ដោយៈគ្រញូង/បាត់ដំបងៈអង្គភាពរដ្ឋាករទឹកបាត់ដំបងបានធ្វើសេចក្តីជូនដំណឹងពីការផ្អាកផ្តលទឹក៣ថ្ងៃ៥ដល់៧ខែកុម្ភៈឆ្នាំ២០២០នៅក្រុងបាត់ដំបងដើម្បីជួសជុលកែសម្រួលនូវបំពង់ទុយោមេបញ្ជូនទឹកឆៅខ្នាត០៦០០មីលីម៉ែត្ររបស់រោងចក្រផលិតទឹកស្អាតវត្តលៀប។ដែលបាននិងកំពុងមានបញ្ហាប្រឈមដោយការលេចធ្លាយហើយតម្រូវឱ្យមានការជួសជុលកែសម្រួលជាបន្ទាន់ឱ្យខានតែបាន។
ដើម្បីធានានូវនិរន្តរភាពសុវត្ថិភាពការងារផលិតទឹកស្អាតនិងការងារផ្គត់ផ្គង់ទឹកស្អាតក្រុមអ្នកបច្ចេកទេសត្រូវការពេលវេលាដើម្បីធ្វើការជួសជុលកែលម្អបំពង់ទុយោនេះឱ្យបានឆាប់តាមដែលអាចធ្វើទៅបាន។ក្នុងរយៈពេលនៃការជួសជុលកែសម្រួលនេះសេវាផ្គត់ផ្គង់ទឹកស្អាតអាចនឹងជួបនូវភាពរអាក់រអួលខ្លះដោយសារទឹកមានសម្ពាធធ្លាក់ចុះខុសពីធម្មតានិងមានទឹកមិនគ្រប់គ្រាន់នៅតាទីតាំងខ្លះៗ។
លោកអ៊ុតក្លឹងប្រធានរដ្ឋាករទឹកបាត់ដំបងបានបញ្ជាក់ថាយោងតាមសេចក្តីជូនដំណឹងនេះអង្គភាពជំនាញសូមសង្ឃឹមថាឯកឧត្តមលោកជំទាវលោកលោកស្រីដែលជាអតិថិជនទាំងអស់សូមមេត្តាជ្រាបនិងមេត្តាអធ្យាស្រ័យយោគយល់ចំពោះភាពរអាក់រអួលនេះដល់អង្គភាពយើងខ្ញុំជាក់ជាពុំខានឡើយ៕S/
