Home ព័ត៌មានជាតិ ផលិតផល​គ្រឿងស...

ផលិតផល​គ្រឿងសម្អាង​លើ​ហ្វេ​ស​ប៊ុ​ក Reaksmey Online Shop គឺជា​ផលិតផល​គ្មាន​ច្បាប់​

ដោយៈ មេសា​/​ភ្នំពេញៈ ផលិតផល​គ្រឿងសម្អាង​ជាច្រើន​ប្រភេទ​ដូចជា ៖ ១. Super VEIGITOKS Cleanser , ២. AMPLEN , ៣. WONLIN ENERGY INFUSION, ៤. WONLIN HYDRO VIAL, ៥. CICA Dressing Solution, ៦. Up tension Peptide Care, ៧. WONLIN Power Rejuveration និង ផលិតផល​គ្រឿងសម្អាង​ដទៃ​ជាច្រើន​ទៀត ដែល​កំពុង​ផ្សព្វផ្សាយ​លក់​នៅលើ​ហ្វេ​ស​ប៊ុ​ក ឈ្មោះ Reaksmey Online Shop គឺជា​ផលិតផល​គ្មាន​ចុះ​ប្រវេទន៍ គ្មាន​ក្រុមហ៊ុន​នាំចូល​ត្រឹមត្រូវ និង គ្មាន​ច្បាប់​អនុញ្ញាត​ផ្សព្វផ្សាយ​ពី​ក្រសួងសុខាភិបាល​ឡើយ ។ នេះ​បើតាម​សេចក្តីប្រកាស​របស់​ក្រសួងសុខាភិបាល ។​


​សេចក្តីប្រកាស​នេះ​បន្ថែមថា ដើម្បី​ចៀសវាង​ការខាតបង់​ថវិកា និង ប៉ះពាល់​ដល់​សុខភាព ឬ អាចឈាន​ដល់​ការបាត់​បង់ជីវិត​អ្នកប្រើប្រាស់​នោះ ក្រសួងសុខាភិបាល សូម​ជូនដំណឹង​ដល់​ប្រជាពលរដ្ឋ​ទាំងអស់​ឈប់​ប្រើប្រាស់​ផលិតផល​ទាំងនោះ​ជា​បន្តទៀត ។​


​ជាមួយគ្នានេះ ក្រសួងសុខាភិបាល​បានប្រកាស​បញ្ជា​ឱ្យ​ម្ចាស់​គណនី​ហ្វេ​ស​ប៊ុ​ក ខាងលើ បញ្ឈប់​ជាបន្ទាន់​នូវ​ការប្រកាស​ផ្សព្វផ្សាយ​លក់ ចែកចាយ ផលិតផល​គ្រឿងសម្អាង​ខាងលើនេះ​ជាបន្ទាន់ ហើយ​ត្រូវ​ប្រមូល​ផលិតផល​ទាំងនោះ​មកវិញ ដើម្បី កម្ទេចចោល ហើយ​ថា​ក្រសួង​នឹងមាន​វិធានការ​តាមផ្លូវ​ច្បាប់​ចំពោះ​ម្ចាស់​គណនី ខាងលើ ទៅតាម​ច្បាប់​ជា​ធរមាន ។​


​សេចក្តីប្រកាស​ដដែល​នេះ បាន​សង្កត់ធ្ងន់ថា ករណី​បានឃើញ​អ្នកប្រើប្រាស់ លក់ ឬ ចែកចាយ​ផលិតផល​គ្រឿងសម្អាង​ខាងលើនេះ សូម​ផ្តល់ព័ត៌មាន ឬ ត្រូវការ​ព័ត៌មាន​បន្ថែម​ពី​នាយកដ្ឋាន​ឱសថ ចំណីអាហារ បិ​រ​ក្ខា​ពេទ្យ និង គ្រឿងសម្អាង តាមរយៈ​ទូរស័ព្ទ​លេខ ០៩៥ ៣៥៩ ៣៩៩ ឬ ០១២ ៩៨៣ ៣៣៤ ៕ Kh

ផលិតផល​គ្រឿងសម្អាង​ផ្សព្វផ្សាយ​លក់​នៅលើ​ហ្វេ​ស​ប៊ុ​ក​ឈ្មោះ Reaksmey Online Shop ដែល​ក្រសួងសុខាភិបាល​ប្រកាស​ឱ្យ​ឈប់​ប្រើប្រាស់ និង ចែកចាយ ( រូបៈ ក្រសួងសុខាភិបាល )

ទីតាំងផ្សាយពាណិជ្ជកម្ម

- Advertisment -

Most Popular