ផូ​ល ប៉ុក​បា ប្រាប់​មិត្ត​រួម​ក្រុម​យូ​ណាយ​ធី​ត​ថា ខ្លួន​ចង់​ចាកចេញ​នៅ​រដូវក្តៅ​នេះ

​កីឡាករ ផូ​ល ប៉ុក​បា (Paul Pogba) បាន​ប្រាប់​មិត្ត​រួម​ក្រុម​ម៉េ​ន​ឆេ​ស្ទ័​រ យូ​ណាយ​ធី​ត​ថា ខ្លួន​ចង់​ចាក​ចេញពី​ក្លឹប​នេះ​នៅ​រដូវក្តៅ​ខាងមុខនេះ​។​
​ ​
កីឡាករ​សញ្ជាតិ​បារាំង​រូបនេះ​មិនបាន​លេង​តាំងពី​ខែធ្នូ ដោយ​ចាប់ផ្តើម​បានត្រឹមតែ​៦​ប្រកួត ប៉ុណ្ណោះ​នៅ​រដូវ​កាល​នេះ ដោយសារ​តែមាន​បញ្ហារ​បួស​ក្បាលជង្គង់ ហើយ​នៅពេលនេះ កំពុង​វះកាត់​ក្បាលជង្គង់​។ ប៉ុក​បា នៅតែ​អ​ន្ទះ សា​ចង់​ចាក​ចេញពី​អង់គ្លេស​នៅ​រដូវក្តៅ​នេះ​។​
​ ​
​មិត្ត​រួម​ក្រុម​របស់ ប៉ុក​បា ជឿថា អារម្មណ៍​របស់​កីឡាករ​រូបនេះ​មិន​ស្ថិតនៅ​ជាមួយ​ក្លឹប​ទៀត​ទេ ហើយ​កីឡាករ​ភាគច្រើន​ចង់​ឲ្យ ប៉ុក​បា ចាកចេញ​ដើម្បី​ប្រយោជន៍​ក្រុម​។ មានការ​អះអាងថា ប៉ុក​បា នៅតែ​ជា​កីឡាករ​មាន​ប្រជាប្រិយ​ក្នុង​ក្រុម បើទោះបីជា​បង្ហាញ​ចេតនា​ចង់​ចាកចេញ ពី​យូ​ណាយ​ធី​ត​ក៏ដោយ​។​
​ ​
សេចក្តីរាយការណ៍​ជាច្រើន​នៅ​អ៊ីតាលី​នៅ​ខែ​នេះ​បាន​អះអាងថា ក្លឹប Juventus ប្តេជ្ញាចិត្ត​ចង់ ជួបជុំ​ឡើងវិញ​ជាមួយ​កីឡាករ ប៉ុក​បា ដែល​ខ្លួន​បាន​លក់​ទៅ​ឲ្យ​យូ​ណាយ​ធី​ត​ក្នុងតម្លៃ​៨៩ លាន​ផោន​កាលពី​ឆ្នាំ​២០១៦​។​
​ ​
ក្លឹប Real Madrid ក៏​ចាប់អារម្មណ៍​ចង់បាន ប៉ុក​បា ហើយ​កំពុង​វាយតម្លៃ​ជម្រើស​លើ​ខ្សែបម្រើ ដូចជា តូ​នី គ្រូ​ស (Toni Kroos) និង លូ​កា ម៉ូ​ឌ្រី​ក (Luka Modric) ដែល​នៅពេលនេះ​ពួកគេ​មាន វ័យ​៣០​និង​៣៤​ឆ្នាំ​ទៅហើយ​។​
​ ​
បន្ទាប់ពី​លេង​ជាមួយ​ក្រុម Watford កាលពី​ថ្ងៃទី​២២​ខែធ្នូ និង​ជាមួយ​ក្រុម Newcastle នៅ​ថ្ងៃបុណ្យ​ណូអែល ប៉ុក​បា ធ្វើការ​វះកាត់​របួស​ក​ជើង​៕ ប្រែ​សម្រួល​: ពិសិដ្ឋ​