន្ថែម​នៅ​ប្រទេស​កម្ពុជា ជាមួយនឹង​ការពង្រីក​ទិន្នផល​កសិផល​របស់​ក​ម្ពុ​ជា​ទៅកាន់​ទីផ្សារ​ចិន​។
​សម្ដេច​តេ​ជោ​បាន​បញ្ជាក់ជូន​នាយករដ្ឋមន្ត្រី​ចិន​ថា​ការបិទ​ល្បែង​អន​ឡាញ​នៅ​កម្ពុជា​គឺ​ដើម្បី​ធ្វើយ៉ាងណា​ធានា​សន្តិសុខ​ជាតិ​របស់​កម្ពុជា​នឹងចូលរួម​ប្រ យុទ្ធ​ប្រឆាំង​និង​ឧក្រិដ្ឋកម្ម​ផ្សេងៗ​ដែល​ពាក់ព័ន្ធ​ទៅនឹង​ល្បែង​អន​ឡាញ​ផងដែរ​។

​លោក លី ខឹ​ឈាំ​ង នាយករដ្ឋមន្ត្រី​ចិន​បានបញ្ជាក់​ថា​ចិន​យកចិត្តទុកដាក់​ខ្លាំង​ចំពោះ​ទស្សនកិច្ច​របស់​សម្ដេច​តេ​ជោ​មកកាន់​ប្រទេស​ចិន​នៅពេលនេះ​។ លោកនាយក​រដ្ឋមន្ត្រី​បានបញ្ជាក់​ថា​ភាគី​ចិន​ធ្វើ​អ្វីៗ​ដើម្បី​ធ្វើយ៉ាងណា​ឲ្យ​ប្រជាពលរដ្ឋ​រស់នៅ​ទីនោះ​កុំ​ឲ្យ​មានការ​ភ័យខ្លាច ។ លោក​បាន​គូសបញ្ជាក់ថា បច្ចុប្បន្ននេះ​រដ្ឋាភិបាល​និង​ប្រជាពលរដ្ឋ​ចិន​កំពុងតែ​ប្រយុទ្ធប្រឆាំង​ជាមួយនឹង​វិ​រុស​ថ្មី ហើយ​សង្ឃឹម​ជឿជាក់ថា​ចិន​នឹង​អាច​ប្រយុទ្ធប្រឆាំង​ជាមួយនឹង ជំងឺ​មួយ​នេះ​ប្រកបដោយ​ជោគជ័យ​។

​លោក លី ខឹ​ឈាំ​ង បាន​បន្ត​ចិន​នឹង​បន្ត​ការគាំទ្រ​ដល់​កម្ពុជា​ទៅតាម​លទ្ធភាព​នូវ​អ្វីដែល​ចិន​អាចជួយ​បាន​ហើយ​ចិន​នឹង​បន្ត​ការគាំទ្រ​គៀងគរ​វិនិយោគ បន្ថែម​មកកាន់​កម្ពុជា​និង​រក្សា​វិនិយោគិន​ដែល​កំពុងតែ​វិនិយោគ​នៅ​កម្ពុជា​ផងដែរ ។ ពាក់ព័ន្ធ​ជាមួយនឹង​កិច្ចព្រមព្រៀង​ពាណិជ្ជកម្ម​សេរី​រវាង​ប្រទេស ទាំងពីរ​គឺ​កំពុងតែ​ស្ថិតនៅក្នុង​ដំណាក់កាល​ចរចា​គ្នា​ដោយ​ភាគី​ទាំងពីរ​នឹង​បន្ត​ការជជែក​គ្នា​ទៀត​នៅ​ខែមីនា​ខាងមុខ ដើម្បី​ជំរុញ​ឱ្យបាន​ចប់សព្វគ្រប់​៕​

ទីតាំងផ្សាយពាណិជ្ជកម្ម

- Advertisment -

Most Popular

យុទ្ធនាការ​១៦​ថ្ងៃ​: បង្ក...

ដោយ​: មុនី​រ័ត្ន / ភ្នំពេ...

អភិបាលខណ្ឌ​ចំកា​មន​៖ សម្ត...

ដោយ​: រ៉ា​ម៉ន / ភ្នំពេញ​:...

ក្មេងប្រុស​អាយុ​១២​ឆ្នាំ ...

ដោយ​: អង្គា​រ៍​ហេង / ភ្នំ...

សម្តេច​ក្រឡាហោម ស ខេង ចេញ...

​ដោយ​: មុនី​រ័ត្ន / ភ្នំព...