ដោយ៖សុខុម/ស្ទឹងត្រែង៖បុរសម្នាក់បានស្លាប់ពេលយកឧបករណ៍ទៅឆក់ត្រីតាមដងអូរកាលពីយប់ថ្ងៃទី៥កុម្ភៈ២០២០។ហេតុការណ៍នោះបានកើតឡើងនៅភូមិស្វាយរៀងឃុំតាឡាតស្រុកសេសានខេត្តស្ទឹងត្រែង។លោកសនប៊ុនហួតមេប៉ុស្តិ៍នគរបាលឃុំតាឡាតបានឱ្យដឹងថាបុរស់ឈ្មោះរាំងរ៉ាន់អាយុ៣៨ឆ្នាំរស់នៅភូមិឃុំកើតហេតុខាងលើបានស្លាប់ដោយសារតែឆក់ត្រីឆ្លងចរន្តអគ្គិសនីបែរឆក់ស្លាប់ខ្លួនឯង។
យោងតាមការបំភ្លឺពីឪពុកក្មេកនៅមុនពេលកើតហេតុគាត់(ឪពុកក្មេក)បានទៅរកត្រីជាមួយគ្នា។លុះដល់អូរមួយកូនប្រសាររបស់គាត់កាន់ប្រដាប់ឆក់ចុះទៅឆក់ត្រីក៏ស្រាប់តែខ្សែប៉ះទឹកបណ្តាលឱ្យឆ្លងចរន្តឆក់ប្រកាច់ក្នុងទឹកអូរនោះតែម្តង។បន្ទាប់មកគាត់ក៏បានជួយសង្គ្រោះតែមិនអាចជួយបានបានត្រឹមដឹកសពកូនប្រាសាមកផ្ទះវិញ។
លោកមេប៉ុស្តិ៍បានបញ្ជាក់បន្ថែមថាគ្រួសារខាងលើជាគ្រួសារក្រីក្រមួយរស់នៅភូមិស្វាយរៀងឃុំតាឡាតក្នុងតំបន់ដាក់ស្រយាល។ពួកគាត់ប្រើប្រាស់ឧបករណ៍ឆក់នោះគឺខុសទៅនឹងច្បាប់មែនតែពួកគាត់ឆក់ត្រឹមដោះស្រាយម្ហូបប៉ុណ្ណោះពួកគាត់មិនមែនឆក់យកទៅលក់ដូរនោះទេ៕S/
