Home ព័ត៌មានអន្តរជាតិ រកឃើញ​១០​នាក់...

រកឃើញ​១០​នាក់​ទៀត​ផ្ទុក​វីរុស​នៅ​លើ​នាវា​កម្សាន្ត​នៅ​ជប៉ុន ខណៈ​នាវា​កម្សាន្ត​ទី​២​ក៏​មាន​បញ្ហា​ជាមួយ​កូរ៉ូណា​វីរុស​

​មនុស្ស​១០​នាក់​ទៀត​នៅ​លើ​នាវា​ដឹក​អ្នកដំណើរ​កម្សាន្ត​ដែល​កំពុង​ត្រូវ​ដាក់​នៅ​ឆ្ងាយ​ពី​គេ​នៅ​ក្រុង​យ៉ូ​កូហា​ម៉ា ប្រទេស​ជប៉ុន ត្រូវបាន​ធ្វើតេស្ត​ឃើញ​មាន​ផ្ទុក​កូរ៉ូ​​ណា​វីរុស នេះ​បើ​តាម​ការបញ្ជាក់​របស់​ក្រសួង​សុខាភិបាល​កាលពី​ថ្ងៃ​ព្រហស្បតិ៍​ទី​៦​កុម្ភៈ​។​

​បូក​រួម​ចំនួន​ចុងក្រោយ​នេះ ធ្វើអោយ​ជប៉ុន​មាន​អ្នក​ផ្ទុក​វីរុស​បង្ក​ជម្ងឺ​ផ្លូវដង្ហើម​នេះ​ដល់​៤៥​នាក់ ជា​ចំនួន​ឆ្លង​ច្រើនជាងគេ​បំផុត​ក្នុងចំណោម​ប្រទេស​ដែល​​មាន​អ្នក​ឆ្លង​កូរ៉ូណា​វីរុស​នេះ​នៅ​ក្រៅ​ទឹកដី​ចិន​។​

​សូមបញ្ជាក់​ថា មនុស្ស​ប្រមាណ​៣.៧០០​នាក់​ប្រឈម​ការ​ដាក់​នៅ​ដាច់​ពី​គេ​នៅលើ​នាវា​Diamond Princess ក្រោយ​ពី​មនុស្ស​១០​នាក់​ដំបូង​ត្រូវ​បាន​បញ្ជាក់ថា​​មាន​ផ្ទុក​វីរុស​ឆ្លង​នេះ​។​នាវា​ដឹក​អ្នកដំណើរ​កម្សាន្ត​នេះ​បាន​ធ្លាក់​ចូល​ក្នុង​ការឆ្លង​រាលដាល​សកល​ក្រោយពី​បុរស​ហុងកុង​អាយុ​៨០​ឆ្នាំ​ម្នាក់​ត្រូវបាន​រកឃើញ​ថា​ផ្ទុក​​កូរ៉ូណា​វីរុស បន្ទាប់ពី​គាត់​ចុះ​ពី​នាវា​កាលពី​ចុង​ខែ​មុន​។​

​ក្នុងពេល​ជាមួយគ្នា សមាជិក​ជាង​៣០​នាក់​នៃ​នាវា​ដឹក​អ្នកដំណើរ​កម្សាន្ត​មួយទៀត​នៅ​ហុងកុង បានបង្ហាញ​រោគសញ្ញា​ឆ្លង​កូរ៉ូណា​វីរុស ហើយ​មនុស្ស​ទាំង​៣.៦០០​នាក់​នៅក្នុង​នាវា​ត្រូវ​បង្ខាំង​ទុក​នៅ​ដាច់​ពី​គេ​។​

​​នាវា​The World Dream ចត​នៅ​ហុងកុង​បន្ទាប់ពី​អតីត​អ្នកដំណើរ​របស់​វា​៣​នាក់ បាន​ឆ្លង​កូរ៉ូណា​វីរុស។បុគ្គលិកពេទ្យចូលពិនិត្យអ្នកនៅក្នុងនាវាជាង៣ពាន់នាក់

នាវា​The World Dream ចត​នៅ​ហុងកុង​បន្ទាប់ពី​អតីត​អ្នកដំណើរ​របស់​វា​៣​នាក់ បាន​ឆ្លង​កូរ៉ូណា​វីរុស​។​វា​នា​នេះ​ត្រូវបាន​បដិសេធ​មិន​អោយ​ចូល​កោះ​តៃវ៉ាន់​កាលពី​ថ្ងៃ​អង្គារ និង​ឥឡូវ​កំពុង​ត្រូវ​ដាក់​នៅ​ដាច់​ពី​គេ​នៅ​ហុងកុង​ដើម្បីអោយ​បុគ្គលិក​ពេទ្យ​ចូល​ពិនិត្យ​សុខភាព​មនុស្ស​នៅលើ​នាវា​។​

​ហុងកុង​កាលពី​ថ្ងៃ​ពុធ​បានចាប់ផ្តើម​វិធានការ​បង្ការ​កាន់តែ​តឹងរឹង​ឡើង​ដោយ​តំរូវអោយ​អ្នក​មក​ពី​ចិនដីគោក​ត្រូវ​តែ​នៅ​ដាច់​ពី​គេ​២​សប្តាហ៍​។​ទីក្រុង​ចិន​​នេះ​ឥឡូវ​មាន​អ្នក​ផ្ទុក​កូរ៉ូណា​វីរុស​១៨​ករណី រួមមាន​៤​ករណី​ឆ្លង​នៅក្នុង​ទីក្រុង​នេះ​ផ្ទាល់​និង​កូរ៉ូណា​វីរុស​បានសម្លាប់​មនុ​ស្ស​ម្នាក់​ជា​លើកដំបូង​នៅ​ទីនេះ​៕​ប្រែ​សម្រួល​៖​វាសនា​

ទីតាំងផ្សាយពាណិជ្ជកម្ម

- Advertisment -

Most Popular

ម៉ាឡេស៊ី​តំរូវអោយ​និយោជក​...

​ប្រែ​សម្រួលៈ​វាសនា​/​គូ​...

សមត្ថកិច្ច ឃាត់ខ្លួន​ជនសង...

ដោយៈ ស​រិ​ទ្ធ / ភ្នំពេញៈ ...

ឃាត់ខ្លួន​ស្ត្រី​ម្នាក់ ក...

ដោយៈ ស​រិ​ទ្ធ / ត្បូងឃ្មុ...

ឯកអគ្គរដ្ឋទូត​ឥណ្ឌា​ថ្មី​...

ដោយ​: ជា សីហ​:/​ភ្នំពេញ​:...