Home ប្លែកៗ នាងក្រមុំ​ទុក...

នាងក្រមុំ​ទុក​រោម​វែងៗ​លើ​រាងកាយ​ដូច​ប្រុស ហើយ​ជំរុញ​ឱ្យ​នារី​ដ​ទែ​ធ្វើតាម​

នារី​វ័យក្មេង​ម្នាក់​ដែល​មិន​ព្រម​កោរ​រោម​លើ​ដងខ្លួន​របស់​នាង​ដែល​មហាជន​មួយចំនួនធំ​យល់ថា គួរឱ្យ​ខ្ពើមរអើម​នោះ បាន​ជំរុញ​ឱ្យ​នារី​ដទៃ​យក​គំរូ​តាម​នាង ហ៊ាន​ទុក​អ្វីដែល​ខ្លួនឯង​យល់ថា ស្រស់ស្អាត​បន្ទាប់ពី​រូបថត​នាង​បញ្ចេញ​រោម​ក្រាស់ៗ​លើ​រាងកាយ​ល្បី​សុសសាយ​ពេញ បណ្ដាញ​ទំនាក់ទំនង​សង្គម​។
​ ​
នាង ម៉េ​ស៊ី ដា​ហ្វ (Macey Duff) វ័យ ១៩ ឆ្នាំ​មកពី​រដ្ឋ​នី​វែ​ដា (Nevada) សហរដ្ឋ​អាម៉េរិក​ដែល បានចាប់ផ្ដើម​កោរ​រោមជើង និង​រោមដៃ​របស់​នាង​នៅ​អាយុ ១០ ឆ្នាំ​និយាយថា​នាង​មាន​អារម្មណ៍ ថា​រង​សម្ពាធ​ពី​សង្គម​ដែល​យល់ថា នារី​មិនគួរ​ទុក​រោម​លើ​ដងខ្លួន​។​
​ ​
នារី​ដែលមាន​អាជីព​ជា​អ្នករាំ​រូបនេះ ចេះតែមាន​អារម្មណ៍​ខ្មាសអៀន​អស់​រយៈពេល ៦​ឆ្នាំ​ដែល នាង​ចាប់ផ្ដើម​ទុក​រោម​របស់​នាង​ឱ្យ​ដុះ​តាម​ធម្មជាតិ​វិញ នោះ​ក៏​ព្រោះតែ​នាង​ខ្លាច​គេ​ឃើញ និង​សើចចំអក​។ ទោះជា​យ៉ាងណា នៅ​ឆ្នាំ​២០១៦ នាង​ឈប់​មាន​អារម្មណ៍​បែបនេះ​តទៅទៀត នៅពេល​នាង​ផ្លាស់​ទៅ​រស់នៅ​កោះ​ហា​វ៉ៃ ជាមួយ​គ្រួសារ​របស់​នាង​។​
​ ​
នាង​ចាប់ផ្តើម​ទុក​រោម ពោលគឺ​ឈប់​កោរ ឬ​ឈប់​ដក​បន្ទាប់ពី​នាង​ឃើញ​ស្ត្រី​ម្នាក់​ស្លៀក​ឈុត មុជទឹក​បញ្ចេញ​រោមជើង និង​រោមក្លៀក​ក្រាស់ឃ្មឹក​យ៉ាង​មាន​ជំនឿ​ចិត្ត​នៅលើ​ឆ្នេរ​ខ្សាច់​៕ ប្រែ​សម្រួលៈ ខុម

ទីតាំងផ្សាយពាណិជ្ជកម្ម

- Advertisment -

Most Popular